MATIYE 13:52 - Boy Lonana

⁵² Nam dasi ɗaŋ ana, «Agi gola, ni kay ndaɗta sa wi magaara gaɗta mbuɗ ki sa haɗina hu Mulla huulonara mbuɗ ni, ko malaŋ zina vaa ii tlegeyem suu wilina ki may, suu basina ki mayra na.»

MATIYE 13:52 ပူးပေါင်းရင်းမြစ်များ

TITTA 1:9

Nam li ni sa ma col kay boy ma gasina, ma taɓi u haɗtana. Nam ndak a gaɗ suu hiŋŋa kay haɗta gasira, a tak cora vi suu ciwayra.

MATIYE 12:35

Sa hurum jivina fi tlesuu jivina u jivi mamba may. Sa hurum cona fi tlesuu cona u coomba may.

VUN ŊGOLNA 15:7

Boy ma vi suu wi dlara ka tak haɗta, may suu laɓana ni va ka kasi na dewɗi.

EZDRAS 7:21

An mulna, Artazerzes, ɦal voɗta maŋ suu gol tlena hu keŋ lum ma Efratna u fiɗigina halaŋ a li dlara mul ma li ɓivunna, Ezdras, hin joɓosi kaɗta, sa wi magaara gaɗta vi Lo ma kolo huulonana,

EZDRAS 7:10

Ezdras gasi daŋ may ni ɦal hurummi a hal gaɗta vi Yawera, a takaɗ ki kiɗik, li uɗ may, a haɗ gaɗta u dlara jewra vi suu Israelnara.

Boy Ma Ayra Ma LUK Ɓiirimma 11:49

Ni kay ndaɗta wira vi Lona di ki ana, An hin sunugi suu jok vun Lona u suu vovoɗta, agi hin ci suu ɦiw ki dukusiya, hin las suu daŋŋa lay.

MATIYE 23:34

Agi hum haa! An hin sunugi suu jok vun Lonna u suu wi yal boyna u suu wi magaara aya. Agi hin ci suu ki ɦiw, hin ɓal suu taa ki ɦiw hu gu ma garakgina may, suu daŋŋa agi hin poŋosi hu Zira Tokka may, agi hin cuɗusi usi ɦoŋzina halaŋ may.

VUN ŊGOLNA 18:4

Boy ma kal ay ki fun sa warna ni mbo ma um zul cocona, nammi sari nera u yalna, ni mbo ma law cocona.

KOLOSNA 3:16

Ko boyna vi Kristu u ɦiz mamba halaŋ kak hurugiya haɗagi tagiya gaɗagi tagi duk tagiya tagiya u ne mayra jivira. Gagi soolla gi deɓpa maŋ Lona u hurugi halaŋ, gagi soolla gi deɓpa ɗegeera, u soolla furira ta Musukka haɗagirara.

KOLOSNA 1:7

Epafras ndarami ma sunda haɗagina ni namu, nammi sa ɗegeena vi Kristu mala sunda ko ami na may.

EFESNA 3:8

An ni sa ma kaɗaki duk njafna vi suu vi Lonana halaŋ ko ndaɗta na lay ni Lona ɦan a di Boy ma Ayra vi ɦizza bay daɓpa vi Kristu maŋ suu ka njaf suu Juifnaɗina.

Boy Ma Ayra Ma JAŊ Ɓiirimma 13:34

An ɦagi gaɗta wilira ha ana, Minigi tagi duk tagiya. Minigi duk tagi ko an minigira na.

SOOLLA VI SALOMON 7:13

Goloy jiv sene gugutluna, lini nam gijaŋ ɓora wa kalage? Lini ɓoom gijaŋ a mal ki kala, lini grenadinna ka ɓo may kalage. Hu li namma an hin takaŋ min manda may.

VUN ŊGOLNA 11:30

Sa ma ɗegeena vuɗ mamba ni gu ma vi iirirana. Suu wi dlara hin vi suu daŋŋa.

EZDRAS 7:6

Ezdras namma col ay ni hu Babilon. Nammi sa wi magaara ma ɦal tam ki kay gaɗta vi Moiz ta Yawe ɦaɗ ayra, Lo ma vi suu Israelna. Mulna ɦam tlesuu nam joɓosina halaŋ kay ana ko Yawe, Loomma ka kamu.

EFESNA 3:4

Kay ndum boy namma wanni humugi hin gagi kay dlara ŋgayra a waɗta, ni kay Yesu Kristu.

2 KORINTNA 6:10

Asi lami dlara yoora egemi ŋgolo ni ami ka furi tew tew, golomi ko suu hawra na ni ami ɦizi u suuna, ami gol ko ka fi vaɗina ni a gasira tlena ka komi halaŋ.

1 TIMOTE 3:6

Li sa ma vi Boy Lonana wilinaɗi, li ka naɗi ni nam hin ŋga tamu, ɓakŋa hin vam ko Satanna na may.

MATIYE 13:51

Yesu joɓosi ana, «Agi hum u boy namma ki halaŋ su?» Asi ana, «Ami hum wa.»

MATIYE 13:53

Yesu daɓ ndal boyna daɓmi, gi tam

MATIYE 28:19

Tuɗugi ha duk njaf suu kay ndaŋgarana halaŋ, mbuɗusi ki suu mansina. Mbususi batemma u sem Buna, Goromma, Musuk Lonara may.