MATIYE 7:13 - Boy Lonana

¹³ «Cukugi kalafi hu vun goŋga goora. Vun goŋga sana kal huruɗ a ba kira ndaɗ ŋgol cocoo, voɗta tuɗ hura ŋgol coco may. Suu tuɗ huruɗna bolow coco lay.

MATIYE 7:13 ပူးပေါင်းရင်းမြစ်များ

VUN ŊGOLNA 16:25

Aŋ saa ana voɗ maŋga ni ɗegee su? Kala ndaɗ li tuɗuŋŋi hu li ma maɗna kalage.

Boy Ma Ayra Ma JAŊ Ɓiirimma 14:6

Yesu hoŋom dira ana, «Anni voɗta, anni gasira, anni iirira lay. Sa ndak ka a tuɗ eg Lona bay tli kanɗi.

Boy Ma Ayra Ma JAŊ Ɓiirimma 10:9

An ni vun goŋga. Sa kal ha hurunna hin suɗ kiyo. Nam ndak a kal huwa, hin hoŋ kiyo, fi tina funum lay.

EZAYI 55:7

Ko suu li dla cora hin dla coosira kiyo, sa ma las ndarayamma hin saa mam ndaɗta kiyo. Ko nam hoŋ ay ni eg Yawe ma ka takam ɗili mambana eg Looygina, ma bulum cora vi suuna ki halaŋŋa.

VUN ŊGOLNA 9:6

Hinigi suu ka wi vaɗina ha kiyo, ni agi hin lak iiriya. Tlagi voɗ mayra nera ka tuɗ huruɗta.»

GALATENA 5:24

Suu vi Yesu Kristuna ci minda vi mbalatara ki u minda vi sa warna halaŋ.

MATIYE 3:2

ana, «Jokogi hurugi ki jivi zeɗ. Mulla huulonara mbawa tok.»

MATIYE 3:8

Lagi dlara jivira a tak ana hurugi ki joki zeɗ.

2 KORINTNA 6:17

Ni kay ndaɗta Bu Suuna di ana, «Agi hinisiya taɓagi u asiɗi, taɓagi u tliw ma njenjenaɗi, an tanda may ni hin vagi egenu.

MATIYE 23:13

«Hahawra ka kagiya agi suu wi magaara gaɗta u suu Farisenna, agi ni suu mbambana, agi dug vun ziŋ Mulla Huulonara ki ii suuna. Agi tagira ka kal huɗi lay. Suu cuk huna agi ka hinisiɗi lay. [

WIRA ŊGAYRA 20:15

Sa ma sem ay ka ɓiiri hu magaara vi iiriraɗina, gam ki duk mbo lum ma kura.

FILIPINA 3:19

Daɓ masira ni ɓalakka, loosina ni ɦayasi gaw, asi ŋga tasi ni kay dlara zolona, saa masira ni kay tlena vi duliyara.

2 KORINTNA 4:4

Asi ka ndak a viɗi kay lo ma co ma hu ndaŋgara tanina kuluɓusi yal masina ki wa. Lo namma doorosi kay a wi kiɗikka vi Boy ma Ayra ma tak ki kay bibiŋilla vi Kristura, ma tli tam u Lonna.

SUNDA 3:19

Jokogi iiri magira ki zeɗ, mbuɗugi irigi eg Lona a nam hin bulumugi coogira kiyo.

WIRA ŊGAYRA 20:3

Sa sunda huulona gam hu zulla ŋgolla dukum vun zulla kamu u kelera nereɗem vunum u tampoŋŋa kay dragoŋ mba viɗ suuna ki oloɗi gak gak tew basara buppa ki tuwa. Ŋgoo dagan basara buppa dragoŋ buɗ ki kay lina ew.

1 JAŊ 5:19

Aygi wi ana aygi ni vi Lona, duliyara hin halaŋŋi hu duk ko Sa Cona may.

MATIYE 25:46

Suu asina hin tuɗ duk kura ka daɓ kiɗira. Suu ɗegeena hin fi iirira ka daɓ kiɗira may.»

MATIYE 25:41

«Dagan ni Mulna pereɗ irim eg suu bikim ŋgulna, dasi ana, Ҥuɗugi ha ki egen day. Lona gagi vunna wa. Tuɗugi duk kura ka miɗ kiɗira, ta miniɗ maŋ Satanna u suu mamsinara.

URA TIN AYRA 6:12

Lona gol dlara hu ndaŋgarara na halaŋi, ndaɗ mbuɗ ki coo, tlesuu kay ndaŋgarana halaŋ poy masira mbuɗ ki coo.

WIRA ŊGAYRA 13:8

Suu kay ndaŋgara halaŋ lay cenemmi namu, ni suu ay u gijaŋŋa vi ndaŋgara day sesi ay ka ɓiiri hu magaara vi iiriraɗina, ni magaara vi Goo Timii ma cam kina.

ROMMA 9:22

Va ma agi min dam kay Lonna ni mege? Nam min a tak yaamba u saɓak mamma kiyo. Kay ndaɗta nam siɓ ŋgolo u ɗigilla kay suu yaamba mba gin kasina hin tok a baasi kina.

Boy Ma Ayra Ma LUK Ɓiirimma 14:33

Yesu hin gi vunum ki kaŋga ana, «Dukugi wanni, sa hin tlegeyem kagi halaŋgina nam ndak a li sa haɗi mannaɗi.»

EZAYI 1:9

Lini Yawe, ma Saɓakŋa Kom Belna, ŋgomoygi gin na ɦiwɗi ni, aygi mbuɗ gin ni ko ndal Sodom u Gomor na.

WIRA ŊGAYRA 12:9

Dragoŋ ma ŋgolna dikim ay ki kaŋgaa, nammi guy ma basina yam ana Satanna, ma ganyam suuna hu ndaŋgara halaŋŋa, dikim ay ki kaŋga kay ndaŋgara u suu mam suu sunda umu.

URA TIN AYRA 6:5

Yawe wi ana suuna tuɗ fok a li cora kay ndaŋgara li na ɗow ɗow, hu buuna tew tew ni saa masira tini ni kay dla cora.

Boy Ma Ayra Ma LUK Ɓiirimma 9:33

Suu mba' asina cuk tasi may ni, Piyer di Yesu ana, «Mala Haɗta, a jivira ni lakaygi tani. Ami minigi mbutluɓma hindi, dew maŋ may, dew maŋ Moiz may, dew maŋ Eli may. Piyer ka wi va nam dammaɗi.»

VUN ŊGOLNA 7:27

Tuɗ varaɗ ni ko ndal aŋ tuɗ ni vi suu miɗinara na. Kalaŋŋi hu li ma ndufunna hu lina vi suu miɗina.

EZAYI 35:8

Voɗ bulna hin wak ki huwa, asi hin yaɗ ana voɗta teteɗta. Sa ma li dlara njenje ka tuɗ hu voɗ ndaɗtaɗi. Kay Bu Suuna u tamba mal voɗ ndaɗta ni namu. Suu giniŋŋa ka viɗ hu voɗ ndaɗtaɗi lay.

MATIYE 7:14

Vun goŋga sana kal huruɗ a suɗ kira, ndaɗ gooro. Voɗta kal hura na keɗet daŋ. Suu tuɗ huna ka ŋgolɗi.»