MATIYE 5:5 - Boy Lonana

⁵ Furira ka kay suu ɗilina, Lona hin ɦasi ndaŋgara ni masiya.

MATIYE 5:5 ပူးပေါင်းရင်းမြစ်များ

SOOLLA 37:11

Na may suu hoŋ yasi gana mbassa ni masira. Asi hin lak u heɓpa gasira.

EZAYI 29:19

Suu hoŋ yasi gana hin furi coco hu Yawe. Suu hawra hin furi kay sa ma Teteɗ ma vi suu Israelna.

Magaara JAK Ɓiiriɗta 3:13

Na ni sa ma yalna u nera kom lay ka dukugi su? Nam takasi ki u poy mamba jivira, u sun mamba nam laɗta, u ɗigilla, u neemba gige.

SOOLLA 149:4

Kay Yawe njun kay suu mamsina, suu hoŋ yasi gana nam ɦasi saɓakŋa.

GALATENA 5:23

ɗilira, u doo tara. Gaɗta ka co kay tlesuu asinaɗi.

Magaara JAK Ɓiiriɗta 1:21

Ni kay ndaɗta cukugi tlesuu njenjena u sunda cora kiyo, vi boy ma ɗilina vi Lona ma nam pagina hurugina eŋe, kay nam ndak a suɗugi kini namu.

SOOLLA 25:9

Nam tuɗ suu ka ŋga tasiɗina hu voɗta ɗegeera, tak voɗ mamba maŋ suu hoŋ yasi gana.

NDUMBA 12:3

Moiz ni sa ma lalam cocoo, sa ma ŋga u nam kay ndaŋgara ni kaɗi.

KOLOSNA 3:12

Agi ni suu vi Lonna, Lona managiya, nam managiya agi mba li ki a suu mamma ni kay ndaɗta agi cukugi dlara jivira kagiya u hoŋga hoŋ yamba kaŋgara lalamba u ɗigilla.

MATIYE 11:29

Yowogi tik ma zii nek manda kagiya, humugi u haɗ manda ɗow. An ni sa ma hurum lalamma. Agi hin fagi koɗ tara.

EFESNA 4:2

Lakagi ɗiliya, u lalamba, u juɓpa, njunugi u tagiya tagiya u minda.

1 PIYER 3:15

Ŋgaagi Kristu hurugi kurufuwa, nammi Bu Suuna magina, minigi tagi a vagi u dlara ki maŋ suu ka joɓogi kay va ma agi ka juɓumma.

SOFONI 2:3

Hoŋogi halagi Yawe agi suu hoŋ yagi kaŋga umma, kay ndaŋgara halaŋ agi suu hoŋ yagi kaŋga u gaɗ mamba, halagi ɗegeera, halagi hoŋ yamba kaŋgara, kala agi hin kak u ŋgusuna hu buu ma yara vi Yawena.

TITTA 3:2

Kay asi di boy co maŋ saɗi, kak u heɓpa u jivira, asi tuɗ fok a tak lalam masira eg suuna halaŋ.

SOOLLA 37:22

Na daŋ may suu nam paɗ vunum ki kasina, mbassa hini masira, suu nam gasi vunana hin ba kiyo.

SOOLLA 37:9

Suu li dla cora halaŋ hin dikisi kiyo, suu ka juɓ Yawena hin ti mbassa ni asiya.

1 PIYER 3:4

Jivi magira li ay ni hurugi kurufu na ɗow, jivi ndaɗta lini ta bay panda, u lalamba, ndaɗta ni ta ii Lona jivi cocora.

EZAYI 11:4

Nam kaɓakŋa vi suu maŋina ni u ɗegee masira. Suu haw suu hu mbas mambana nam kaasi ɓak masina ni u minda. Sa ma las suuna nam kaam ɓak mamma ni u boy mamma tok. Nam ci suu cona ki ni u semeɗ ma kal ay ki funumma.

SOOLLA 25:13

Asi lakŋi u furira, goryosi hin ti mbassa ni asiya.

1 TIMOTE 6:11

Aŋ sana vi Lona hin dlara halaŋ wanda kiyo, hal ɗoɓira njun taŋ eg Lona u vira, minda, ɗilira, lalamba.

SOOLLA 69:32

Ni va ma jivi ii Yawe su mbutl ma sana ŋgaɗamma, su bolo mbutl ma mekem fiyeki cocona.

SOOLLA 37:29

Suu ɗegeena mbassa ni masira, asi hin lak huruɗ a fafaɗta.

SOOLLA 37:34

Juɓ Yawe, col hu voɗ mamba, nam hin ɦaŋ saɓakŋa a kak mulna kay mbassa, aŋ hin wi suu cona ki dikiya.

2 TIMOTE 2:25

Nam haɗ suu ka minim boy mammaɗina u lalamba, Lona li hin ɦasi yal ma daŋŋa a jok hurusi zeɗ a wi gasira kalage.

ROMMA 4:13

Lona vi vunum u Abraham u njafam halaŋ a nam hin ɦasi ndaŋgara a joosina, vi vun namma ka ni ana Abraham hum u gaɗta naɗi, kay mege Lona golom ɗegee ni kay viimba.

SOOLLA 147:6

Yawe njun u suu hoŋ yasi gana, nam hoŋ yam suu ŋga tasina ki ga ta ta duk buɗna.

MATIYE 21:5

«Dagi maŋ suu Siyonna ana, Gologi Mul magina ka tuɗ aya, nammi sa ɗilina, fuli kay korra u goroɗ uɗu.»

EZAYI 60:21

Suu magisina halaŋ mbuɗ ni suu ɗegeena. Asi hin ti mbassa halaŋŋi asi a fafaɗta. An tinisi ni anu, an tinisi na ni kay a suuna halaŋ ŋgaanu.

EZAYI 61:1

Musuk Bu Suuna Yawera ka kanu, Yawe ŋgaɓan a di boy ma ayra maŋ suu hahawra, ɗil ii suu hurusi ki ɓalakina, nam sunun ay a di boyna cuk suu hu daŋgaynana kiyo. Suu ay ki vii balnana tuɗ ki voo.

SOOLLA 22:26

An min li dlara an vi vunun kaɗta. An min ŋgaaŋ ki fok suu tokina halaŋ, suu laŋ ndaaraŋŋa.