MATIYE 27:4 - Boy Lonana

⁴ «An li coo. Sa li va kaɗi na, an gusum ki ni kay mege?» Asi hoŋom dira ana, «Li dla ndaɗta ni aŋu. Ndolomi ka dukgi.»

MATIYE 27:4 ပူးပေါင်းရင်းမြစ်များ

1 JAŊ 3:12

Aygi ka a li ko Kain naɗi, nammi vi sa cona ci wayamma kiyo, nam cam ki ni kay mege? Ni kay me sunda Kain laɗta tew tew ni coo. Sunda vi wayammara li ɗegee may.

1 PIYER 1:19

Nam buɗugi ay ki ni u ɓivun ma dlam ŋgolna vi Kristu, nam ay ni ko goo timii ma bay cora bay ŋgulla egemma na.

HEBRENA 7:26

Yesu ni mul ŋgol maygi ma li ɓivunna ma aygi vi umma. Nam sa ma teteɗ ma bay cora egemma, cora na nde lay ka egembi, duk ɦoŋom taɓ ka u coraɗi, tlam ha ki kolo huulona ma dayna.

TITTA 1:16

Asi di ana asi ni suu wi Lona, sun masira ka tak naɗi gaw may. Asi ni suu cona, duu u gasira, ndak ka a li sunda jiviɗi.

1 TIMOTE 4:2

Asi hin viɗ tasi ki u humba hum u suu hurusi mbambana u kaboyna, ni wiisira fokka ki miɗiya, ko sa ŋgalaɗ ki ko kawina gi ay ki tlawra kuŋgura na.

ROMMA 3:19

Aygi wi ana dlara gaɗta daɗta dini maŋ suu li uɗna, vun sa ka mal a di boy ma puruɗ tam kiɗi, kay a suuna halaŋ ɓakŋa vi Lona mba tok kasiya.

SUNDA 13:28

Asi gol commi fi boy ma asi ci Yesu ki kamma kaɗini asi ɦam maŋ Pilat ana nam cam kiyo.

Boy Ma Ayra Ma JAŊ Ɓiirimma 19:7

Suu Juifna hoŋom dira ana, «Hu dlara gaɗ mamira ni, ami ndak cam kiyo kay nam di ana nammi Goŋ Lonna.»

Boy Ma Ayra Ma LUK Ɓiirimma 23:47

Mul asgaa ma Romma wi dla ndaɗta na ni, geleɗ Lona ana, «Gasi sa namma ay ni sa jivina.»

Boy Ma Ayra Ma LUK Ɓiirimma 23:41

ay wanni wi haw mayra ni u voɗoɗu kay dlara ay laɗ u bik koyra. Nam wanni li va co kaɗi.»

Boy Ma Ayra Ma LUK Ɓiirimma 23:22

Pilat dasi a yamba hindira ana, «Nam li ni co mege? An fam co mayra cam ki kaɗi, hin hinimu.»

MATIYE 27:54

Mul asgaana u suu mamsina gol u Yesu, asi gola ni ndaŋgara gijaŋ dlaka, asi wi dlara lira halaŋ, asi mbuɗ ndaana, di ana, «Sa namma gasi ni Goŋ Lonna.»

MATIYE 27:19

Pilat kaki hu li ɓakŋa na ni, caamba sun sa maa ay dew, dam ana, «Lagi va eg sa nammaɗi. Doyra dan ka njeŋge u nam cowaɗi.»

JONAS 1:14

Asi gijaŋ yi Yawe, sawalla kolo ana, «Ҥii, Yawe, ami ka min gin a taɓ vunumi a ba sa namma kiɗi. Aŋ ŋgaami busu sa namma kamiɗi, dla ndaɗta ndolomi kaɗi. Kay aŋ, Yawe, li ni dlara huruŋ miniɗta.»

JEREMI 26:15

Agi wi ki kagi ana lini agi can ki wa ni dlara hin vagi ni agiya. Agi tagira lay ɦoŋzi namma u suu hurumma lay. Kay agi ci ki ni sa li va kaɗina. Gasi daŋ may ni Yawe sunun ay ana an dagi boy namma ki agi humumu ni namu.»

JOB 16:2

An humugi njaɗ magira zeɗ zeɗ bolow cocoo. Agi ni suu ɗil ii suu ɓalak huuna ɦawaa.

2 MULINA 24:4

Olo ni kay busu suu li va kaɗi ma asi voom ki kaŋga ɦawa bay uɗna. Dla co ndaɗta oy ki hu Yerusalem. Yawe ka min zi ma Yerusalem namma oloɗi, ka min a heɓ hurum eg zi nammaɗi.

1 MULINA 21:27

Hu li ma Akab hum boy namma na ni, nam haa baraw mamma kiyo, cuk baraw bolna egemu, li laara may. Nam buu ni u baraw bolna egemu, tuɗ ni na suɗu suɗu ka tin sem kaŋga eŋgi lay.

1 SAMUEL 15:30

Sol di ana, «An li suluku. Cecem wanda an ceneŋu, aŋ mbuɗun ki jivi fok suu basi suu duk suu mansinana, fok Israel lay. Hoŋ ay u anu. An hin goɓ kaŋga fok Yawe, Looŋŋa.»

1 SAMUEL 15:24

Sol di Samuel ana, «An li suluku, an calaɗ ki kay gaɗta vi Yawera u boy mamma lay. An li ndaana ni ko suuna, an hin vasi vunusiya.

KALKIRA 12:31

Faraw yi gi Moiz u Aaron ay duk njeŋgera dasi ana, «Yowogiya cukugi ha ki duk suu mansina, agi u suu Israelna halaŋ, tuɗugi sunugi Yawe ko agi dira na.

KALKIRA 9:27

Faraw yi gi Moiz u Aaron ha dasi ana, «Ndaɗta wanni an li coo Yawe ni sa ma ɗegeena, ami u suu mansina ni suu cona.

WIRA ŊGAYRA 11:10

Suu hu ndaŋgarana hin li furira ŋgolo kay maɗ suu mba' asina. Asi hin li ayra ŋgolo ɦal tlena maŋ tasi lay, kay ana suu jok vun Lona suu mba' asina ɓeŋ ndaŋgara ki cocoo.

JOB 13:4

Lini agiya ni vunugi hoɓira ni u kaboyna ɦawaa, agi ni suu garaɗ suuna u kaboyna ɦawaa.

1 SAMUEL 19:5

Nam ba gin tam ki u cira nam ci sa Filistinna kira, may Yawe tak saɓak mamma ki maŋ suu Israelna bel. Aŋ wam lay, li furira kam lay. Ni kay me aŋ min a li sulukŋa a vo busu sa li va kaɗina kige? Hal a ci David bay dlara kom lay nige?»

SOOLLA 94:21

Asi hal iirira vi suu ɗegeena, sa ma li va kaɗina asi halammi namu.

VUN ŊGOLNA 12:8

Suuna ŋga ni sa ma li dlara jivira. Sa ma saaram ka ɗegeeɗina sa ka dam dlaamba jiviɗi.