MATIYE 7:2 - Boy Lonana

² Lona hin kaagi ɓak magina ko agi ka ma vi suunana na may. Nam hin mba ŋgaagi dlaagira, ko tlesuu agi ŋgaasi duk tagina na may.

MATIYE 7:2 ပူးပေါင်းရင်းမြစ်များ

2 SAMUEL 21:5

Asi di mulna ana, «Sa ma hal a cami kina, ma saa ki kam ana ami ki bulumi kay ndaŋgara halaŋi na.

SOOLLA 109:17

nam minni givunna, nam hin hoŋŋi kam tamba tok, nam ka min paɗvunnaɗi, paɗvunna ɦuɗ ha ki egem day may,

KALKIRA 21:24

Iira warakŋi u iira may, siina ni u siina may, kona ni u kona may, semma ni u semma may.

EZAYI 33:1

Hahawra ka kaŋ aŋ sa ma ɓalak tlena kina, ma sa ɓalakaŋ aŋ taŋga ka ki ɗewɗina. Aŋ sa ma kaf dlara ha kay suuna sa kafaŋ taa ka kaŋ ɗewɗina. Hu li ma aŋ hin ɓalakka ɓalak tlenara wa ni aŋ taŋga hin ɓeŋ ki may. Aŋ hin kaffa kaf suuna u dlara wa ni taŋga asi hin kafaŋ u dlara ni na may.

JEREMI 34:17

Na ɗaŋŋi Yawe ɓak anaba, Agi humun vunun ka kay cukka cuk gorsegina u ndarayagina kira kaɗi ni, an may ni hin vi vunun kagiya, Yawe di na, cagi ki u ŋgewiina, u mayra, tuguɗi bora lay. An hin mbuɗugi ki a va ma tak ma suuna halaŋ u suu muli suu kay ndaŋgarana lay li ndaana komma.

JEREMI 51:24

An warak Babilon u suu Kaldena halaŋ ki kay dla cora asi laɗ eg suu Siyonna ki ni irigiya. Yawe di na.

ABDIYAS 1:15

Ҥaa, Buu ma vi Yawena hin tok, buu ma li dla cora eg suunana. Dlara aŋ laɗta, hin laŋŋi na may. Sun maŋga aŋ laɗta hin holoŋ ndi ni kay yaŋu.

MATIYE 6:14

«Agi bulumugi cora vi gorseginara kiyo ni, Bugi ma kolo huulonna hin bulumugi magira ki na may.

MARK 4:24

Yesu dasi olo, «Lagi tagi jivi kay boy ma agi humumma. Lona hin mba ŋgaagi dlaagira, ko tlesuu agi ŋgaasi duk tagina na may, nam hin lagi su lay.

Boy Ma Ayra Ma LUK Ɓiirimma 6:38

Ҥagi tlena suuna, Lona hin ɦagi may, mbumbuugira hin oy ki u dlaagira jivira may. Lona warak sana ni u jivira nam laɗ maŋ ndarayammara may.»

2 KORINTNA 9:6

Humugi gagi kay boy ma di anaba, sa ma zaa ka ŋgolɗina hin feɗ ni ew may, sa ma zaa ŋgolna hin feɗ ni ŋgol may.

Magaara JAK Ɓiiriɗta 2:13

Kay mege Lona hin kaɓakŋa wanni ka wi hahaw sa ma ka wi hahaw ndarayamma ɗina ɗi may, dla mayra wi hahaw saara ni su kay ɓakŋa day.

WIRA ŊGAYRA 18:6

Lassaɗ ko ndaɗ lasagira na may, warakaɗ sem mba' u dlaaɗta ndaɗ laɗta, oyoɗ kop maɗna sem mba' u sum ma yara sum ma ndaɗ ɦagina na.

SUU KAƁAKŊA 1:7

Adoni-Bezek yoo tam di ana, «Muli suu asi kaasi gogor kosi u gogor sesi kina na dok-kiɗisiya ay vaa tlesuu tira suu yakki kaŋgana ni u tabul manda, dlara an laɗta Lona hoŋonda kan wa may.» Asi mbaaram ay ki hu Yerusalem. Nam mba miɗ ki ni huwa.

SUU KAƁAKŊA 5:27

Nam puk kaŋga u seɗu, nam puk kaŋgaa, buuri gaa. Nam puk ga u seɗu. Nam puk ga ni hu li ma nam maŋ ki huna. Li ma nam puk ga huna nam miɗ ki wa, ka oloɗi.

1 SAMUEL 15:33

Samuel di ana, «Ŋgewna ki doori kay boyogina u goryosi lay kay suŋ duk ɦoŋ boyogina doo ki kay goroɗna lay.» Samuel tuɗ Agag fok Yawe hu Gilgal.