MATIYE 4:10 - Boy Lonana

¹⁰ Yesu dam ana, «Ҥuɗ taŋ ha kiyo, Satanna. Ki ɓiiri ana, Aŋ goɓmi Lona Bu Suuna dew daŋ, ka goɓ sa daŋgi.»

MATIYE 4:10 ပူးပေါင်းရင်းမြစ်များ

GA 8ATAMBARA 10:20

Agi li ni ndaa Yawe Loogina, sunummi nam dew, agi njun tagi ni egem dew, agi li suu tagi kay dlaa ni u sem dew daŋ.

JOSUWE 24:14

Josuwe hin gi mamma hu di ana, «Cemi wanda ni agi lagi ndaa Yawe sunummi namu, u ndaana u huu ma jivina u ɗegeera may. Cukugi loogi suu somoyogi sunusi ay ŋgoo lumma ii hiniŋŋana kiyo u suu ay kosi hu Egiptena lay. Sunugi ni Yawe.

Boy Ma Ayra Ma LUK Ɓiirimma 4:8

Yesu hoŋom dira ana, «Ki ɓiiri hu magaara ana aŋ goɓmi Lona dew, sunummi nam dew daŋ.»

1 SAMUEL 7:3

Samuel di suu Israelna halaŋ ɗaŋŋi ana, «Lini agi hoŋogi ay eg Yawe ni u hurugi ma dewna ni agi noyogi loogi suu ɦawa suu varagina u loogi Astart kiyo, tinigi hurugi kay Yawe, agi sunummi nam dew nam hin ɓaɗagi ay ki ko suu Filistinna.»

Magaara JAK Ɓiiriɗta 4:7

Hoŋogi yagi kaŋga fok Lona, noyogi Satanna kiyo, nam hin pii hinigiya.

1 PIYER 5:9

Kakagi en u vira hurugiya, duurugi u namu kay agi wi ana gorsegina hu duliyara halaŋ wihawra ko agi na may.

MATIYE 16:23

Yesu ɦal ŋgorom maŋ Piyer, dam ana, «Ҥuɗ taŋ ha ki egen day, Satan. Aŋ hal a zuɗun ni hu cora ɦawaa. Saaraŋ ka kora vi Lonara naɗi. Nira vi suu warnara.»

JOB 2:1

Buu maa dew ni suu sunda huulona mba cuɗ dlaasira ki fok Yawe. Sa ma gaŋawna mbay dukusi may, mba cuɗ dlaamba maŋ Yawe may.

JOB 1:12

Yawe di sa ma gaŋawna ana, «Aŋ tuɗa, tlegeyem halaŋ an hiniŋsina ki hu duk koŋ wa, may ni aŋ ka ŋgenem iiri mambaɗi kama.» Sa ma gaŋawna ɦuɗ tam ay ki, hin Yawe gaw.

1 DLAŊ MULINARA 21:1

Satanna min tam eg suu Israelna so u David a nam ndum suu Israelna kiyo.

JOB 1:6

Buu maa dew ni, suu sunda huulona tuɗ a cuɗ dlaasira ki fok Yawe. Satanna sa ma gaŋawna tuɗ ha dukusi may.

SOOLLA 109:6

Asi di ana, man sa ma dew a kaam ɓakŋa kamba, ni sa ma co ma kal kamma.

KALKIRA 23:25

Lini agi sun Yawe, Loogina, nam hin paɗ vunum ki kay tiigina u mbo ma agi camma. An hin ɦuɗugi tuguɗira ha ki egegi na day.

EZAYI 30:22

Fuli magi suu agi minisi u lorra u doonora agi hinisi kiyo, u lorra u doonora agi yorosi eg fuli magisinana agi hinisi kiyo. Agi cukusi ki ko tlesuu njenjena na. Agi dasi ana ɦuɗugi tagi ha ki egemiya.

MARK 1:13

Nam ay ki ŋgoo bagi li buuna dok fiɗi, Satan hal a ndememu. Nam ay ki ni duk mburi suu ŋgoo bagina. Suu sunda huulona sunumu.

Boy Ma Ayra Ma LUK Ɓiirimma 10:18

Yesu dasi ana, «An wi Satan ay kolo huulona ndi ay kaŋga weleɗ ko kura na.

Boy Ma Ayra Ma LUK Ɓiirimma 11:18

Lini Satan ɓorow irim ki wa ni mul mamba hin li ni nanage? Agi di ana an dik fulina ki ni u saɓakŋa vi Beelzebul ni nanage?

Boy Ma Ayra Ma LUK Ɓiirimma 13:16

Cara wanni hu deera vi Abrahamba, Satanna njunuɗ kaŋga basara doogo yam kalavandi ni, ndak ka a buɗuɗ ki kolo hu buu ma vi Lonnaɗi su?»

Boy Ma Ayra Ma LUK Ɓiirimma 22:3

Satanna kal hu Yudas ma yam ana Iskariyotna. Nammi sa ay duk suu haɗi suu doogo yam mbana.

Boy Ma Ayra Ma LUK Ɓiirimma 22:31

Yesu di ana, «Simon, Simon, Satan joɓ saɓakŋa ay ana hin kisikigi ko ndal suuna kisik ii wana ki duk barra na.

Boy Ma Ayra Ma JAŊ Ɓiirimma 13:27

Yudas vi fu namma na gaw ni, Satan kal hurum gaw. Yesu dam ana, «Va ma aŋ lamma, lam ki zak gaw.»

SUNDA 5:3

Piyer joɓom ana, «Ana nias aŋ hin Satanna a kal huruŋ a ganaŋ yaŋ a kaboyna eg Musuk Lonara ni nanage? Gursura aŋ gus senena ay kira aŋ hiniɗ ki koŋ amege?

SUNDA 26:18

An sunuŋŋi kay aŋ tuɗ malasi irisi kiyo, kay aŋ yowosi ay ki duk ndufunda tuɗusi ki hu kiɗikka, a buɗusi ki ko saɓakŋa vi Satanna maŋ Lona. Kay tin mayra tin hurusi kanda ni coosira hin daɓ kiyo, asi hin yow jona ko tasi u suu vi Lonna u hurusi ma tini kanna.»

1 KORINTNA 5:5

Sa namma agi gam ha ki maŋ Satanna, nam lasam tamu a ŋgus mamba hin suɗ ki hu buu ma vi Bu Suuna Yesuna.

1 KORINTNA 7:5

Gi vun tagi kiɗi, gagi gagara ŋga lina duk tagiya, kay agi hin a li cenda, ŋgoo dagan hoŋogi eg tagi olo, kay Satanna kal dukugi a ndemegiɗi.

2 KORINTNA 2:11

Ka a hin Satanna su kaygiɗira wanni, kay dlaamba ka iriygi viɗiɗi.

2 KORINTNA 11:14

Dlara gol ko dlara mbuɗ na ka huɗi kay Satanna kay tamba mbuɗ tam sa sunda huulona vi kiɗikka.

2 KORINTNA 12:7

Va ma dooron ana an a ŋga tanɗina a wi dlara mbuɗ mbuɗta ni nam kusun wayara duk tliwinu, mba egenni ko sunda vi Satan na kay waɗanu a dooron kay ŋga tara.