MARK 6:34 - Boy Lonana

³⁴ Yesu cuk ki kaŋga hu lumba ca ni, gol irimu ni, suuna molira na ndil ndil. Asi mbuɗ irim hahawi, kayme asi ni ko timigiina suu sa tarasi kaɗina na. Nam gijaŋ haɗasi tlena cocoo.

MARK 6:34 ပူးပေါင်းရင်းမြစ်များ

1 MULINA 22:17

Mise hoŋom dira ana, «An wi suu Israelna njay ki kolo kay ɦinira ko ndal timigii suu sa taarasi ka usiɗira na. Yawe di ana, suu asina sa ma fokosi kaɗi. Ko gegelay ni hoŋ vo hu ziim u heɓpa.»

2 DLAŊ MULINARA 18:16

Mise hin di ki ɗal ɗal ana, «An wi suu Israelna njay ki kolo kay ɦinira ko yoori suu sa ma taarasi kaɗina na. Yawe di ana mul ka kasi oloɗi. Gegelay ni hoŋ vo hu ziim u heɓpa.»

EZAYI 13:14

Ko ndal dukka sana digiɗ uɗta na, ko ndal yoori suu sa ka taarasiɗina na, gegelay hin tin irimmi duk suu mamsina, gegelay tuɗ ni hu li ma nam ay huna duk suu mamsina, gegelay hin pii ni hu mbas mamba.

JEREMI 50:6

Timigii suu viɗ kina, ni suu mansina mbuɗ ki ni asiya. Suu golosi iiri masirana viɗisi ki wa. Asi tuɗusi asi talal ay kolo kay ɦinira ta ta, kay ɦinira ŋgolora u mayra goorira lay, humusi ka gasi kay liisi ma buunaɗi lay.

EZEKIYEL 34:5

Yoorina njay ki dew dew ni ko coogira. Asi hin ki ni a ti ma vi vabakgi suu ŋgoo bagina. Asi njay ki na dew dew.

ZAKARI 10:2

Gasi daŋ may fulina hoŋ dira ni dlara uɗ kaɗira. Suu joɓpa dlara tak taɗ irisira ni kaboyna. Asi gijaŋŋa ni u dlara kaboyna, heɓ huu suuna u ganyamba. Ni kay ndaɗta suuna tuɗ ha ki ko ndal mbutlina hu katlaŋgara na, hahaw coco lay kay sa golosi kaɗi.

NDUMBA 27:17

Sa namma hin kal kiyo tuɗ fok suuna, nammi sa ma hin cukusi ki kiɗik lay, hoŋosi vo layna. Na ni suu vi Yawena ka hin li ko timigii suu bay sa ma taarasina kasira naɗi.»

MATIYE 14:14

Yesu cuk ki kaŋga hu lumba ca ni, gol irimu ni, suuna molira na ndil ndil. Asi mbuɗ irim hahawi, nam garaɗasi suu masi suu tuguɗira kiyo.

MATIYE 15:32

Yesu yi suu haɗi mamsina ay egem, dasi ana, «Suuna mbuɗ irin hahawi. Asi li buuna un ca ni hindi, va ti ka kosi oloɗi. An ka hinisi tuɗ voo u mayraɗi, asi hin say ha ki voɗo.»

MATIYE 9:36

Nam wi hahaw suu moli egemma, kayme eŋesi kaɗi, asi ni ko timigii suu sa taarasi kaɗina na.

MARK 6:33

Suuna bolowo wasi ana wanni asiya. Suu hu zina yow liŋŋa halaŋ, tuɗ tew ha ki hu li namma jewesiya.

MARK 6:35

Suu haɗina vi Yesu wi ana faɗta gi yaɗ wani, asi ɦuɗ egem dam ana, «Aygi duk gura ni, faɗta su ni suya.

MARK 8:1

Fali ndaɗta suuna moli eg Yesu cocoo. Vaasi ma ti kaɗi, ni Yesu yi suu haɗi mamsina ay egemu, dasi ana,

MARK 8:2

«Suuna mbuɗ irin hahaw ɦay. Asi li buuna un ca ni hindi. Va ti funusi ka oloɗi.

Boy Ma Ayra Ma LUK Ɓiirimma 9:11

Suuna humum dlam hummi, cuɗum um haa. Yesu vasi u furira, ɓakasi kay Mul Lonara, garaɗ suu hurusi mina ki may.

HEBRENA 2:17

Ni kay ndaɗta nam mbuɗ tam ki ko gorsemma na kay a mbuɗ ki mul ŋgol ma li ɓivunna ma jivi ɗegee fok Lonna. Kay cora vi suuna mba daɓ kiyo.

HEBRENA 4:15

Aygi faygi ka ni mul ŋgol ma li ɓivunna a fi wihawra kal hu maŋi maygiraɗi. Ni na ɗow ana mul ŋgol maygi ma li ɓivunna, ndemba ndemem hu tlena halaŋ ko aygi suuna na may. Na lay ni nam li co kaɗi.