MATIYE 5:6 - Boy Lonana

⁶ Furira ka kay suu hal a li u minda vi Lona u hurusi halaŋŋa, nam hin hoɓosi u boy mamma.

MATIYE 5:6 ပူးပေါင်းရင်းမြစ်များ

Boy Ma Ayra Ma JAŊ Ɓiirimma 4:14

Sa ma ci yo ma an ɦammana, laara ka cam oloɗi, yo namma hin egemmi a iirira ka daɓ kiɗira.»

SOOLLA 107:9

Kay nam ɦal yona maŋ suu laara casina, hoɓ hay suu mayra casina may.

Boy Ma Ayra Ma JAŊ Ɓiirimma 6:27

Lagi sunda kay fu ma ɓeŋ ki ɦawanaɗi, lagira ni kay fu ma kak iiri gak gak ɦagi iirirana. Fu namma Goŋ Sanna hin ɦagina ni namu, kayme Bum Lona ɦam saɓak namma ni hu duk kom halaŋ.»

SOOLLA 145:19

Nam li minda vi suu lam ndaaramma, nam humusi tii masina, suɗusi kiyo.

Boy Ma Ayra Ma JAŊ Ɓiirimma 7:37

Buu ma daɓ dagan a luuna ni ma ŋgolna. Buu namma Yesu col kolo fok suuna sawalla ana, «Sa laara camma mbay egen, ciya.

WIRA ŊGAYRA 7:16

Mayra ka casi oloɗi, laara ka lasi oloɗi lay, fatɗa ka ŋgalasi oloɗi, zamalla ka lasi oloɗi may.

Boy Ma Ayra Ma LUK Ɓiirimma 6:21

Furira ka kagi agi suu mayra cagi cecemma, agi hin fi ti ma ka daɓ kiɗina. Furira ka kagi agi suu tii cecemma, kayme agi hin mbuɗ sana.

EZAYI 44:3

An hin si mbona ki hu li ma yo ka huɗina, gi mbo ma ɓaɗna hu mbas mayra yo ka huɗira. An hin fo Musuk manda kay goryoŋu. Paɗ vunun ki kay njafaŋ halaŋ.

Boy Ma Ayra Ma LUK Ɓiirimma 1:53

Suu mayra casina nam hoɓosi kiyo, suu begera nam dikisi ki u kosi ma vadlna.

EZAYI 65:13

Kay ndaɗta Bu Suuna Yawe di ana, «Gola suu sun mansina hin ti funa, agi may ni mayra hin cagiya. Suu sun mansina hin ciya. Agi may ni laara hin cagiya. Suu sun mansina hin furiya agi may ni zolona hin cagiya.

SOOLLA 65:4

Hu li ma coomira su kamiya, aŋ bulumumi coomira ki wa.

EZAYI 25:6

Yawe, ma Saɓakŋa Kom Belna, hin tin luuna kay ɦini ndaɗta maŋ suuna halaŋ. Ni luu ma ti tliw ma mbulna u sum veŋ ma basina. Tliw ma mbulna ma yulumma u sum veŋ ma jivina.

SOOLLA 84:2

Ami miniŋ liiŋ ma kakŋa cocoo, Yawe, ma Saɓakŋa Kom Belna.

Boy Ma Ayra Ma LUK Ɓiirimma 6:25

Hahawra ka kagi agi suu ka u tlena kogi cecemina, mayra hin cagiya. Hahawra ka kagi agi suu san cecemina, hahawra hin mba kagiya, agi hin tii lay.

EZAYI 41:17

Suu wihawra u suu ka ndakiɗina hal yona ni ka fambi. Ҥorosi ki sooy ko laa mbora. An Yawe an hin humusi cen masira, an Lo ma vi suu Israelna an ka hinisi kiɗi.

SOOLLA 63:5

Ni an min gaŋ deɓpa hu li ma an ka iiri tuna halaŋ, an yow kon kolo ni u seŋu.

SOOLLA 17:15

Anu, anni sa ma jivina, kay ndaɗta an hin waŋu. Hu li ma an dliɗ ki kolona, an furiya kay an waŋ iriŋu.

SOOLLA VI SALOMON 5:1

Galanda, an kal ay ki hu sene manna wa, an ka feɗ gi mir u ndondoy mansina. An ka ti se yum manna u mbulumu, an ka ci sum veŋ manna u mbiira. «Banayanna, mbaagi ay tagiya, agi cagiya, guruɗugi may, galayanna.»

EZAYI 66:11

Agi hin caɗ mbiiriɗu, hoɓogi u tlegeyeɗ may ko gogoona furi u po sumba na. Ko agi fi ŋgol coco, furiyugiya u pooɗ ma dlam ŋgol cocona.

VUN ŊGOLNA 10:24

Va ma sa ma cona lam ndaaramma, va namma hin mbay kammi namu, va ma sa ma ɗegeena halamma ni hin ɦamma may.

VUN ŊGOLNA 21:21

Sa ma hal ɗilira u ɗegeerana hin fi iirira, ɗegeera u ŋgara.

JEREMI 31:25

An laɓ vun suu laara mbuɗusi ki maŋiina, an hin mbuɗ suu maŋiina ki saɓak lay.