MARK 6:11 - Boy Lonana

¹¹ Agi sel hu zi ma asi ka min vagi varasiɗina wani, ka min a humugi vunugiɗi lay ni, agi jok ugi ki hu zi namma, poogi gugum ma segina kiyo. Agi li na ni, agi tak ki ni kay dlaasira asi laɗ cora.»

MARK 6:11 ပူးပေါင်းရင်းမြစ်များ

NEHEMI 5:13

An hin ɗoɓ koɓoɗ manda liiɗ ma homina ki hin di ana, «Ni ko ndaɗta na Lona hin kizik sa ma vam boy mamma kaɗina ki eg ziim day lay, eg tlegeyem day lay. Sa namma hin kizikim ki ni ko ndaɗta na ka hinim va kombi.» Suu tokina halaŋ di ana, «Amin» hin geleɗ Yawe. Suuna hin li dlara daɗ kira.

MATIYE 12:36

An dagi anaba, Hu buu ma kaɓakŋa Lona hin joɓ suuna kay dlara dawira asi njaɗaɗta halaŋ.

MARK 6:10

Yesu dasi olo ana, «Agi sel hu zina wani, zira agi buu hura, bay agi a jok ugi hu zi ma daŋŋa ba ni, jok ugi ki hura daŋgi.

Boy Ma Ayra Ma LUK Ɓiirimma 9:5

Suu ka minigiɗina agi a tuɗta wanni, po gugum ma kay ŋgoo segina ka kiyo. Gugum namma tak ki ni kay coosira.»

SUNDA 18:6

Ni asi suu Juifna min a vam boy mammaɗi, ŋgulummi ŋguli na ɗow ɗow, nam kisik gugum baraw mamma ki irisi dasi ana, «Lini agi ba ki wa coogira ni kay yagira eŋga, ndolon ka duk oloɗi. An hin cecemi tuɗ ni eg njaf suu daŋŋa.»

ROMMA 2:16

Ni va ma Lona hin kaɓakŋa kay suuna u Yesu Kristu u tlesuu ŋgay huu suuna halaŋ ko Boy ma Ayra ma an ka dam wanna dira na.

ROMMA 2:5

Aŋ sa ma huruŋ cona ka min a jok huruŋ zeɗɗi, ni kay ndaɗta aŋ tok ɓak ma ŋgolna kaŋ wa, falira Lona hin a kaɓak mamma ɗegeena.

2 PIYER 2:6

Lona kaɓakŋa kay ɦoŋzi ma Sodomma u Gomorna ŋgalasi ki u kura, nam tak suu li cora ana hin li fok u asi ni na may.

2 PIYER 2:9

Bu Suuna wi dlara suɗ suu ɗegeena ki duk dla cora, nam wi a vaa suu cona cukusi daŋgayna hu buu ma kaɓakŋa.

2 PIYER 3:7

Huulona u ndaŋgara ka cecemi wanda, Lona hinisi u Boy mam namma, kay hin ɓalakasi ki u kura nam hinisi kay juɓ buu ma kaɓakŋa kay suu cona, baasi kiyo.

1 JAŊ 4:17

Lini minda pasiyakka ka huruygiya ni aygi ka li ndaa hu buu ma kaɓakŋaɗi kay iiri maygira hu duliyara ni ko iirira vi Yesu Kristu na.

Magaara JUD Ɓiiriɗta 1:7

Saaragi kay Sodom u Gomor u mbassa ŋguy kasira halaŋ, suu huna li dlara yowna, njufina mbuɗ buu u ndarayasi njufina ko suu sunda huulona asina naa. Lona hin ŋgalasi ki halaŋ u kura ka daɓ kiɗira, ɓak ma kaasina kasina ndak ne yam suuna halaŋ.