MARK 8:34 - Boy Lonana

³⁴ Ŋgoo daganda Yesu yi suuna ay u suu haɗi mamsina, dasi ana, «Lini sana min a tuɗ kay cerenu ni, saa kay tambi, nam tli guum ma garakŋa, tuɗ ay unu.

MARK 8:34 ပူးပေါင်းရင်းမြစ်များ

1 MULINA 14:8

An ɓaɗ mulla ay ki ko suu vi Davidna, ɦaŋga ki maŋu, na may aŋ li ka ko saan ma sunda David ma hum u gaɗ manda jivi u hurum halaŋŋa naɗi. Nam li ni dlara irin jivira doy hol.

NDUMBA 14:24

Na may saan ma sunda Kaleb ma fi saara daŋga, tuɗ u gaɗ manda mbuɗ ndaa kaɗi, an hin tinim hu mbassa nam goloɗ ay ndaɗta. Njaf mamma halaŋ hin cuk ziisi huwa.

MATIYE 10:38

Sa ma zii gu garak mamma, tuɗ ka unɗi na, ka ndaki kanɗi.

MATIYE 16:24

Nam hin di suu haɗi mamsina ana, «Lini sana min a tuɗ kay cerenu ni, maa dla tam kiyo, tli garak mamma, tuɗ ay unu.

MATIYE 27:32

Asi cuk ay kiyo ni, fi sa ma Sirenna, yam ana Simon. Asi ɦeɓem ana nam zii garakŋa u Yesu.

MARK 10:21

Yesu wam na ni, hurum minimu, hin dam ana, «Va ma dooroŋ dew, aŋ bay lam tuwa. Tuɗa, gus tlegeyeŋ ki halaŋ, bege ndaɗta aŋ ɓorowoɗ ha ki maŋ suu hawra. Aŋ hin fi ɦizza ŋgolla ha kolo huulonna. Ŋgoo daganda aŋ mbay unu.»

MARK 7:14

Yesu tin um yi suuna ay egem, dasi ana, «Humun ki vunun haa, wagi u boy namma ki jivi may.

Boy Ma Ayra Ma LUK Ɓiirimma 13:24

«So tagi ki a kalagi hu vun zira goora. An neegi ki kagiya, suuna hin tuk tasi a kal hu vun zi ndaɗta cocoo, suu ɦiw hin ka a ndakgi.

Boy Ma Ayra Ma LUK Ɓiirimma 14:33

Yesu hin gi vunum ki kaŋga ana, «Dukugi wanni, sa hin tlegeyem kagi halaŋgina nam ndak a li sa haɗi mannaɗi.»

Boy Ma Ayra Ma LUK Ɓiirimma 18:22

Yesu hum na ɗaŋi dam ana, «Va ma dew maa ki uŋu. Tuɗ gus tlegeyeŋ ki halaŋ. Bege ndaɗta aŋ ɓorowoɗ ki maŋ suu wi hawra. Aŋ hin fi ɦizza ŋgolla ha kolo huulona. Ŋgoo daganda aŋ hin mbay unu.»

Boy Ma Ayra Ma LUK Ɓiirimma 20:45

Suuna halaŋ hum vun Yesu. Nam di suu haɗi mamsina ana,

Boy Ma Ayra Ma LUK Ɓiirimma 9:23

Yesu di maŋ suuna halaŋ ana, «Lini sana min a tuɗ kay cerenu ni, maa dla tam kiyo, tli gu garak mamma hu buuna tew tew.

Boy Ma Ayra Ma JAŊ Ɓiirimma 10:27

Timigii mansina humun delenu. An wasiya, asi tuɗ un may.

Boy Ma Ayra Ma JAŊ Ɓiirimma 19:17

Yesu kal ay ki doŋ kaana, tli guum ma garakŋa kamu tuɗ hu li ma yam ana ŋgot yamba (u vun masina yam ana Golgota).

SUNDA 14:22

Asi gaɗ suu vina soosi hurusi ana asi kak eŋ hu vira. Dasi olo ana, «Lini nanagelay aygi a cuk hu Mul Lonara ni u wihawra coco tuwa.»

ROMMA 6:6

Waygi ki jivi ana saaygi ma jewna aygi ɓalam ki hu gu garakŋa u Yesu wa, kay taygira li dla cora mba li oloɗi, aygi ka a mba li mbaɓu vi cora oloɗi lay.

ROMMA 8:17

Aygi ni goryomu, aygi hin faygi jona vi Lona ma nam ɦam maŋ suu mamsinana, aygi hin faygi ii ɓorow maygina ko taygi u Kristu, lini aygi taɓ hu wihawra u namu ni aygi hin kak u nam hu ŋgol mamba lay.

1 KORINTNA 15:31

Gorsenna hu buun tew tew ni miɗna egen ni na tok, an dagi ni gasira an wi ti tara egen kagi ni kay iiri magira hu Yesu Kristu Bu Suuna maygina.

1 KORINTNA 8:13

Kay ndaɗta lini wayanna ndi kaŋga hu cora ni u va ma tira ɦawaa, an ka kom tliw oloɗi a fafatɗa kay an min a ba wayanna kiɗi.

1 KORINTNA 9:19

An ni ka mbaɓuna vi saɗi, an ki buɗiya, ni kay ndaɗta an mbuɗ tan mbaɓuna vi suuna kay a fasi ŋgol suwa.

GALATENA 2:20

An ka iiri kay tan cecemi oloɗi, Kristu ka iiri hurun ni namu, iiri manda an a sa warna cecemi wanda an ka iiri hu vira u Goŋ Lonana nam ma mininna ɦal iiri mamba ki kanna.

GALATENA 5:24

Suu vi Yesu Kristuna ci minda vi mbalatara ki u minda vi sa warna halaŋ.

GALATENA 6:14

Lini kan anu ni an ka min a ŋga tan kay garakŋa vi Buu Suuna Yesuɗi, kay garakŋa vi Kristu ni tlesuu hu duliyara halaŋ ki miɗi kanu, an tanda ki miɗi kay tlesuu hu duliyarana may.

FILIPINA 3:10

Va ma an saaramma ni kay a wi Kristu, u saɓakŋa vi paɗ mamba kolora, a taɓ hu wihaw mamba, mbuɗ ki ko nam na may hu miɗ mamma.

FILIPINA 3:7

An gol ay jewni ko an fi va hu fii na, cecemi wanda kay Yesu Kristu ni an ba va ki ni baay na ɗow.

KOLOSNA 1:24

Cecemi an li furira hu wihawra an ka faɗ kagira. Wihaw mayra an ka faɗ eg mbalatan wanda, ni an faɗ ki ni vun wihaw mayra li ka eg Kristu tuɗira kay mbalatamu. Mbalatam ni suu vi Kristuna.

KOLOSNA 3:5

Cagi dla mayra cora egegi hu duliyara wanda ki halaŋ, boy zoŋga, dlara ka teteɗɗira, bay ɗegeera, saara cora, huu ma ŋgiziɗ tlena, (ŋgiziɗta ŋgiziɗ tlena ni ko goɓ fulinara na).

2 TESALONIKŊA 3:11

Ami ɓakagi nani kay ami hum ana suu daŋŋa ka dukugiya zolomo. Ka li vaɗi lay, kal tasi duk dlara vi suu daŋŋa.

TITTA 2:12

Oo ndaɗta haɗay ana poyra cora u saara vi duliyara noyosi kiyo, kay ay hin poy u voɗoɗ hu ndaŋgara tani, mba fi iirira jivi ɗegee ɗili u Lona.

HEBRENA 13:13

Ay tuɗuygi doŋ kaana a siɓ panna ko namma may.

1 PIYER 4:1

Ko Kristu fi lassa hu mbalatamba na, soogi tagi a lagi hu saa magira na may, kay sa ma siɓ lassa hu tliwimma, daɓ ki wa u cora.

1 PIYER 4:13

Furiyugiya ni ko agi dlaɓ u wihawra vi Kristu na kay a agi mba li u ayra coco hu li ma ŋgol mamba hin mba tak taɗ kina.

2 PIYER 1:14

An wi kan ana an hin tok a hin tliw ma miɗi namma kiyo, ko Bu Suuna Yesu Kristu takanda na.

1 JAŊ 3:16

Gola aygi wi ana minda ni ana mege? Ni ana Yesu Kristu ɦal iiri mamba ki kaygiya aygi may ni ɦal maygira ki kay gorseygina may.

WIRA ŊGAYRA 2:10

Li ndaa ko wihawra aŋ tuɗ fatɗaɗi, aŋ huma Satan hin tukugiya, yow suuna ŋgolo cukusi hu daŋgayna, agi hin wagi hawra buuna doogo, kak ɗili na gak gak hu miɗna, an hin ɦaŋ jumba mulla vi iirira.