An gol irin ha hu tlesuu an wasi hu doyra njeŋgena, gola ni ay duk ɗugulla kolo huulonara sana ka mbay ko goŋ sanana na. Nam mba tew ki eg sa ma maana, asi hin ɦuɗumma ay egemu.
Mul asgaana u suu mamsina gol u Yesu, asi gola ni ndaŋgara gijaŋ dlaka, asi wi dlara lira halaŋ, asi mbuɗ ndaana, di ana, «Sa namma gasi ni Goŋ Lonna.»
Tlesuu ɓiiri hu magaa ndaɗtana ni ana agi tin hurugi kay Yesu a nammi Sa Lona Fuurumma, Goŋ Lonna. Lini agi tin hurugi kam wa ni, agi hin fi iirira umu.
Yesu hum ka u gaɗta kay buu ma vi Lonnaɗi. Olo, nam di ana Lona ni Bumu, nammi ko nam na may. Kay boy namma halaŋi, suu Juifna halam sura fok jewra a cam kira.
Hu li ma nam fi geleɗta u ŋgolla vi Lona Buna ni ami ka hu li ma ami wi ŋgol mamba humumi della di ay kolo huulona ana, «Ni goron ma an minimma, an tin furi manda halaŋŋi kamu.»
Aygi wi anaba Goŋ Lonna mba wa, nam neeygi ki ana aygi wi Lo ma gasina kiyo. Aygi taɓira u Lo ma gasina ni u sem Goromma Yesu Kristu, nammi Lo ma gasina, iirira ka daɓ kiɗira lay.
Gologiya nam mba hu ɗugulla. Suuna halaŋ hin wamu, suu cokomma lay. Suu kay ndaŋgarana halaŋ halaŋ hin mbuɗ yoo kay boy mamma, ni dla ndaɗta hin a li ni na daŋ may, amin.