MATIYE 24:3 - Boy Lonana

³ Yesu kaki kay ɦinira Conora. Suu haɗi mamsina ɦuɗ tasi ay egem asi doy hol, joɓom ana, «Dami ay gi dla ndaɗta hin mba ni saɓage? Va ma hin takami ki kay mbaaŋga, u duliyara a daɓ kira ni mege?»

MATIYE 24:3 ပူးပေါင်းရင်းမြစ်များ

SUNDA 1:7

Yesu hoŋosi dira ana, «A wi lina u buu ma Bun ŋgaam a mbara ni dla ndaɗta ka ni magi agiɗi, Bun u dew tamba ŋga dla ndaɗta ni namu.

MATIYE 24:37

Dla mayra li u Nowara hin li hu buu ma vi Goŋ Sanna ni na may.

MATIYE 13:49

Falira duliyara hin daɓ kira ni hin li ni na may. Suu sunda huulona hin mba ɓorow ii suu jivina ki u suu cona.

Boy Ma Ayra Ma LUK Ɓiirimma 21:7

Asi hin joɓ Yesu ana, «Dla ndaɗta hin li ni saɓage? Va ma tak ki kay dla ndaɗta a mbara ni mege?»

MATIYE 21:1

Asi mbay eg Yerusalem tok, tew hu zi ma Betfagena, kay ɦinira Conora ni, Yesu sun suu haɗi mamsina mba' ha foko,

MATIYE 24:39

Asi ka wi dla ndaɗtaɗi lay ni, mbona kafasi ay kasi, yowosi ni na gaw. Goŋ Sanna a mbayra ni, li ni na may.

MATIYE 24:27

Weleɗta col ay u maɗiina wa, ndi ki u fiɗigina wa ni, ni Goŋ Sanna mba ni na may.

HEBRENA 9:26

Lini naɗi ni nam gijaŋ wihawra sem bolowo ay u minda min duliyara day. A gasira nam li cecemi na sem dew ni a fafatɗa. Ni lina hin tok a daɓa, nam a bulum cora kira wanni ɦal tamba a ɓivunna gaw.

MATIYE 28:20

Haɗasi a asi vi vun gaɗta an gaɗagirara halaŋ may. Wi kagi ana, an ka u agi gak gak ndaŋgara tuɗ daɓ ki u ndaɗta.»

MATIYE 17:19

Yesu hin ki vaydegem wanni, suu haɗi mamsina ɦuɗ tasi egem, joɓom ana, «Ami ndak a dik ful namma kaki mamiɗi ni nanage?»

MATIYE 24:43

Humugi boy namma ki jiviya. Lini sana wi ana sa a mba kulum njeŋgee ni, nam ka buu senɗi. Nam ka hinim a coom ɦolotta kambi.

MATIYE 15:12

Suu haɗina ɦuɗ tasi eg Yesu, dam ana, «Aŋ ka wi ana suu Farisenna hum na ni, hurusi haɗ cocoo, naɗi su?»

MATIYE 13:36

Yesu hin suu tokina tani, kal ki voo. Suu haɗi mamsina ɦuɗ tasi egemu, joɓom ana, «Vami u ndal boy ma aŋ tinim kay ciŋrirana kiyo.»

MATIYE 16:27

Na daŋŋi Goŋ Sanna hin mbay u bibiŋilla vi Bumba u suu mam suu sunda huulona may, hu li namma nam hin warak gegelay u dlara nam laɗta.

MATIYE 16:28

An dagi ha ni gasira, suu dukugi ɦiw ka daɓ ki miɗna bay wi Goŋ Sanna mbay u mul mambaraɗi.»

MATIYE 24:30

Hu li namma va tak ki kay Goŋ Sanna hin wi ki kolo huulona. Suu kay ndaŋgarana halaŋ hin yoo tasiya. Na ɗaŋi, asi hin wi Goŋ Sanna mbay duk ɗugulla u saɓakŋa kom halaŋ, u bibiŋil mamba may.