MATIYE 11:5 - Boy Lonana

⁵ Suu dugina mbuɗ wiya, suu dalira mbuɗ tuɗa, suu liɓina mbuɗ ki jiviya, suu ŋgelina mbuɗ huma, suu miɗina paɗ ki kolo iiriya, Boy ma Ayra jok ki maŋ suu hawra halaŋ.

MATIYE 11:5 ပူးပေါင်းရင်းမြစ်များ

Boy Ma Ayra Ma LUK Ɓiirimma 4:18

«Musuk Bu Suunara ka kanu, nam ŋgaɓan a di Boy ma Ayra maŋ suu hahawra. Nam sunun ay a di boyna, cuk suu daŋgayna kiyo, a suu dugina irisi mbuɗ wi lay. A suɗ suu asi lasasina ki lay.

EZAYI 29:18

Hu buu namma ni suu ŋgelina hin hum ndum magaara. Suu dugina hin cuk ay ki duk ndufunda mba ki hu kiɗikka, irisi mbuɗ wi lay.

Magaara JAK Ɓiiriɗta 2:5

Humugi gige, gorsenna, suu an minigina. Lona man suu haw suu hu duliyara kay mbuɗusi suu ɦizina hu vira. Asi hin fi mul mamba nam ŋgaaɗ maŋ suu minimma hu jona.

MATIYE 21:14

Suu dugina u suu dalira ɦuɗ tasi eg Yesu hu zira wanni, nam mbuɗusi ki jiviya.

Boy Ma Ayra Ma JAŊ Ɓiirimma 10:38

Lini an laɗu ni, agi ka mininɗi lay ni, vagi u sunda an laɗta a agi wi ki anaba an ka ni hu Buna, Bun ka ni hurun may.»

Boy Ma Ayra Ma JAŊ Ɓiirimma 10:25

Yesu hoŋosi dira ana, «An dagi ki da, agi ka van boy mannaɗi. Sunda an laɗ u sem Bunda dagi ni kay dlaanda.

Boy Ma Ayra Ma JAŊ Ɓiirimma 5:36

An, sa vovoɗ manda kaa, ŋgol su ma vi Jaŋŋa, ni tlesuu Bun ɦansina ana an lasiya na. An lasiya, tle asina takagi ana Bun Lona sunun ay ni namu.

Boy Ma Ayra Ma JAŊ Ɓiirimma 3:2

Nam mbay eg Yesu njeŋge, dam ana, «Mala Haɗta, ami wi ana Lona sunuŋ ay a haɗami ni namu, sa Lona ka u nambina ka ndak a li dlara mbuɗta ko aŋ laɗta naɗi.»

Boy Ma Ayra Ma JAŊ Ɓiirimma 2:23

Hu li ma Yesu ay Yerusalem kay luu ma Pakŋa wanni, nam li dlara mbuɗta cocoo. Suuna wi dla ndaɗta na ni tin hurusi kamu.

MARK 9:25

Yesu wi suuna yow ay liŋŋa egem na ni, nam bay ful ma cona ana, «Aŋ ful ma ndumu ma ŋgelina, an daŋu, kal ay ki hu goona, hoŋ hurum oloɗi.»

MARK 7:37

Na ɗaŋi suuna halaŋ mbuɗ na jim. Asi ɓak ana, «Dlara nam laɗta halaŋ ni jivi ɦay. Suu ŋgelina nam malasi humusi ki lay, suu ndumuna nam buɗusi sinisi ki lay.»

MATIYE 10:8

Garaɗ suu tuguɗira kiyo, dliɗ suu miɗina koloo, mbuɗ suu busuna ki jiviya, dik ful ma cona ki lay. Agi fi saɓak namma ni ɦawaa, ɦa kina ha ki ɦawa may.

MATIYE 9:30

Irisi mal ki gaw. Yesu dlaɗasi humusi ana, «Humugi jiviya, a sa wi ana an malagi irigi kiyo naɗi.»

EZAYI 66:2

Olo ni, tle asina halaŋ kon lasi ni namu, asi halaŋŋi varanu. Yawe di na ni namu. Asi halaŋ an ka golosiya, suu may suu hahawra suu ka lasna halaŋ. Suu ka dlak ndaana ko boy mannana.

EZAYI 43:8

Lona di ana, mbarangi suu mansina ay ki fun ɓakŋa. Asi suu irisi ka may, ka wiɗina. Humusi ka may, ka humbi lay.

SOOLLA 146:8

Yawe mal ii suu dugina kiyo, Yawe col suu daɓ sesina ki koloo, Yawe min suu ɗegeena.

SOOLLA 22:26

An min li dlara an vi vunun kaɗta. An min ŋgaaŋ ki fok suu tokina halaŋ, suu laŋ ndaaraŋŋa.

2 MULINA 5:14

Naaman tuɗ kaŋga hu lum ma Yurdanna, tluɓ kaŋga duk mbona yam kiɗisiya ko sa ma vi Lonna damba na may, tam mbuɗ ki ni ko ndal ta goo zoŋŋa na. Nam mbuɗ ki teteɗ.

2 MULINA 5:7

Hu li ma mulna ndum magaa ndaɗta ndummi, haa baraw mam ma tamma ki di ana, «Anni Lona a ndak ci sana ki ci ni, hoŋ dliɗim layra su? A nam hin sunun sana ay ana suɗum ki ko tuguɗii busuna ni nanage? Agi wi ki ana nam halanni a honira ɦawaɗi su?»

MATIYE 5:3

«Furira ka kay suu wi tasi hawra hurusi fok Lonna, Mulla huulonara ni masiya.

SUNDA 2:22

«Agi suu Israelna humugi va ma an min daginana, Yesu ma Nazaretna nammi sa ma Lona takagi ŋgol mamba kina. Lona li dlara mbuɗ mbuɗta, u dlara ndandalla, u takka daŋga daŋga ko agi kay tagira wi u irigira na lay.

ZAKARI 11:7

An taa doli ni yoori suu paara ɦasi ki a ŋgaɗtana. An yow tokolora taa yoona mba'. An yira jewra ana, «Jivira», ta mbara ana «Humba» an gijaŋ taa yoorina.

KALKIRA 4:11

Yawe hoŋom dira ana, «Sa ma li vun sa warnana ni gege? Sa ma mbuɗ sana ki ndumu lay ŋgeli layna ni gege? Sa ma dug ii sana ki lay malaɗ ki layna ni gege? Ni ka an, Yaweɗi su?

EZAYI 29:19

Suu hoŋ yasi gana hin furi coco hu Yawe. Suu hawra hin furi kay sa ma Teteɗ ma vi suu Israelna.

MATIYE 11:4

Yesu dasi ana, «Tuɗ njaɗagi maŋ Jaŋ tlesuu agi humusina may, wasina may.

MATIYE 12:13

Yesu di sana ana, «Maɗ koŋ kiyo.» Nam maɗam ki na ni, kom mbuɗ ki jivi ko ma hiŋŋa na may.

Boy Ma Ayra Ma JAŊ Ɓiirimma 9:7

«Tuɗ mbus iriŋ ay ki hu goloŋ ma yam ana Silowena,» (sem namma ni ana sun aya). Sa dugina tuɗ mbus irim mbusni, hoŋ ay na ni mbuɗ wi gaw.