MISE 2:13 - Boy Lonana

¹³ Nam ɗiŋ ha kolo fokosi wa, sa ma hin a malasi voɗtana, asi mal voɗta wa, asi sel ki hu vun goŋga, asi sel ki ni huruɗu. Mul masina kal ki fokosiya, Yawe tuɗ fokosi ni namu.

MISE 2:13 ပူးပေါင်းရင်းမြစ်များ

KALKIRA 14:19

Sa sunda huulona ma tuɗ fok suu Israelna jak a tuɗ ha fok suu Israelna gi tam ha kay ceresiya ɗugulla tuɗ ha fokosi may, hin col ŋgoorosi hu may.

EZAYI 42:7

Aŋ hin mal ii suu dugina kiyo, aŋ cuk suu ay hu daŋgaynana ki kiɗiki. Suu ay duk ndufundana aŋ hin cukusi ay kiyo.

EZAYI 51:12

Anni sa ma njunugina. Agi li ndaa sa war ma miɗ kina ni kay mege? Goŋ Adamma ni ko ndal ɓo usuna ɦawa na.

EZAYI 52:12

Agi cuk ki ni ka u liŋŋa oloɗi, agi ka tuɗ u ndaanaɗi lay kay sa ma tuɗ fokogina ni Yawe. Sa ma ha ŋgorogi daganna ni Lo ma vi suu Israelna.

EZAYI 55:4

An tinimmi a sa ma diki maŋ njaf suuna halaŋŋa. Nammi sa ma saɓakŋa kom bay njaf suuna belna.

DANYEL 2:44

Doli ɗaŋŋi hu buu ma vi muli suu asina wanni Lo ma ay kolo huulonana hin tin mul ma ka ɓeŋ kiɗina, ma mul mamba hin ka ɦaɗ ki maŋ suu daŋ oloɗina. Nam hin luɗusi kiyo, hin bulum muli suu asina ki halaŋ, nam hin hinni a fafaɗta.

Magaara Vi Sa Jok Vun Lona OZE 13:14

An hin buɗusi ay ki duk suu miɗina. Ay hu li ma maɗna an hin gaɗasiya. Maɗna saɓak maŋŋa arage? Li ma vi suu miɗina na dla cooŋga arage? Irin ka wi hahaw sa oloɗi.

Magaara Vi Sa Jok Vun Lona OZE 2:2

Goryoŋ Yudana u goryoŋ Israelna hin taɓ ki u tasiya. Asi hin tli mulna fokosi dew, asi hin ti kay mbassa. Kay ana buu ma vi Jizreelna hin li ŋgolla.

Magaara Vi Sa Jok Vun Lona OZE 3:5

Ŋgoo dagan wanni goryoŋ Israelna hin hal Yawe, Loosina, daŋgadla, u David mul masina, asi hin hoŋ irisi ay eg Yawe u dlakka eg tlegeyem suu jivina hu buu ma fokŋa.

MISE 2:12

An hin tokogi kay tagiya, suu vi Yakobma halaŋ halaŋ, an hin tok suu Israel suu hinna, an hin taɓasi dew ko ndal timigii suu vi Bosrana na, ko ndal yoorina ay hu li ma tira na. Del suuna hin kal ay ki dukusiya.

MISE 3:1

An di ana, «Humugi ha ɗaŋ muli suu vi Yakobma, suu kaɓakŋa vo vi Israelna, agi a wi ɗegeera ni agiɗi su?

MISE 4:7

Duk suu dalira an hin mbuɗusi a ura hinda, suu ay ki njayna a mbas mayra saɓakŋa. Kolo kay ɦinira Siyonda Yawe hin li ni a mul masina cecem wanda, hu fokka a fafaɗta.

ZAKARI 10:12

Asi hin hin saɓakasi ni kay Yawe. Asi hin tuɗ ni u semu. Yawe di na.

HEBRENA 6:20

Ni li ma Yesu kal ha hu fokoygi jewna, ni maygiya. Nam mbuɗ ki mul ŋgol ma li ɓivunna a fafatɗa hu voɗta vi Melkisedek.

JOSUWE 3:6

Josuwe hin di muli suu li ɓivunna ana, «Tlagi Zandukka Galamba tuɗugi ha fok suu Israelna.» Asi tli Zandukka Galamba tani tuɗ ha fok suu Israelna.

WIRA ŊGAYRA 17:14

Asi hin duu Goo Timiina nam hin su kasiya, kay nammi Bu Suuna vi Bu Suuna, mulna vi mulina, nam hin su kasi u suu mamsina, ni suu mam suu ɗegee suu yasi ay manasi kina.»

WIRA ŊGAYRA 7:17

Kay Goo Timii ma ka kaki duk dlamba mulla ka golosi ni namu, nam tuɗusi hu lii yo ma law iirira, Lona hin vaasi simi ma irisina ki halaŋ.»