MATIYE 5:16 - Boy Lonana

¹⁶ Agi a li kiɗikŋa fok suuna ni na may. Suuna wagi jivi magira na ni, asi geleɗ Bugi ma kolo huulona may.»

MATIYE 5:16 ပူးပေါင်းရင်းမြစ်များ

1 PIYER 2:12

Poyogi ɗegee duk suu bay vina, lini asi kaagi boyna egegi ana agi ni suu cona lay ni, asi hin wi sun magira jivira hin geleɗ Lona hu buu ma nam hin mbayna.

TITTA 2:7

Aŋ taŋga mba li sunda jivira a suuna li ko aŋ na mayra. Col gasi ɗegee hu haɗ maŋga.

Boy Ma Ayra Ma JAŊ Ɓiirimma 15:8

Agi gola, geleɗta vi Bunda tak taɗ ki ni na, agi li vuɗ vuɗta jivira coco may ni, agi li takagi ana agi ni suu haɗi manna ni, agi tak ki ni geleɗta vi Bunda.

EFESNA 5:8

Agi li ay jew ni hu ndufunda, cecemi hu taɓ magira u Bu Suunara agi mbuɗ ni hu kiɗikka, ni kay ndaɗta poyogi ko suu hu kiɗikkana na.

1 PIYER 3:16

Lagi na ni u lalamba, ŋgaagi suuna, lini asi kaagi boyna kagi lay ni lakagi u saara jivira, suu di boy ma cona kagi kay poy magira u Kristura hin mbuɗ zolona.

1 PIYER 4:14

Lini asi ŋgulugi lay furiyugiya agi ni suu haɗina vi Kristu kay Musukka Bibiŋilla, Musuk Lonara mba kak kagiya.

1 PIYER 2:9

Agi ni njaf ma manam kina, suu li ɓivunna vi mul ŋgolna, deera teteɗta, suu vi Lonna. Managi ay kini a di ki kay sunda jivira vi Lona, taɗagi ay ki hu ndufunda a mbaaragi ki hu kiɗik mamba jivira.

EZAYI 58:8

Na ni kiɗik maŋga hin tak ki ko faɗta day maɗiira na. Mbil ma egeŋŋa hin cil ki ni na zak gaw. Suɗta hin tuɗ fokoŋu, bibiŋil Yawera ha ŋgorogi daganna.

TITTA 3:14

Kay suu mayna mba haɗ tasi a li sunda ɗegeera ura jivira, kay a hin ndak a li sun mayra garaŋga, kay asi mba mbay u dlara ɦawaraɗi.

1 TIMOTE 6:18

Gaɗasi kay a li jivira kak ɦizi hu sunda jivira, taŋ loɓ kay ɦala ɦal maŋ suunaɗi, njun u suu daŋŋa daŋŋa.

2 KORINTNA 9:13

Sun mayra agi laɗ ndaɗta tak ki kay tagira, suuna ŋgolo mba geleɗ Lona kay hum vun magina ma tak viigira u Boy ma Ayra vi Kristu, asi mba geleɗemu kay ɦiz magira agi ɓorow tlegeyegi ki u asira, u suu daŋŋa halaŋ lay.

EFESNA 2:10

Lona laygi ni namu nam miniygiya, hu taɓ maygira u Yesu Kristu nam min ana aygi mbuɗ ki jivi saɓakŋa u sunda jivira, sun mamba nam laɗ ki fok jewra, ana aygi mba li na may.

HEBRENA 10:24

Lakaygi jek jekee, njun u taygiya, gaɗaygi taygiya, miniygi taygi a li sunda jivira lay.

VUN ŊGOLNA 4:18

May voɗta vi suu ɗegeena ni kiɗikka fo lina, kiɗik ndaɗta tuɗ ha fok gak gak ɓo lina kiyo.

1 PIYER 4:11

Sa ma di boyna kina jok ha ki ni Boy Lonana, sa ma sunda li u saɓak ma Lona ɦammana kay a tlena halaŋ ɦal ŋgara ni maŋ Lona, kay Yesu Kristu ŋgolla ni mamba, saɓakŋa ni mamma gak gak. Amin.

1 TESALONIKŊA 2:12

Ami gaɗagiya, soogi hurugiya, ami cenegi ana poyogi jivi ko Lona minda na. Nam ma yagi ay hu mul mamba u bibiŋil mambana.

1 PIYER 3:1

Agi boyogina may ni humugi u njufuyugiya, kay ana suu dukusi ɦiw li ka vi u Boy Lonanaɗi lay ni asi hin mbuɗ a vi u Boy Lonana u poy magira jivira bay agi dasi boy lay.

SUNDA 9:36

Cara vira dew ay hu ɦoŋzina Yoppe yaɗ ana Tabita (sem namma ni u vun Grekŋa ana Dorkas mbuɗ ki ni ana Dukka). Ndaɗ ay tew tew li jivira maŋ suuna njun u suu hawra.

1 TIMOTE 5:25

Sunda jivira wi ki ni kiɗik gaw ta sa ka waɗ ki kiɗik gawɗira lay ni ka viɗiɗi.

MATIYE 5:45

Agi li li na ni, agi hin mbuɗ ki goryoŋ Lo kolona. Nam ti fat mamba kay suu cona lay, kay suu jivina lay. Nam si yoom ay kay suu cona ko suu jivina na lay.

TITTA 2:14

Nam ɦal tam ki ni kaygiya, a buɗuygi ki hu cora a suu mam suu pasiyakŋa mam nam dew a ay mba li ki feɗ tew tew kay li sunda jiviya.

1 TIMOTE 5:10

Suuna halaŋ waɗ ki u sun maɗta jivira ndaɗ wul goryoɗ jiviya, ndaɗ gol suu mba varaɗna jiviya, ndaɗ mbus sem suu vina vi Lona njun u suu hahawra li sunda jivira halaŋ.

1 TIMOTE 2:10

Li sunda jivira ko boyogi suu li sunda ii Lona jivina na.

GALATENA 1:24

Asi geleɗ Lona kanu.

EZAYI 61:3

A ɦal jumba furira maŋ suu hu Siyon suu ka yoona, kay balam buɗ masina. Ҥasi mbul ma his jivina, ka yoora oloɗi. Cukusi baraw ma ŋga tara, ka baraw bolna oloɗi. Asi hin yasi ana, ɦoy ma suuna ŋga Lona u namma, sene ma vi Yawena, ma suuna ŋgaam u namma.

TITTA 3:4

Hu li ma Lona Sa Suɗta tak jivi mamba u min mamba ki eg suuna halaŋ,

1 KORINTNA 14:25

Saa mamba ŋgay hurum kay tam dewra hin mba ki kiɗiki, ni nam hin goɓ yam kaŋga cen Lona anaba, «Lona ka dukugi gasi.»

Boy Ma Ayra Ma LUK Ɓiirimma 11:2

Yesu dasi ana, «Agi li cenna ni, dagi ana, Bumiya, ko seŋ tii ŋgol suu tlen halaŋ, ko mul maŋga mbaa.

MATIYE 9:8

Suu molina wi na ni, mbuɗ ndaa cocoo, geleɗ Lona kay saɓak ma nam ɦam maŋ suunana.

MATIYE 23:5

Tlesuu asi lasi halaŋŋa ni ana suuna wasiya. Ni kay ndaɗta asi ɓii magaara gaɗta ɓii ni, njunuɗ kosiya. Asi ɗee tlesuu magaara gaɗta ɓiiri huna vun barawi masisina ŋgol lay.

MATIYE 6:16

«Agi li laara ni, mbuɗ tagi ki hahawra ko suu ŋga tasina naɗi. Asi mbuɗ irisi ki hahawra zeɗ, a suuna wasi ana asi ka li laara. An dagi ni gasiya, suu asina fi warak masina ki kaŋga tani wa.

MATIYE 23:9

Kay ndaŋgara ni, agi yi sa ana, Bugiya, naɗi. Lona ni Bugi dew.

MATIYE 6:9

Agi li a cen Lona ni, dagi ana, Bumi ma kolo huulonna, Seŋ tii ŋgol su tlena halaŋ.

KALKIRA 34:35

Suu Israelna wi ana vok Moiz mbuɗ weleɗa ni, Moiz hoŋ ɗag gaɗamulla ki kam gaw. Hin buɗuɗ ki ni hu li ma nam tuɗ kalafi a ɓak u Yawera tuwa.