MATIYE 3:9 - Boy Lonana

⁹ Saaragi hurugi ana, Abraham ni bumiya naɗi. An dagiya, Lona ndak a mbuɗ ɦinira ki a goryoŋ Abrahamma layɗi su?

MATIYE 3:9 ပူးပေါင်းရင်းမြစ်များ

Boy Ma Ayra Ma LUK Ɓiirimma 3:8

Lagi dlara jivira a tak ana hurugi ki joki zeɗ. Dagi ana Abrahammi bumiya naɗi. An dagiya, Lona ndak a mbuɗ ɦinira ki a goryoŋ Abrahamma layɗi su?

Boy Ma Ayra Ma JAŊ Ɓiirimma 8:33

Asi hoŋom dira ana, «Ami ni goryoŋ Abrahamma, ami ay ka jew gorgomi vi saɗi. Aŋ hin ana ami mbuɗ ki suu vuɗina ni nanage?»

ROMMA 4:1

Aygi daygi ni me kay buygi ma jewna Abraham ge? Nam fini mege?

SUNDA 13:26

«Gorsenna agi suu hu njafna vi Abrahamma, agi suu ka toki tani a cen Lona wanna. Boy ma suɗta namma ay suni ni magi agiya.

Boy Ma Ayra Ma LUK Ɓiirimma 16:24

Nam sawalla ha kolo ana, Bun Abraham, wan hahawan aya. Sun Lazar ay sun ni, nam kal kom ay duk yona, mba laɓan sininu. An duk kura wanni, wi hawra cocowaɗi.

Boy Ma Ayra Ma JAŊ Ɓiirimma 8:53

Aŋ saa ana aŋŋi su Bumi Abraham ma miɗina su? Suu jok vun Lona miɗ lay. Aŋ saa ana aŋŋi gege?»

Boy Ma Ayra Ma LUK Ɓiirimma 5:22

Yesu wasi saa masira na ni, dasi ana, «Agi saa hurugi kurufu na ni kaymege?

MARK 7:21

Saara cora col ay ni hu sana. Hurum zuɗum um ha ana li dla cora, kulna u ci maɗna lay,

EZEKIYEL 33:24

«Goŋ sanna, u suu may suu hin ha hu mbassa ɓalak ki ndaɗta ka di ana, Abraham u dew tam tli mbas ndaɗta ni namu, aygi may ni mbuɗ zuli cocoo, mbas ndaɗta hin ka ni maygi may.

SUNDA 15:14

Simon dagi jew ana Lona min njaf suu ka Juifnaɗina, nam man suu dukusi ɦiw mbuɗusi ki a suu mamsina.

Boy Ma Ayra Ma LUK Ɓiirimma 19:40

Yesu hoŋosi dira ana, «An ka dagi haa, lini asi seŋ tasi lay ni, gogoyra hin sawalla ha lay.»

Boy Ma Ayra Ma LUK Ɓiirimma 7:39

Sa Farisen ma yi Yesu ha varamma wi na ni, ɓak hurum kurufu ana, «Lini sa namma ni sa jok vun Lona gasi ni, nam hin wi ana cara gawlaŋga.»

Boy Ma Ayra Ma LUK Ɓiirimma 12:17

Nam saa hurumu, ɓak tam ana, An lini ana mege? Li ma an a cuk tlegeyen huna kaɗi.

Boy Ma Ayra Ma JAŊ Ɓiirimma 8:37

An wi ana agi ni goryoŋ Abrahamma, agi hal a can ki ni kayra agi ka min hum u haɗ mandaɗira.