MARK 4:19 - Boy Lonana

¹⁹ hurusi ki tini kay tlesuu kay ndaŋgarana, begera mbaɗasi irisiya, asi gijaŋ saa kay tlesuu daŋŋa olo, tlesuu asina muruɗusi Boy Lonana ki hurusiya. Boy namma zul ka hurusiɗi.

MARK 4:19 ပူးပေါင်းရင်းမြစ်များ

VUN ŊGOLNA 23:4

Loɓ taŋ coco kay a hal ɦizaɗi. Hin saa ndaɗta kiyo.

VUN ŊGOLNA 23:5

Aŋ tin saaraŋ wa kay begera ni ndaɗ u garaŋga uɗu, pii ko ndal bakŋa na tin iriɗ kolo huulona.

DI BOLLA 4:8

Sana vay dam na dew daŋ, wayam kaɗi lay, goorom kaɗi lay, nam li sunda wanni koɗ ta kaɗi, bege ka ndakambi lay, ka joɓ tam ana tle asina an lasi na ni maŋ gegeraɗi lay. Halaŋ ca ni ŋga tara, hin jak ki ni u semeɗna.

EZAYI 5:2

Nam dalaɓ lina, yow gogoyra kiyo, zaa njaf tlesuu jivina huwa. Duk gayra ni nam min li ma em gugutluna hu may vek zulla huwa. Nam ka juɓmi vuɗ gugutlura jivira. Na may nam fi ni vuɗ mayra cora.

EZAYI 5:4

An fi vuɗta jivi ka huɗi ni kay mege? An hin lammi ana mege? Va ma an hin dam suna ni mege?

MATIYE 13:22

Ii njaf ma ndi duk wayara ni, suu hum Boy ma vi Lonna hummi, hurusi ki tinni kay tlesuu hu duliyarana, begera mbaɗasi hurusiya. Tlesuu asina muruɗusi Boy ma vi Lonna ki hurusiya. Boy namma zul ka hurusiɗi.

MATIYE 19:23

Yesu di maŋ suu haɗi mamsina ana, «An dagi ni gasira, sa ɦizina a kal hu mulla huulonara, ni loɓo.

MATIYE 3:10

Njetna ka gira a ka sari gugunina kiyo, gu ma vuɗum ka jiviɗi na, kaam kiyo, gam ki duk kura.

MARK 4:18

Ii njaf ma ndi duk wayara na ni, suu hum Boy Lonana hummi,

Boy Ma Ayra Ma LUK Ɓiirimma 10:41

Bu Suuna daɗ ana, «Marte, Marte, ndak loɓ tak a hal tlena ŋgol coco na ni amege?

Boy Ma Ayra Ma LUK Ɓiirimma 21:34

«Gologi tagi jiviya. Hinigi hurugi tin ki kay luu ma ɦawanaɗi, kay guruɗta summaɗi lay, kay tlesuu kay ndaŋgaraɗi lay. Li ka naɗi ni buu namma hin kafagi kagi ni kafiya.

Boy Ma Ayra Ma JAŊ Ɓiirimma 15:2

Koma egen ka vuɗɗi na, nam kaam kiyo. Nam carak kom ma hiŋŋa ki lay a nam dla gorgora vuɗ vuɗta jivira may.

ROMMA 12:2

Tlumugi tagi u dlara vi suu hu duliyaraɗi, hinigi Lona pereɗegi u mbuɗta gasira zeɗ u yal magina halaŋ, li wa na ni agi hin wi tlesuu Lona min a ay lasina, tlesuu jivina, tlesuu teteɗna, tlesuu pasiyakŋa.

EFESNA 2:2

Agi ay poyogi jew ni ko suu hu duliyarana lira na, agi humugi ni u saɓakŋa vi mul ma hu semeɗnana, ŋgussa ndaɗta huu suu ka hum u Lonaɗina ni ndaɗu.

EFESNA 6:12

Kay aygi ka njogo tay a duu taygi ni u suunaɗi, duu taygi ni u saɓakŋa vi fuli suu co suu ha kolona, asi ti mulla u saɓak masina a maliyaŋ duliyara hu ndufunda.

FILIPINA 4:6

Lagi ndaaɗi, hu cen magira joɓogi Lona kay tlesuu agi minisina halaŋ, joɓogina u gi deɓpa.

1 TIMOTE 6:17

Gaɗ suu ka ɦizi hu duliyara tanina asi ŋga tasiɗi, dasi ana asi tin saa masira kay ɦizza bay gasira ndaɗtaɗi, tiniɗ ni kay Lona ma ɦaygi tlena ndakaygi ki halaŋ a aygi mba lak u furira.

2 TIMOTE 4:10

Kay Demas hinin ki wa kay nam min tlesuu vi duliyara ŋgolo, nam tuɗ Tesalonik wa, Kresens tuɗ Galati, Tit tuɗ Dalmati may.

2 PIYER 1:8

Ni agi ndak li u tlesuu asina hurugiya, lini tlesuu asina ka hurugi ŋgolo ni asi hin mbuɗugi saɓaki, zulugi u wira eg Lona Bu Suuna Yesu Kristu.

Magaara JUD Ɓiiriɗta 1:12

Asi mba dukugi a ti ti ma wayara u agi ni ganagi yagi ni ganiya. Asi luu luu masina bay zolona, saa ni kay tasira doy hol, asi ni ko ɗugulla semeɗna valawaɗ ki bay si yonara na. Asi ni ko guguni suu ka vuɗɗina na, lini hu tilisi ma vuɗta lay ni asi ki ni ɦawaa, ko guguni suu paɗ ki kolo u sariyasi bel bel ki miɗina na.