MATIYE 5:3 - Boy Lonana

³ «Furira ka kay suu wi tasi hawra hurusi fok Lonna, Mulla huulonara ni masiya.

MATIYE 5:3 ပူးပေါင်းရင်းမြစ်များ

2 DLAŊ MULINARA 33:12

Hu li ma Manase ka hu lassa na ni nam gijaŋŋa a cen Yawe, loomma. Nam wi coomba halaŋ fok Lo ma vi somoyomma.

2 DLAŊ MULINARA 33:19

Cen mamba u humba Lona humum cen mambara u dla coomba nam laɗta, lira nam li ka ɗegee fok Lonaɗira, ndum li ma nam min li ma li ɓivunna maŋ loogi suu ɦawanana, pi gu ma teteɗna zeɗ zeɗ lay u foto tlesuu ceɗina layna, jew bay a nam wi coomba a hoŋ ay eg Lona tura ni tle asina halaŋ ka ɓiiri magaara sunda vi Hozai.

2 DLAŊ MULINARA 33:23

Na may nam hin wi coomba ka fok Lona ko bum Manase lira naɗi. Nam hoŋ li dla cora ni su bum na ɗow.

2 DLAŊ MULINARA 34:27

kay ana boy namma ŋgeneŋ huruŋu. Aŋ hoŋ yaŋ kaŋga fok Lona may hu li ma aŋ hum dla ndaɗtana, aŋ haa barawi maŋsina ki lay, tii taŋ fokon coco lay, an may ni an humuŋ wa. Di ni Yawe, Lona.

2 DLAŊ MULINARA 7:14

lini suu mansina mba yan sen hu li ma sen ka yii huna, lini asi hoŋ yasi kaŋgaa, lini asi cena, halan a wanu hin dla coosira kiyo ni an ay kolo huulona day ni hin humusi cen masira, an hin bulumusi coosi ndaɗta kiyo, hin suɗusi mbas masira ki may.

JOB 42:6

Cemi ni kay boy man ma an damma zolona van funun wa, an hom wa. Cemi ni an ka ci way oloɗi.

SOOLLA 1:1

Furira ka kay sa ma ka vi vunum u suu li dla coraɗina, ka taɓ tam hu voɗta vi suu li sulukŋaɗi lay, ka kak u suu pan Lonaɗi lay.

SOOLLA 112:1

Halleluya. Furira ka kay sa ma li ndaa Yawena u sa ma minim gaɗ mambana may.

SOOLLA 128:1

Soolla suu tuɗ luu ma vi Lonna gaɗta. Furira ka kay suu li ndaa Yawena, u suu tuɗ hu voɗ mambana halaŋ.

SOOLLA 146:5

Furira ka kay sa ma Loŋ Yakobma ka njunumma u sa ma tin saa mamba kay Yawe, Loommana.

SOOLLA 2:12

Li Goona jiviya kay nam mbuɗ yaɗi, agi viɗ ki hu voɗtaɗi, kay yaamba hin ay ni na tok daŋ. Furira ka kay suu ŋgay tasi hurumma.

SOOLLA 34:18

Asi ka sawalla, Yawe huma, nam suɗusi ki hu las masira.

SOOLLA 41:1

Soolla vi sa ma fok suu gi soollana, soolla vi David.

SOOLLA 51:17

Bu Suuna, malan vunun kiyo, hinin an gi ni soolla ŋgaaŋga.

SOOLLA 84:12

Na daŋ may, Yawe, Lona, ni faɗta, ni mbarina lay. Yawe, ɦal oora u bibiŋilla, nam ka hin jivira laɗ eg suu tuɗ hu jivirana kiɗi.

VUN ŊGOLNA 16:19

Mariyaɗ ni kal taŋ duk suu ɦaw suu hoŋ yasi gana, sura poy ko taŋ u suu ŋga tasinara.

VUN ŊGOLNA 29:23

Sa ma ŋga tam cocona hin hoŋ ki dagani, may sa ma hoŋ yam kaŋgana suuna ŋgaam cocoo.

VUN ŊGOLNA 8:32

Cemi ni agi, goroyonu, humugi haa, lini agi hum u gaɗ manda ni furira ka kagiya.

EZAYI 30:18

Na may Yawe ka juɓmi buu ma nam a li oora kagina. Nam hin col kolo tak oo mamba kiyo, kay Yawe ni Lo ma ɗegeena. Furira ka kay suu tin hurusi kamma.

EZAYI 57:15

An Lo ma ay kolo dayna ma ka din dinna di na. Ma ka miɗina, sem ana ma Teteɗna. An ka kaki ni hu li ma teteɗna. May an ka hu sa ma hurum ki teteɗna, sa ma irim ɗilina kay a ɦal iirira maŋ ŋgus mayra hoŋ yaɗ gara, maŋ suu hurusi ka haɗ ɦayna may.

EZAYI 61:1

Musuk Bu Suuna Yawera ka kanu, Yawe ŋgaɓan a di boy ma ayra maŋ suu hahawra, ɗil ii suu hurusi ki ɓalakina, nam sunun ay a di boyna cuk suu hu daŋgaynana kiyo. Suu ay ki vii balnana tuɗ ki voo.

EZAYI 66:2

Olo ni, tle asina halaŋ kon lasi ni namu, asi halaŋŋi varanu. Yawe di na ni namu. Asi halaŋ an ka golosiya, suu may suu hahawra suu ka lasna halaŋ. Suu ka dlak ndaana ko boy mannana.

MISE 6:8

Aŋ sana, asi haɗaŋ tlesuu jivina wa, tlesuu Yawe min ana aŋ lasiyana. Va daŋ kaɗi, ni humba gasira, minda ɗegeera may, tuɗta aŋ tuɗ hu voɗta vi Lona u voɗoɗta may.

MATIYE 11:25

Fali ndaɗta Yesu di ana, «Bunu, mul ma kolo huulona, kaŋga kay ndaŋgara lay na, an gaŋ deɓpa kay aŋ ŋgay tlegeyeŋ ki ii suu wira u suu neeyna, hin takasi ki ii suu kaɗakina.

MATIYE 11:6

Furira ka kay sa an ka mbuɗ irim bisɗi na.»

MATIYE 13:16

«Furira kagiya kay irigi wiya, humugi hum lay.

MATIYE 19:14

Yesu ana, «Hin kemba mbay egenu, doorosi kiɗi, kayme Mulla huulonara ni maŋ suu ko asina na.»

MATIYE 24:46

Furira kay sa namma, ma malamma tuɗ lina, hoŋ ay voo, fam u sun mamba komma.

MATIYE 25:34

Hu li namma mulna mba di suu kay bikim ma njufna ana, Mbaagi ay tani, agi suu Bun minigina, paɗ vunum ay ki kagina. Kalagi hu Mulla Bun minigira ay fok jew duliyara bay tin tuwa.

MATIYE 3:2

ana, «Jokogi hurugi ki jivi zeɗ. Mulla huulonara mbawa tok.»

MATIYE 8:11

An dagiya, suuna ŋgolo hin mbay u lo maɗiina, u fiɗigina, lak hu Mulla huulonara ko tasi u Abraham, u Isaak u Yakob.

MARK 10:14

Yesu wasi li na ni, hurum ɓeŋ egesiya, dasi ana, «Hinigi kemba mbay egenu, doorosiɗi. Mul Lonara ni maŋ suu ko asina na.

Boy Ma Ayra Ma LUK Ɓiirimma 11:28

Yesu hoŋoɗ dira ana, «Ayra ka ni kay suu hum boy ma vi Lonna, vi umma na ɗow.»

Boy Ma Ayra Ma LUK Ɓiirimma 18:14

An dagiya, sa namma hoŋ vo wanni mbuɗ ki ɗegee su ma Farisenna. Suu tli yasi kolona, hin hoŋ ki kaŋgaa. Suu ka tli yasi koloɗina, hin tuɗ ni foko.»

Boy Ma Ayra Ma LUK Ɓiirimma 22:29

Ko Bun min Mul mamba kanu, an may ni minigira kagi na may.

Boy Ma Ayra Ma LUK Ɓiirimma 22:30

Agi hin ti tina u an hu ŋgotta dewra hu Mul manda may. Agi hin kak hu dlamba mulla a kaɓakŋa maŋ dee suu Israel suu doogo yam mbana.»

Boy Ma Ayra Ma LUK Ɓiirimma 4:18

«Musuk Bu Suunara ka kanu, nam ŋgaɓan a di Boy ma Ayra maŋ suu hahawra. Nam sunun ay a di boyna, cuk suu daŋgayna kiyo, a suu dugina irisi mbuɗ wi lay. A suɗ suu asi lasasina ki lay.

Boy Ma Ayra Ma JAŊ Ɓiirimma 20:29

Yesu dam ana, «Ni kayra aŋ wan u iriŋu tin huruŋ kan ni na su? Furira ka kay suu tin hurusi kan bay wan u irisina.»

GA 8ATAMBARA 8:2

Humugi gagi kay tuɗta fiyekka agi tuɗuɗ ay ŋgoo bagi hu fulla basara dok-fiɗira, Yawe tuɗugi ay ni namu. A agi mbuɗ ki haw cocoo, nam tukugi na ni a wagi ki ni hurugiya. A wi ki ana agi ndaki gasi a hum u gaɗ mamba sura may.

Magaara JAK Ɓiiriɗta 1:10

Wayagi ma ɦizina Lona hoŋom yam kaŋga may, kay mege ɦizza hin jak ki ni ko ɓo tlena ɦawa na.

Magaara JAK Ɓiiriɗta 1:12

Furira ka kay sa ma kak ɗili hu tuk mambana, kay ŋgoo tukka dagani nam hin fi jumba mulla vi iirira, ni va ma Lona vi vunum kam a ɦam maŋ suu minimma.

Magaara JAK Ɓiiriɗta 2:5

Humugi gige, gorsenna, suu an minigina. Lona man suu haw suu hu duliyara kay mbuɗusi suu ɦizina hu vira. Asi hin fi mul mamba nam ŋgaaɗ maŋ suu minimma hu jona.

WIRA ŊGAYRA 19:9

Sa sunda huulona dan ana ɓiira, furira ka kay suu yasi ay hu luu ma vogodona vi Goo Timiina, nam hin dan hu olo ana, Boy namma ni boy ma gasina vi Lonna.

WIRA ŊGAYRA 22:14

Furira ka kay suu mbus baraw masina kina, asi ni suu voɗta ka kasi a ti vuɗ gu ma vi iirirana, cuk ha ni hu gulumun ma kal ha ɦoŋzina.

WIRA ŊGAYRA 3:17

Aŋ di ana, «Anni sa ɦizina, li tlena halaŋ jiviya, va ma kaɗakan kaɗi.» Aŋ doy ka wi hahaw maŋga ana aŋŋi sa ma kaɗakina naɗi. Aŋ sa hawra, dugi lay, siili lay.