Gorɓii suu Siyonna cukugi ay ki kiɗiki, gologi mulna Salomon. Nam ka u jumba mulla sum tinimba ay kamba kamu, ni hu buu ma nam a vi caambana, hu buu ma hurum furi cocona.
Kay sa ma mbuɗ tam a njufukŋa sem ana Yawe, ma Saɓakŋa Kom Belna, ma Teteɗ ma vi suu Israelna, ni sa ma buɗuŋ ay kina. Yam ana, Lo ma kay ndaŋgara belna.
Na daŋ may ko gozoŋŋa ɗum caambara na, sa ma hin minik kolona hinni a njufuk may. Ko ndaɗta gozoŋŋa furi banamba nam ŋgaɓaɗta, Lookŋa ka furi kakŋi na may.
Ŋgewra col ki kolo kay saan ma taa yoona, kay sa tuɗ u an ma jivi cocona, Yawe, ma Saɓakŋa Kom Belna, di na. Waɗ sa taa yoona, timigiina hin njay kiyo, kon hin hoŋ waɗ suu gorina lay.
Yesu di maŋ suu haɗi mamsina ɗaŋi ana, «Hu njeŋgera wanda ni, agi halaŋ hin noyon kiyo. Dla ndaɗta li na ni, kay ki ɓiiri hu magaara ana, An hin ci sa taa timigiina kiyo. Timigii mamsina hin njay liŋŋa.
An ka hu duliyara oloɗi, asi ka duk suu hu duliyarana tuwa. An tuɗ ha ni egeŋu. Bun ma teteɗna, golosi u saɓak seŋu, seŋ ma aŋ ɦannana, a asi li dew ko aŋ u an ay dewra ni na.
Sa ɗum carana, nammi malaɗna. Na may ni, banaŋ njuf carana coli egem a humba, hum del njuf cara na ni, li furira ana, furi ndaɗta ni manda. Dla ndaɗta cecemi li wa ɗaŋ.
Hu Ziŋ Lonara dew dew halaŋŋi nam tin suu ŋgolona fok suuna, ŋgoo dagan asi lak u vunusiya ti vaɗi lay, ci yoɗi lay kay a cenda. A hinisi ko Bu Suuna ma asi tin hurusi kamma.
An li sunda loɓma u dlara nekka fan tew tew, an buu bay senna tew tew lay, mayra u laara can lay tew tew, ni an kak bay ti vaa, semeɗna can ŋgolo ka fi baraw ma cuk kaɗi lay.
Sa sunda huulona duk suu kiɗisiyana, suu u kopma kosi kiɗisiya ma oy u tuguɗira kiɗisiyara daɓ daganna mba dan ana, «Mbaya, an min takaŋ cara vi Goo Timiinara.»
