MISE 3:11 - Boy Lonana

¹¹ Muli suu asina kaɓakŋa ni kay gegeli sum veŋŋa ɦawaa, suu haɗta haɗ suuna ni kay a mbuɗ tasi begera ɦawaa, suu jok vun Lona ɓak boyna ki fok jew ni kay gursura ɦawaa. Ni u saɓak ma vi Yawena asi di ana, «Yawe na ni ka dukuygiɗi su? Ҥawaa, hahawra hin ka a mba kaygiɗi.»

MISE 3:11 ပူးပေါင်းရင်းမြစ်များ

VUN ŊGOLNA 17:23

Sa ma kaɓak ma cona vi gursura ay ki ŋgayra ko sana a gun ɓak ma vi sa ma mamma jivina kira.

EZAYI 1:23

Muli maŋsina mbuɗ ni suu babalira, taɓ vunsi ni u suu kulna. Asi halaŋ minni tlesuu suuna ɦasisinana. Asi cuɗ ni sem li ma a fi warakŋa huna. Asi ka li kem suu kuyuna jiviɗi, ka hum tii ma vi boyogi suu dononaɗi lay.

EZAYI 48:2

Agi yi tagi ana suu hu ɦoŋzi ma teteɗna. Agi suu deŋ tagi eg Lo ma vi suu Israelna ma yam ana Yawe, ma Saɓakŋa Kom Belna.

EZAYI 5:23

Asi mbuɗ dla cora vi sana ki jivira u begera, mbuɗ dlara ɗegeera vi sa ma va ka kombina ki cora may.

EZAYI 56:11

Asi ni digini suu kurufukka ka hoɓbi lay, asi tasira ni a suu taa yoorina gaw. Asi ka wi dira di ana ndagami waraɗi lay. Asi ka wi ɓorow ii tlenaɗi lay. Gegelay dukusi ni hal ni fiimma. Gegelay hal ni ɓaɗta kay tam.

JEREMI 23:17

Asi min a di suu ka min boy ma vi Yawenaɗina ana, «Dlara hin li kagi agi jiviya.» Sa ma min a tuɗ fok u yamba eŋgana, «Dla cora hin ka mba kagiɗi.»

JEREMI 26:7

Muli suu li ɓivunna, suu jok vun Lona u suuna halaŋ hum vun Jeremi hu li ma nam ɓak boy namma hu Zira vi Yawera.

JEREMI 5:12

Asi tin vunusi kay Yawe di ana, «Nam ka iiriɗi. Dla cora ka mba kaygiɗi. Ŋgewra hin ka caygiɗi lay. Mayra hin ka caygiɗi lay.

JEREMI 6:13

Asi halaŋ, kemba u suu ŋgolona gegelay hal ni li ma nam fi huna. Asi halaŋ, suu jok vun Lona u muli suu li ɓivunna tuɗ masira ki coo.

JEREMI 7:4

Halagi boy ma mbambara a hoŋogi dira ana, «Ni ziŋ Yawera, ni ziŋ Yawera, ni ziŋ Yawera. Nam ki tani wanna.»

JEREMI 8:10

Na ɗaŋ an ɦasi boyogosi ki maŋ suu daŋŋa. Sene masina an hin ɦam ki maŋ suu yowom kina. Kay ana kemba u suu ŋgolona halaŋ min saɓakŋi begera, suu jok vun Lona u muli suu li ɓivunna halaŋ tuɗ masira ki coo.

EZEKIYEL 22:12

Huruŋ olo ni suu daŋŋa vi warakŋa a tuɗ ci maɗna. Suu daŋŋa ka joɓ balna ko ndaryasina u mbona. Asi yow tlena ko ndarayasi suu vok zina u saɓkŋa. Asi ka ɦeɓesi kay a fi mbo ma bay umma. Humuŋ maa ki kan gaw may. Di ni Bu Suuna Yawe.

EZEKIYEL 22:27

Muli masisina dukusi ni ko ndal bosogona vi vabakginara na. Asi ni na tok a ci maɗna, min a ba suuna ki kay a yowosi tlegeyesira.

EZEKIYEL 34:2

«Goŋ sanna di dlara jok vun Lona kay suu ŋgolo suu Israel suu taa yoorina. Bu Suuna, Yawe, di ana, hahawra kay suu Israel suu taa yoorina, asi suu taa tasira ɗowna. A jivira ni suuna taa ginni yoorina na ɗowɗi su?

Magaara Vi Sa Jok Vun Lona OZE 4:18

Liisi ma asi ci tlena hurum u furirana daɓ ki wa, asi zuɗ tasi tuɗ ni hu li ma zoŋga. Suu muli masisina min hal ni dla cora.

Magaara Vi Sa Jok Vun Lona OZE 4:8

Asi wul tasi ni u suluk ma vi suu mansinana, hurusi ki tinira kay cora asi laɗta.

AMOS 5:14

Halagi dlara jivira, halagi dla coraɗi a agi kak iirira, ko ndaɗta na Yawe, Lo ma saɓakŋa, hin kak u agiya, ko agi dira na.

AMOS 9:10

Suu man suu dlara vasina halaŋ hin miɗ ki ni maɗ ŋgewra, asi di ana, «Nam hin ka mbayɗi, dla cora hin ka mba kaygiɗi.»

MISE 3:5

Yawe di suu jokom vunumma, suu viɗim suu mamma kina ana, «Na ni asi ndak a fi heɓpa hu li ma siisi ka hal suuna a eɗta may su? Sa ma ka tinisi va funusiɗina asi li yara teteɗta u namu.

MISE 7:3

Kosi tinira ni a li dla cora. A li jivira eg saa ni mulna joɓ va nde may, sa ma kaɓakŋa joɓ ana ɦam va ɦawa nde may. Sa ma ɓii magaara ɓakŋi kay a hoɓ hayamba ɦawaa.

SOFONI 3:3

Muli maɗsina huruɗ ni ko dlona gi ŋgoɓpara na, suu maɗ suu kaɓakŋa ko ndal bosogori suu mayra casina a dik mbuurina del fiɗigira na, ko suu ka hin va kolo a ti vin maɗiiɗi layna na.

SOFONI 3:4

Suu maɗ suu jok vun Lona ni suu ŋga tasina, suu kulla lay. Muli maɗ suu li ɓivunna mbuɗ tlesuu li ɓivunna ki njenje lay.

MALASI 1:10

Na ni hin fi sa dukugi dew a duk vunna ɗaŋ su, kay a agi ka lagi dla cora ta ta bulumun givin ma togolla manna kiɗi. An ka furi kagi na ndeɗi, Yawe, ma Saɓakŋa Kom Belna, di na. Ɓivun magina an ka vam kogiɗi.

MALASI 2:9

An may ni hin lasagiya, mbuɗugi ki zolona duk suuna, hu li ma agi ka tuɗugi hu voɗ mandaɗina, hu li ma agi vi vunugi kay dlara wani ka li uɗɗina.

NDUMBA 16:15

Moiz hurum ɓeŋ ki cocoo, nam di Yawe ana, «Vasi ɓivun masinaɗi, an lasi dla co ka egesi na ndeɗi, koro masi ta dew lay an vi kaɗi.»

NDUMBA 22:7

Suu ŋgolo suu Moabma u suu ŋgolo suu Madiyanna yow tlesuu warak sa ma joɓba kosi yow ni mbay vi Balaam. Asi mba cuɗum boy ma Balak dasina ayna.

MATIYE 3:9

Saaragi hurugi ana, Abraham ni bumiya naɗi. An dagiya, Lona ndak a mbuɗ ɦinira ki a goryoŋ Abrahamma layɗi su?

1 TIMOTE 3:3

Nam lini sa ma ɦal tam ki maŋ summaɗina, sa ma honiraɗi lay, lini sa ma ɗili lalamma, ɦal tam ki u minda vi gursuraɗi.

TITTA 1:11

Lini nanagelay ni casi vunusiya, kay asi ɓeŋ suuna ki u deeresi halaŋ, haɗasi dla mayra cora kay fi gursura u ganyamba.

1 PIYER 5:2

Gologi jiviya, ko agi suu gol yoori suu Lona ɦagisinana na. Golosi u huu ma jivina ko Lona minda na. Ka ko ɦeɓegi ni ɦeɓi naɗi ni kay a faɗ kini vun sun magira, ka kay warakŋa vi gursuraɗi, ni kay minda vi huuna.

Magaara JUD Ɓiiriɗta 1:11

Hahawra kasiya, kay asi tli voɗta vi Kainda. Asi viɗ tasi ki u lem gursura, ko Balaam lira na may. Olo ni asi ba kini kayra asi yow kolo duuna ko Kore nara.

1 SAMUEL 8:3

Na may goryom ka tuɗ kay balam sembi. Hurusi ma tini kay begerana, asi vi ɦalla ɦawara, asi hin dlara ɗegeera kiyo.