MATIYE 7:11 - Boy Lonana

¹¹ Agi suu cona wi a ɦal tlesuu jivina maŋ goryogiya, Bugi ma kolo huulona ɦal tlesuu jivina maŋ suu joɓomma ni nam ɗowɗi su?

MATIYE 7:11 ပူးပေါင်းရင်းမြစ်များ

Magaara JAK Ɓiiriɗta 1:17

Ҥala ɦawara jivira halaŋ u ɦala pasiyakka col ay ni koloo, ɦaɗ ay ni Lona, nam sa ma li kiɗikka kolora. Lona ka mbuɗɗi. Nam ka jok ndufunda ha fok na ɗowɗi.

ROMMA 8:32

Nam doo ka kay a ɦal goromma kiraɗi, nam ɦam ki ni kaygi halaŋ, nam hin hin bay ɦaygi tlesuu daŋŋa halaŋ u goromma ni nanage?

SOOLLA 84:11

Buu ma lam hu ziiŋŋa dewna su buu ma lam ki kiɗik bupma, an ŋgaɓ a kakŋi fun zi ma vi Loonnana su mayra buu hu zi ma vi suu bay ɗegeena.

Boy Ma Ayra Ma JAŊ Ɓiirimma 3:16

Lona min suuna cocoo, nam ɦasi Gorom ma dewna, a gegelay ma tin hurum kamma ba kiɗi, fi iirira bay daɓa.

EZAYI 49:15

Cara ndak a maa goroɗ ma ci pona ki su? Huruɗ ka haɗ kay goroɗ ma huruɗnaɗi su? Lini cara maa ki kay goroɗ lay ni, an may ni humun ka maa kaŋgi.

SOOLLA 86:15

May aŋ, Bu Suuna, Lo ma wi hahaw suuna, huruŋ ka ɓeŋ zakgi, huruŋ oy u ɗegeera u gasira,

1 JAŊ 4:10

Lon tak min mamba ki ni ko ndaɗta na, aygi min Lona ay jewni ka aygi na ɗowɗi. Lona miniygi ay jewni namu nam sun goromma ay ana nam bulumuygi cooygira ki u ɓivun mamma.

SOOLLA 86:5

Bu Suuna, aŋŋi sa ma jivina, ma bulum cora kina, aŋ sa ma ɗegeena ka hum suu ka yaŋŋa tew tew.

URA TIN AYRA 8:21

His ɓivun namma cuk kay Yawe na ni, nam di ana, «An ka gi vun ndaŋgara ki kay cora vi suunara oloɗi. Sana ay hu gorom day ni hurumi saara cora. An ka min a ba tlesuu irina ki ko an li wanda na oloɗi.

1 JAŊ 3:1

Goloygi minda Buygi Lona miniygira ndaɗ ŋgol coco ɦay, min mamba ni kayra nam yaygi ana aygi ni goryomba. Aygi ni goryom daŋ may kay ndaɗta suu kay ndaŋgarana ka waygiɗi, asi ka wi Lonaɗi may.

URA TIN AYRA 6:5

Yawe wi ana suuna tuɗ fok a li cora kay ndaŋgara li na ɗow ɗow, hu buuna tew tew ni saa masira tini ni kay dla cora.

MISE 7:18

Hin ŋgaaŋŋi u Lo manage, aŋ ma bulum cora vi suuna kina, aŋ ma ka caa yaŋ kay yaraɗi lay na. Kay minda vi tlesuu hinna, jooŋŋa ka a mbuɗ co u yaaŋgaɗi, kay ana aŋ min a lami ni jivira egemiya.

MALASI 1:6

Goona ŋga bumu, sa sunda ŋga malamma. Doli wani an li ni Buna ni ŋgara agi ŋgaanda ni arage? Li ni anni sa haɗagina ni humba agi humunda arage? Yawe, ma saɓakŋa kom belna, dagi na, agi li ɓivunna u tlesuu ɓeŋen sen kina. Agi hoŋdira ana, «Ami ɓeŋeŋ seŋ ki ni u mege?»

SOOLLA 85:12

Gasira day ay ga duk ndaŋgara, ɗegeera sii ay ga ni huulona may.

ROMMA 3:19

Aygi wi ana dlara gaɗta daɗta dini maŋ suu li uɗna, vun sa ka mal a di boy ma puruɗ tam kiɗi, kay a suuna halaŋ ɓakŋa vi Lona mba tok kasiya.

GALATENA 3:22

Boy ma Ɓiirina di anaba suu hu ndaŋgarana halaŋŋi mborɓiina u saɓak cora kay ɦala Lona vi vunum kaɗta mba li maŋ suu vi u Yesu Kristuna.

ROMMA 3:9

Aygi suu Juifna dlaaygi ŋgol su suu hiŋŋa su? Ka dewɗi. An di ki wa daa, ana suu Juifna u njaf suu hiŋŋa fun tasi hu cora dew.

JEREMI 33:14

Buuna ka mbaa, Yawe di ana nam hin li dlara nam vi vunum kaɗ a suu Israelna u suu Yudana may.

2 SAMUEL 7:19

Doli ɗini dla ndaɗta ni ew iriŋ tuwa Bu Suuna Yawe, aŋ ɓak kay ziŋ saaŋ ma sundara ki ni jew day day. Boy namma hin li ni haɗta vi suu warna su Bu Suuna Yawe?

Magaara Vi Sa Jok Vun Lona OZE 14:2

Hoŋ ay eg Yawe, Lookŋa, ndak, Israel, kay ana ni dla cookka gak kaŋga ni ndaɗu.

JEREMI 17:9

Va ma ganyamba su belna ni saara sa ka ndak a gaɗ iriɗɗira. Sa hin waɗ uɗna ni gege?

JOB 15:16

Gol ko sa war ma ki ɓalakina hin li ni ana mege? Sa ma ci dla cora ko suuna a ci yona nana hin li ni nanage?

EZAYI 63:7

An min di ki kay jivira vi Yawera, ŋgara ay ŋga Yawera kay dlara Yawe laɗ kaygira halaŋ. Na daŋ may ni kay jivi mamba ŋgolla nam laɗ kay suu Israelnara. Nam vi loɓ namma kammi u jivi mamba ŋgolla.

MATIYE 7:10

Li ni nam joɓom kay kulufna ni, nam hin ɦam guyna su?

MATIYE 23:9

Kay ndaŋgara ni, agi yi sa ana, Bugiya, naɗi. Lona ni Bugi dew.