MISE 2:2 - Boy Lonana

² Asi ŋgisiɗ senena, hin kulumu, ziginina, hin tlasi may. Asi vi malaŋ zina u ziimu, sana u bege mamba.

MISE 2:2 ပူးပေါင်းရင်းမြစ်များ

EZAYI 5:8

Hahawra ka kay suu zul zina ha zuli na ɗow ɗow, ŋga senena ha fok na ɗow ɗow ta ta tli lina ki halaŋ halaŋ. Hin tasi a lak kay mbassa ni asi doy holna.

AMOS 8:4

Humugi boy ma wanna haa, agi suu vagi tagi kay suu hawra dlaɗ dlaɗ a bulumugi suu lalam suu kay mbassana kira.

JEREMI 22:17

Iriŋ u saaraŋ tinira ni kay li ma aŋ a fi tlena huna, a vo busu sa ma li va kaɗina ki kaŋga lay. Li dlara eg suuna u saɓakŋa bay saara lay.

EZEKIYEL 18:12

Nam li mbeleŋ ma yow begera vi suu wi hawra ki lay. Nam li dlara kulla lay, va ma nam deŋem ka balna nam ka hoŋommaɗi lay. Nam gol irimmi u fulina, li ni dla mayra cora tew tew.

1 TIMOTE 6:10

Minda vi gursura ni sari dlara vi njaf cora halaŋ, suu ɦiw ni ŋgiziɗ hurusi na, asi viɗ tasi ki day eg vira, asi oy hurusi u yoora ŋgolo.

MATIYE 23:13

«Hahawra ka kagiya agi suu wi magaara gaɗta u suu Farisenna, agi ni suu mbambana, agi dug vun ziŋ Mulla Huulonara ki ii suuna. Agi tagira ka kal huɗi lay. Suu cuk huna agi ka hinisiɗi lay. [

MALASI 3:5

An hin ɦuɗ tan ha egegi a kaɓakŋa. An hin kaɓakŋa kay suu vi kumuna, kay suu li zoŋga, kay suu suu tasina, kay suu hoŋ til suu li sunda ki kaŋgana, kay sa kuyuna u cara donora, kay suu las suu ka hu njaf masinaɗina, suu ka lan ndaaranɗi layna, Yawe, ma Saɓakŋa Kom Belna, di na.

MISE 3:9

Humugi boy namma ha ɗaŋ, agi muli suu vi Yakobma, suu kaɓakŋa vi Israelna asi suu mbuɗugi boy ma jivina ki balam dla corana, dlara ɗegeera agi mbuɗuɗ ki gunira na ɗowna.

EZEKIYEL 22:12

Huruŋ olo ni suu daŋŋa vi warakŋa a tuɗ ci maɗna. Suu daŋŋa ka joɓ balna ko ndaryasina u mbona. Asi yow tlena ko ndarayasi suu vok zina u saɓkŋa. Asi ka ɦeɓesi kay a fi mbo ma bay umma. Humuŋ maa ki kan gaw may. Di ni Bu Suuna Yawe.

2 MULINA 9:26

An, Yawe, wi dla ndaɗta ki halaŋ hu li ma aŋ ci Nabot u goryom kina. An, Yawe, suu tan ana an hin kaaŋ ɓakŋa kaŋ kay dla ndaɗta ni hu sene namma na gay may.» Jehu hin di ana, «Tli maɗ Joram gam ha ki hu sene namma, ko ndal Yawe di ay ki fok jewra na.»

KALKIRA 20:17

«Aŋ ŋgiziɗ ziŋ ndaraŋŋanaɗi. Aŋ ŋgiziɗ caŋ ndaraŋŋaraɗi, ŋgiziɗim saam ma li sunda varammaɗi lay, goora li sunda varambaɗi lay, mbutl mammaɗi lay, korro mambaɗi lay, tlesuu varamma halaŋ maa na nde lay, aŋ ŋgenembi.»

JOB 31:38

Lini sene manna hurum ɓeŋ egen sekenu, yam zumma mbuɗ tii ki u simina.

1 MULINA 21:1

Gola ni dlara li dagan boy nammara. Sana ka hu ɦoŋzi ma Jizreelna dew, sem ana Nabot. Sene gugutlu mamma eg zi ma vi mul ma Samarina Akab na tok.

EZEKIYEL 8:17

Nam dan ana, «Goŋ sanna, aŋ wi wa su? Dlara co ndaɗta wanni ndak suu Yudana ka tuɗi su? Asi ɓeŋ mbassa ki u dlaasira cora, cemi asi gijaŋ lan cora ni egen anu. Gola cemi asi ka ɦuɗ hum bawra ay cinisiya.

EZEKIYEL 22:13

«An maɗ kon ci suuna u tanda kay busu ma aŋ voom ki cocona, kay mbo ma aŋ vam ko suuna bay umma may.

EZEKIYEL 33:26

Agi tak saɓakagi ni u ŋgewna, agi li dlara zoŋga coco u boyogi suu vi ndaryaginana ni agi hin ana mbassa ni magira?

EZEKIYEL 46:18

Li ma vi suu halaŋŋa mulna ka ŋgen kom egembi. Nam ɓorow maŋ goryommi liim ma ɦamana na hol. Nam ka las suu mansina a dikisi ki kay liisinaɗi. An ka min ana suu mansina tuɗ ki day day eg mbas masiraɗi.»

AMOS 2:7

Kay ana asi min a ko gugumma kay suu maŋŋina, asi li ii suu lalamma kay bege masira, ko ndaɗta na goona u bum tuɗ ha ni vi goora dewra a ɓeŋen sen ma teteɗna kira.

MISE 6:12

Ҥoŋzi ma suu begera hurumma li ni dlara saɓakŋa, suu hu zi nammana ɓakŋi boy ma ganyamba, ay funusi u sinisi ni boy ma viɗ suuna kina.

EZAYI 3:14

Yawe kal hu ɓakŋa u suu maana u muli suu fok suu mamsinana. Agi ni suu ti sene gugutlura kina, tlesuu agi ɦurumusi ay ki ko suu hawrana ka vo varagi lay.

EZEKIYEL 45:9

«Bu Suuna, Yawe, di ana, Agi muli suu Israelna dla coogira buu ni ŋgol cocoo, ndak wa na ga, hin lassa agi lasan suu mansinara lagi ni dlara irin jivira na ɗow, ka agi dikin suu mansina ki kay mbas masira oloɗi. Hin njaf suu Israelna lak hu u mbassa hin wandara. Di ni Bu Suuna Yawe.

AMOS 4:1

Humugi boyna haa, dogoni mbutli suu Basanna, agi suu ti haɗna ay kay ɦinira Samarira doorogi suu maŋina kiyo, lasagi suu hawra lay, dagi malayagina ana, ɦal ay tlesuu cira.