MISE 2:1 - Boy Lonana

¹ Hahawra ka kay suu njay boy ma cona kina, suu hal dlara cora ay kaŋga kay lay masi ma buuna layna. Ŋgarpii wanni asi li dla ndaɗta kay ana saɓakŋa ni kosiya.

MISE 2:1 ပူးပေါင်းရင်းမြစ်များ

URA TIN AYRA 31:29

An ndaki a laŋ dla cora egeŋu na may Looŋ bugina dan kaa doyra ana an laŋ va egeŋgi.

1 MULINA 21:7

Caamba Jezabel hin dam ana, «Aŋ a mulna kay suu Israelna ni aŋ na ɗowɗi su? Col kolo, ti funa, heɓ huruŋ kiyo. An tanda hin ɦaŋ sene gugutlu ma vi Nabot ma Jizreelna kiyo.»

ESTER 3:8

Na ɗaŋŋi Haman di mulna Zerses ana, «Suu ka ki kay tasi ɓorowiya, irisi ka ki kaay duk suu hu ɦoŋzi ma aŋ ti mulla kamma halaŋ halaŋ. Gaɗ masira ki zeɗ u ta vi suunara halaŋ halaŋ. Asi ka li u gaɗta vi mulnaraɗi. Mulna hin a hinisi kaki ɦawa na enɗi may.

ESTER 5:14

Na ɗaŋŋi Zerses, caamba, u banayamma halaŋ, dam ana, «Halaygi gu ma fiyekem metre dok mba' yam vadlna, vin maɗii wanni di mulna ana ɓalaygi Mardose ki hurumu, u furira ɗaŋŋi aŋ tuɗ ko taŋ u mulna hu li ma luuna olo.» Haman hurum vi boy namma hin hal guna.

ESTER 9:25

May hu li ma dla ndaɗta mbay ki fok mulnana nam ɓak dla ndaɗta ki hin ɓii dla cora Haman laɗ vi vunum kay suu Juifnara ki ana dla ndaɗta hin ndi ni kay yamu, asi hin ɓalam ki kolo eg guna, nam u goryomu.

JOB 15:35

Hurusi oyra ni dla cora sak sak, asi vuɗ ni dla cora may. Va ma wul ay hurusina ni ganyamba sak.

JOB 24:14

Ŋgarpira ni sa ma ci maɗna col kolo, ci suu hawra u suu wihawra kiyo. Njeŋgera ni nam mbuɗ tam ki sa ma kulna.

SOOLLA 36:4

Dlara kal ay ki funumba halaŋŋi ganyamba, nam maa ki kay a li dlara jivira.

SOOLLA 36:5

Kay lay mam ma buuna lay ni nam saa ni dla cora, nam tuɗ ni hu voɗta cora, nam ka hin dla cora kiɗi.

SOOLLA 58:3

Ҥawaa, a gasira agi ci ni maɗna. Agi mbaa ni dlara humma duk suuna kay ndaŋgara.

VUN ŊGOLNA 12:2

Sa ma li jivira yi ay ni oora vi Yawera kamu. Sa ma hal mbeleŋ ma cona, Yawe kaam ɓakŋa kamu.

VUN ŊGOLNA 14:22

Suu saa saara cora viɗ tasi ki ni viɗiya. May ɗegeera u jivira ka ni kay suu may suu li dlara jivira.

VUN ŊGOLNA 3:27

Lini tlena ka koŋu ni hin bay a li jivira maŋ suu va ka kosiɗinaɗi.

VUN ŊGOLNA 4:16

Asi ka buu sen kaŋga bay li dla co ay kiɗi, bay asi a ndi sa ki ga na ba ni asi ka buu senɗi.

EZAYI 29:20

Kay hu buu namma lassa daɓ wa, panna ka oloɗi lay. Suu may suu u saara cora a las ndaryasinana halaŋ ka oloɗi.

EZAYI 3:14

Yawe kal hu ɓakŋa u suu maana u muli suu fok suu mamsinana. Agi ni suu ti sene gugutlura kina, tlesuu agi ɦurumusi ay ki ko suu hawrana ka vo varagi lay.

EZAYI 32:7

Sa ma ganyamba suu sun mamsina ni suu ci matna halaŋ halaŋ. Nam ka hal ni mbeleŋ ma ba suu hahawra kina sasak, u kaboy ma nam kaamma. Lini boy ma vi sa ma wihawrana jivi lay, nam ka humumbi.

EZAYI 5:8

Hahawra ka kay suu zul zina ha zuli na ɗow ɗow, ŋga senena ha fok na ɗow ɗow ta ta tli lina ki halaŋ halaŋ. Hin tasi a lak kay mbassa ni asi doy holna.

EZAYI 59:3

Huu duk kogi ki coori u busuna, gogor kogi oy u dla cora, vunugi ɓakŋi dlara ganyamba, sinigi hosokŋi dlara gi sulukŋa sak sak.

JEREMI 18:18

Asi di ana, «Tuɗuygi halaygi dlara eg Jeremi. Aygi hin faygi boy ma jivina fun muli suu li ɓivunna, faygi gaɗta fun suu wi yal dlara, faygi boyna fun suu jok vun Lona. Tuɗuygi ɓeŋeygina ki u boy ma cona, tiniygi yaygi kay boy mammaɗi.»

EZEKIYEL 11:2

Musukka dan ana, «Goŋ sanna, gola ni suu may suu mbaa dla cora u ci maɗna ay hu ɦoŋzinana ɗaŋ.

EZEKIYEL 33:26

Agi tak saɓakagi ni u ŋgewna, agi li dlara zoŋga coco u boyogi suu vi ndaryaginana ni agi hin ana mbassa ni magira?

EZEKIYEL 38:10

«Bu Suuna, Yawe, di ana, hu li ma buu namma ndak wa ni saara cora zeɗ zeɗta hin cuk huruŋu. Aŋ hin gijaŋŋa saa ni dla cora.

EZEKIYEL 46:18

Li ma vi suu halaŋŋa mulna ka ŋgen kom egembi. Nam ɓorow maŋ goryommi liim ma ɦamana na hol. Nam ka las suu mansina a dikisi ki kay liisinaɗi. An ka min ana suu mansina tuɗ ki day day eg mbas masiraɗi.»

MISE 6:12

Ҥoŋzi ma suu begera hurumma li ni dlara saɓakŋa, suu hu zi nammana ɓakŋi boy ma ganyamba, ay funusi u sinisi ni boy ma viɗ suuna kina.

NAHUM 1:11

Sa ma li dla cora eg Yawena kal ay ki ni egegu, sa ma vuɗ ay kaŋga u dla cora na dayna.

ZAKARI 7:10

Cara donora u goo ma kuyuna, sa mbay ŋgayrana u sa hawra yowosi tlegeyesiɗi, dukugi wanni sa dew lay saa a li dla co eg wayambi.»

MARK 15:1

Maɗii feɗet ni, muli suu li ɓivunna u suu ŋgolona u suu wi magara u suu ŋgolo suu kaɓakŋa halaŋ lay tok tasi a gi gagara kay Yesu. Asi ɗag Yesu, tuɗ ɦam maŋ Pilat.

Boy Ma Ayra Ma LUK Ɓiirimma 20:19

Suu haɗ gaɗta u muli suu li ɓivunna wi ana Yesu tinisi ndal boy namma ni kasiya ni, asi hal a vam hu li namma gaw. Hurusi hin yow ndaana ko suuna.

Boy Ma Ayra Ma JAŊ Ɓiirimma 19:11

Yesu hoŋom dira ana, «Lini Lona ɦaŋ saɓakŋaɗi ni, aŋ ndak ka a li va egenɗi. Ni kay ndaɗta sa ɦan ay ki maŋŋa, coomba su kay maŋga.»

SUNDA 23:12

Vin maɗiira wanni suu Juifna vi vunusiya, asi suu tasi ki ana asi ti vaɗi lay, ci yoɗi lay, gak gak asi ci Pol ki tuwa.

SUNDA 23:15

Agi suu ŋgolo suu kaɓakŋa joɓogi ŋgolla vi suu asgaana ana nam ɦagi Pol aya, a agi golom u ɓak mamma ki jivi suwa. Ni ami hin minimi tami a cam ki fok jew bay nam mba tani.»

ROMMA 1:30

Asi di dla cora kay tasiya, asi ni suu gonokka u Lona, asi ka li zolo kay saɗi, asi ni suu ŋga tasina, asi tli yasi koloo, asi ni suu hal dla cora ka hum u somoyosiɗina.

GA 8ATAMBARA 28:32

Gor njufii magisina u gorɓiina hin ki ni maŋ njaf suu daŋŋa. Irgi wasiya, agi ka juɓ ana asi hin hoŋ ay su ni saɓakagi ma a lasi kaɗi.