MATIYE 6:9 - Boy Lonana

⁹ Agi li a cen Lona ni, dagi ana, Bumi ma kolo huulonna, Seŋ tii ŋgol su tlena halaŋ.

MATIYE 6:9 ပူးပေါင်းရင်းမြစ်များ

WIRA ŊGAYRA 4:11

«Bu Suuna mamina, Loomina, aŋ ndaki a sa ɦaŋ ŋgolla maŋu, geleɗeŋu, saɓakŋa lay ni maŋ bel. Kay aŋ min tlena halaŋŋi aŋu, tlena halaŋ ka iiri ni u min maŋga.»

ROMMA 8:15

Musukka agi faɗta ni ka Musukka hin mbuɗugi ki mborɓiina a oyogi u ndaana na ɗowɗi, ni Musuk Lonara a mbuɗugi ki goryoŋ Lonna, u Musuk ndaɗta ay ndak sawalla maŋ Lona ana, «Bunu.»

EZEKIYEL 36:23

An hin tak teteɗta vi sen ma ŋgol coco ma agi ɓalakam ha ki duk njaf suu daŋŋana. Sen ma agi ɓalakam ha ki dukusina, ni njaf suu ɦawana hin wi ki ana anni Yawe. Di ni Bu Suuna, Yawe. Ni hu li ma an hin tak teteɗ manda ki u agi dukusina. Asi hin wi ki u irisi halaŋ.

MALASI 1:11

Kay ana col ay maɗii day ta ta tew u fiɗigina ni anni ma ŋgolna duk suuna. Hu lina halaŋ li ɓivun ma ŋgal tlena ni u senu, u tlesuu jivi suu ɦasi ayna, kay ana anni ma ŋgolna duk suuna, Yawe, ma Saɓakŋa Kom Belna, di na.

SOOLLA 111:9

Suu mamsina nam buɗusi ay kiyo, vi galamba u asi a fafaɗta. Sem ki ni teteɗ dlam ŋgolo.

EZAYI 64:8

Yawe mbuɗ yara ta ta a kal ki saɓakiɗi, humuŋ gaŋ kay dla coomira na gak gakgi, na may gol iriŋ ay kami halaŋ, ami ni suu maŋsina.

EZAYI 57:15

An Lo ma ay kolo dayna ma ka din dinna di na. Ma ka miɗina, sem ana ma Teteɗna. An ka kaki ni hu li ma teteɗna. May an ka hu sa ma hurum ki teteɗna, sa ma irim ɗilina kay a ɦal iirira maŋ ŋgus mayra hoŋ yaɗ gara, maŋ suu hurusi ka haɗ ɦayna may.

GALATENA 4:6

A tak ki ana agi ni goryomura ni Lona sun Musukka vi goromma ay huruygiya, Musukka sawalla ana Bunu.

EZAYI 6:3

Asi sawalla kolo duk tasi ana, «Teteɗ, teteɗ, teteɗ, Yawe, ma Saɓakŋa Kom Belna. Bibiŋil mamba oy ki kay yam ndaŋgara halaŋ halaŋ.»

WIRA ŊGAYRA 5:12

Asi gi soolla ay kolo eŋga ana, «Goo Timii ma ay ki miɗina, ni sa ma ndaki a fi saɓakŋa, fi ɦizza, fi nera, fi eŋga, fi geleɗta, fi ŋgolla, fi ŋgara.»

SOOLLA 115:3

Loomina ka kolo huulona, dlara nam miniɗta nam laɗ halaŋ.

NEHEMI 9:5

Suu Levina, Yesua, Kadmiyel, Bani, Hasabneya, Serebiya, Hodiya, Sebaniya, Petahiya di ana, «Yowogi kolo gagi deɓpa maŋ Yawe, Loogina, ma ay hu fokka day a fafaɗtana. «Ko asi geleɗeŋ seŋ ma bibiŋilna, ma su ki kay ŋgara u geleɗta halaŋŋa.

MATIYE 7:11

Agi suu cona wi a ɦal tlesuu jivina maŋ goryogiya, Bugi ma kolo huulona ɦal tlesuu jivina maŋ suu joɓomma ni nam ɗowɗi su?

EZAYI 63:16

Kay aŋŋi Bumiya, Abraham lay ka wamiɗi, Israel, ka wami oloɗi lay. Aŋ, Yawe, dew ni bumiya. Ni sa ma buɗumi kina, ay day day seŋŋi na daŋ may.

SOOLLA 72:18

Gi deɓ Yawe, Lona, Lo ma vi suu Israelna, nam dew ni sa ma li dlara mbuɗ mbuɗta.

MATIYE 26:29

An dagi ana, Cecemmi an ka ci vuɗ gugutlura u agi oloɗi. An hin ci ma wilina u agi ni hu Mulla vi Bunda tuwa.»

MATIYE 23:9

Kay ndaŋgara ni, agi yi sa ana, Bugiya, naɗi. Lona ni Bugi dew.

MATIYE 5:16

Agi a li kiɗikŋa fok suuna ni na may. Suuna wagi jivi magira na ni, asi geleɗ Bugi ma kolo huulona may.»

2 DLAŊ MULINARA 20:6

Asi cen Lona ana, «Yawe, Lo ma vi somoyomi suu jew dayna, aŋ ti mulla ay kolo huulona ni aŋu. Aŋ ti mulla kay njaf suu warna halaŋŋi aŋ lay. Saɓakŋa u garaaŋga halaŋ ay ni koŋu. Sa ma ndak a col fokoŋ kaɗi.

Boy Ma Ayra Ma LUK Ɓiirimma 15:18

An min holoŋ vi bun balamanu. An hin dam ana, Bunu, an li cora eg Lona may egeŋ may.

ZAKARI 14:9

Na ɗaŋŋi Yawe hin tak tam ki a mul ma kay ndaŋgara halaŋŋa. Hu buu namma wanni Yawe li ni dew, sem dew may.

1 MULINA 8:43

aŋ hum ay kolo huulona day ziiŋ ma aŋ ka huna. Li dlara koy namma joɓoŋ kaɗta kay ana suu warna kay yam ndaŋgara halaŋ waŋ seŋ kiyo, a asi laŋ ndaraŋ ko suu maŋ suu Israelna na may. Asi wi ki ana seŋ ka yi hu zira an miniɗ ndaɗta.

HABAKUK 2:14

Kay ana saɓak ma vi Yawena hin oy ki kay yam mbassa ko ndal yona oy ki hu lum ma ŋgolna na.

EZEKIYEL 38:23

An hin tak ŋgol manda u teteɗ manda kiyo. An hin tak tan ki ii njaf suuna zeɗ zeɗ bolowo. Asi hin wi ki ana anni Yawe.»

1 DLAŊ MULINARA 17:24

Ko dlaaŋga li gasi, ko suuna ŋgaaŋ seŋ a fafaɗta, ko asi di ana, Yawe ma Saɓakŋa Kom Belna ni Lona vi suu Israelna, nammi Lona vi suu Israelna, ko ziŋ saaŋ ma sunda Davidna kak saɓakŋa fokoŋu.

2 SAMUEL 7:26

Ko seŋ fi ŋgara a fafaɗta, ko suuna di ana Yawe ma Saɓakŋa Kom Belna ni Lo ma vi suu Israelna, ko zi ma vi saaŋ ma sunda Davidna kak saɓakŋa fokoŋ a fafaɗta.

1 PIYER 1:17

Hu cen magira agi yi Lona ana Bugiya ma kaɓakŋa kay suuna halaŋ fun tasi dewna, u va ma sana lamma, hu li ma agi ka hu ndaŋgara tuna ni agi lagi ndaana u Lona hu poy magira.

1 TIMOTE 6:16

Nam dew ni ma ka miɗɗina, nam kaki hu kiɗik mayra sa ka tuɗ ha huɗira, sa waɗ kaɗi lay, sa ndak a waɗɗi lay, geleɗta u saɓak ma ka daɓ kiɗina ni mam a fafatɗa. Amin.

Boy Ma Ayra Ma LUK Ɓiirimma 15:21

Goona di bum ana, Bunu, an li cora eg Lona may egeŋ may. An ndak ka a aŋ a golon a goroŋŋa oloɗi.

Boy Ma Ayra Ma LUK Ɓiirimma 2:14

«Geleɗey Lo ma kolona. Nam ɦal heɓ mamba ay kay ndaŋgara maŋ suu nam minisina.»

EZAYI 66:1

Yawe di ana, Huulona ni dlam manda kakŋa, ndaŋgara ni va ma an tin sen kamma ɦawaa. Zi ma agi hin mininnana ni manage? Li ma an hin a koɗ tan hurumma ni manage?

MATIYE 6:14

«Agi bulumugi cora vi gorseginara kiyo ni, Bugi ma kolo huulonna hin bulumugi magira ki na may.

MATIYE 6:6

Aŋu, aŋ li min a cen Lona ni, kal hu ziiŋga, dug vun goŋga kaŋu, joɓ Buŋ Lona hu li aŋ ŋgay huna. Aŋ li na ni, Buŋ Lona wi ni nam doy hol, aŋ hin fi va komu.

MATIYE 5:48

Lagi pasiyak ko Bugi ma kolo huulona pasiyakka na may.»

DLAŊ LEVIRA 10:3

Moiz di Aaron ana, «Yawe di ay ki jew jivi ana, An min ana suu a mbay egenna li u teteɗ manda. Asi ŋgaan ki ni fok suuna halaŋ.» Kay ndaɗta Aaron seŋ tam na yerek yerek.

GALATENA 1:1

Ni an Pol sa vovoɗta, manan ka ni suunaɗi, ka u saɗi lay, ni Yesu Kristu u Lona Buna ma colom ki kolo iiri duk suu miɗina.

Boy Ma Ayra Ma JAŊ Ɓiirimma 20:17

Yesu daɗ ana, «Ŋgen kok egenɗi an bay tuɗ ay eg Bun tuwa. Ndak tuɗ di gorsenna ana an tuɗ kolo eg Bunu, nammi Bugi may eg Lo manna, nammi Loogina may.»

MATIYE 26:42

Nam tuɗ a yamba mbara wanni, joɓ Lona ana, «Bunu, li ana hahaw ndaɗta jak ki kanɗi ni, li ko huruŋ minda na.»

EZAYI 37:20

Na may ni aŋ, Yawe, Loomina, suɗumi ki ko sa namma kay a mulla kay yam mbassa halaŋ wi ki ana aŋ dew ni Yawe.»

ROMMA 1:7

An ɓiirigi magaara ha magi agi suu Romma, agi halaŋ suu Lona minigina yagi ana agi li ni a suu mamma. Ko buy Lona u Bu Suuna Yesu Kristu ɦagi oora u heɓpa.

MATIYE 10:29

Agi gus layɦira mba' ni suŋgu dewɗi su? Taa dew ka ndi kaŋga bay Bugi Lona waɗɗi.