MARK 8:38 - Boy Lonana

³⁸ Lini sana li zolona kanu, kay boy manna lay, fok suu cukunina ni, suu li zoŋgana lay, li cora lay, Goŋ Sanna hin li zolona kam may, falira nam mbay u saɓakŋa vi Bumma u suu mam suu sunda huulona may.»

MARK 8:38 ပူးပေါင်းရင်းမြစ်များ

ROMMA 1:16

An ka li zolo kay Boy ma Ayraɗi, nammi saɓak Lonna kay suɗ gegelay ma tin hurumma, ay jewni suu Juifna, hinni maŋ suuna halaŋ may.

1 JAŊ 2:23

Gasi sa noy Goona kina noyom ki ni Bum may, sa wi Goonana wammi Bum may.

Magaara JAK Ɓiiriɗta 4:4

Agi suu ka ɗegeeɗina li galamba u duliyara ni sa ma gonokka u Lonnaɗi su? Sa ma li galamba u duliyara ni sa ma gonokka u Lonna.

Boy Ma Ayra Ma LUK Ɓiirimma 9:26

Lini sana li zolona kanu, kay boy manna may ni, Goŋ Sanna hin mbay u bibiŋilla vi Bumba u suu mam suu sunda huulona ni hin li zolona kam may.

2 TIMOTE 1:8

Li zolo kay a diki kay Bu Suuna maynaɗi, li zolo kan an saam ma daŋgaynaɗi lay, ni na ɗow ana vi wihawra kay Boy ma Ayra kaŋu u saɓak ma Lona ɦaŋŋana.

MATIYE 26:64

Yesu hoŋom dira ana, «Aŋ di ni aŋu. An dagi ha ana, Agi hin wi Goŋ Sanna kagi kay bik Lona ma njufna, ma saɓakŋa kom halaŋŋa. Agi hin wam nam hoŋ ay duk ɗugulla huulona.»

MATIYE 16:27

Na daŋŋi Goŋ Sanna hin mbay u bibiŋilla vi Bumba u suu mam suu sunda huulona may, hu li namma nam hin warak gegelay u dlara nam laɗta.

HEBRENA 11:26

Nam furi kay ŋgulla vi Kristu irim saɓak su begera Egiptera, nam saa mamba tini kay warak ma fokŋa.

HEBRENA 11:16

A gasira ni asi hal ni mbassa jivi sura, ni di ana ta kolo huulonara. Ni kay ndaɗta Lona ka li zolo kay a di ana nammi Loosinaɗi, nam minisi zina haa.

2 TIMOTE 1:12

Kay ndaɗta an vi wihawra kanu, an li zolo kay boy nammaɗi kay an wi sa ma an tin hurun kamma, an wi ki gasi ana nam ndaki a golon gak gak buu ma nam ŋgaamma, kay va ma nam ɦanna konna.

MATIYE 12:39

Yesu hoŋosi dira ana, «Agi njaf ma cona, hurugi ka tini kay Lonaɗi, joɓ dlara mbuɗta ni a mege? Dlara mbuɗta daŋ ta an takagi sura vi sa jok vun Lona, Jonas, kaɗi.

Boy Ma Ayra Ma JAŊ Ɓiirimma 1:51

Nam di olo ana, «An dagi ni gasira, agi hin wi huulona ki maliya, agi hin wi suu sunda huulona tuɗ koloo, hoŋ ay kaŋga kay Goŋ Sanna.»

MATIYE 25:31

«Mayra Goŋ Sanna hin mbay kay mul mambara wanni, suu sunda huulona umu, nam kak kaŋga kay dlam mamba mulla ta bibiŋilla.

MATIYE 24:30

Hu li namma va tak ki kay Goŋ Sanna hin wi ki kolo huulona. Suu kay ndaŋgarana halaŋ hin yoo tasiya. Na ɗaŋi, asi hin wi Goŋ Sanna mbay duk ɗugulla u saɓakŋa kom halaŋ, u bibiŋil mamba may.

Boy Ma Ayra Ma LUK Ɓiirimma 19:26

Mulna ana, Sa mamma ŋgolna ɦam ha kayam hu olo. Sa ma va ka kombina, va li kom ew ni, tlam ma kiyo.

MATIYE 13:41

Goŋ Sanna hin sun suu mam suu sunda huulona aya. Suu gi ii ndarayasina hu corana u suu li dla cora, asi hin dikisi ki hu Mul mamba.

DANYEL 7:13

An gol irin ha hu tlesuu an wasi hu doyra njeŋgena, gola ni ay duk ɗugulla kolo huulonara sana ka mbay ko goŋ sanana na. Nam mba tew ki eg sa ma maana, asi hin ɦuɗumma ay egemu.

DANYEL 7:10

Mbo kura ɓaɗ sel ay ki fokomu. Suuna buɓ buɓ bulumi li sunda fokomu, suuna buɓ buɓ doogo coli fokomu. Sa kaɓakŋa kak kaŋga mal hu magaara kiyo.

GA 8ATAMBARA 33:2

Nam di ana, Yawe mbay kolo kay ɦinira Sinayra ni magiya, nam tak tam ki hu mbassa Seirra, nam weleɗ ay kolo day kay ɦinira Paran. Nam mbay hu Meriba, hu Kades, u suu mam suu teteɗna buɓ buɓ doogo.

HEBRENA 13:13

Ay tuɗuygi doŋ kaana a siɓ panna ko namma may.

2 TIMOTE 1:16

Bu Suuna ɦal jivi mamba maŋ Onesifor u suu mamma, kay nam ka heɓen hurun tew tew, an hu daŋgayna lay ni nam ka li zolo konɗi.

GALATENA 6:14

Lini kan anu ni an ka min a ŋga tan kay garakŋa vi Buu Suuna Yesuɗi, kay garakŋa vi Kristu ni tlesuu hu duliyara halaŋ ki miɗi kanu, an tanda ki miɗi kay tlesuu hu duliyarana may.

SUNDA 5:41

Suu vovoɗta cuk ki hin suu ŋgolo suu kaɓakŋana ka tani, tuɗ ni u furira kay Lona wasi asi ndaki a li lassa u ŋgulla kay sem Yesu.

Boy Ma Ayra Ma JAŊ Ɓiirimma 12:34

Suu molina hoŋom dira ana, «Ami haɗ hu magaa mamira gaɗta ana Sa Lona Fuurumma hin kak iiri ni na gak gak. Na ɗaŋŋi, aŋ hin di ana Goŋ Sana na hin col kolo kay ndaŋgara ni nanage? Goŋ Sa namma ni gege?»

Boy Ma Ayra Ma JAŊ Ɓiirimma 5:27

Nam ɦal saɓakŋa maŋ Goromma a kaɓakŋa, kayme nammi Goŋ Sanna.

Boy Ma Ayra Ma JAŊ Ɓiirimma 1:14

Boyna mbuɗ ki sana, kak dukuygiya, nam ka u oora u gasira coco may. Nammi goo ma dew ma ami wam bibiŋil mamba col ay vi Bumba.

MARK 14:62

Yesu dam ana, «Ni an ɗaŋ may. Agi hin wi Goŋ Sanna kagi kay bik Lona ma njufna ma saɓakŋa kom belna. Agi hin wam nam hoŋ ay duk ɗugulla.»

MATIYE 16:4

Agi njaf ma cona, hurugi ka tini kay Lonaɗi, joɓ dlara mbuɗta ni amege? Dlara mbuɗta daŋ ta sa takagi sura vi Jonassa kaɗi.» Nam hinisi tani, tuɗ gaw.

ZAKARI 14:5

Agi hin pii ki hu ɦuɗugum ndaɗta, kay ana ɦuɗugum ɦinira hin tew ha ki hu Azal. Agi hin pii ko agi pii ki hu cokira ndaŋgara dlak hu li ma Oziyas a mulna hu Yudara na. Olo, Yawe, Loonna, hin mbay u suu mam suu teteɗna umu.

MATIYE 8:20

Yesu dam ana, «Bayakka zuluɗ ka lay, laygina ziisi kasi lay. Goŋ Sanna, li nam koɗ tam hu kaɗi.»

MATIYE 16:28

An dagi ha ni gasira, suu dukugi ɦiw ka daɓ ki miɗna bay wi Goŋ Sanna mbay u mul mambaraɗi.»

MARK 8:37

Va sana fam a mbuɗ iiri mamba ni mege?

MARK 13:26

Na ɗaŋ asi hin wi Goŋ Sanna mbay duk ɗugulla u saɓakŋa kom halaŋ, u bibiŋil mamba lay.

SUNDA 10:22

Asi hoŋom dira ana, «Sa ma ŋgol asgaana Korniye sunummi ay ni namu. Nammi sa ma ɗegeena ma vi u Lonna, suu Juifna halaŋ lay ni minimu. Sa sunda huulona tak tam irim dam ana, nam yaŋ ay varamu, aŋ hin mba dam boy ma huruŋŋa.»

1 TESALONIKŊA 2:19

Suu ami ka u juɓpa kasina ni suurage, furi mamira u ŋgaamira u bibiŋil mamira ni agiɗi su, fok Bu Suuna mayna Yesu hu mbaamba layɗi su?

1 TESALONIKŊA 3:13

Ko nam soogi hurugi a lak bay cora teteɗ fok Lona Buya, a juɓ mbara vi Bu Suuna mayna Yesu u suu mam suu teteɗna halaŋ.

1 JAŊ 2:28

Gasi goryonu, hurugi li taɓi dew u Kristu, a falira nam hin a mbara aygi wi ki kaygi gasi ana zolo ka caygi fokombi.

WIRA ŊGAYRA 14:10

nam hin ci sum yara vi Lona ma nam voom hu kop yarana. Suu li ko ndaɗta nana hin guruɗ duk kura ŋgolla ŋgal cocora, fok suu sunda huulona fok Goo Timiina.