MARK 16:17 - Boy Lonana

¹⁷ Gola! ni dlara mbuɗta hin tak suu tin hurusi kanna kira. Asi hin dik fuli suu cona ki u senu. Asi hin ɓak vun ma wilina lay.

MARK 16:17 ပူးပေါင်းရင်းမြစ်များ

MARK 9:38

Jaŋ di Yesu ana, «Malaŋ Haɗta, ami wi sa dew dik ful ma cona ki u seŋu, ami hal a doorom gini, kay nam ka sa dukuygiɗi.»

Boy Ma Ayra Ma LUK Ɓiirimma 10:17

Suu dok kiɗisiya yam mbana hoŋ ay vo u ayra di ana, «Bu Suuna, fulina lay ni humumi vunumi hu li ma ami ɓakasi u seŋa.»

Boy Ma Ayra Ma JAŊ Ɓiirimma 14:12

An dagi ni gasira ana, Sa ma tin hurum kanna hin li ni sunda an laɗta may. Nam hin li ta ŋgolora lay, kayme an tuɗ eg Bunu.

SUNDA 10:46

Asi humusi asi ɓak u vun ma sa ka wambina geleɗ ŋgolia vi Lonara, nam Piyer hin di ana,

SUNDA 16:18

Ndaɗ li buuna ŋgol u boy namma. Ni Pol hurum ɓeŋa pereɗ irim egeɗu di ful namma ana, «An daŋ u sem Yesu Kristu kal ki huruɗu!» Cecemi hu li namma na ni fulna kal ki huruɗ gaw.

SUNDA 19:6

Pol baa kom kasi na ni Musuk Lonara mba kasi gaw, asi gijaŋ ɓak boyna u vun ma daŋŋa daŋŋa, di ki kay dlara Lona ɦasira lay.

SUNDA 2:33

Lona tlam kolo hu bikim ma njufna, nam fi Musuk Lonara di ki kaɗ jewra ay ko Bumu. Nam hin njayaɗ ay ki kamiya, halaŋŋi va ma agi ka wam cecemi humum u humugiya.

SUNDA 5:16

Ҥoŋzina ŋgolo ma ŋguy kay Yerusalemma lay halaŋ tok ay huwa. Asi yow suu tuguɗira suu fulina kasina lay, halaŋ mbuɗ ki jiviya.

SUNDA 8:7

Na may Filip dik fulina ki kay suu tuguɗira cocoo, fuli suu ɦiw mbuɗ sawalla ha kolo eŋga, suu gugufuna u suu dalina mbuɗ ki jiviya.

1 KORINTNA 12:10

Musukka ɦal saɓakŋa maŋ sa hiŋŋa kay li dlara mbuɗta, sa hiŋŋa kay jok vun Lona, sa ma daŋŋa ndaɗ ɦam saɓakŋa a wi ŋgussa cora ura gasira. Sa ma hiŋŋa ndaɗ ɦam yal ma ɓak vun ma daŋŋa, ma hiŋŋa ndaɗ ɦam yal ma jok boy namma kina.

1 KORINTNA 12:28

Ni kay ndaɗta duk suu vina Lona cuk suu vovoɗ mamba jewe, a mbara ni suu jokom vunumma, a hindira ni suu haɗta, ŋgoo daganda ni suu li dlara mbuɗta, hiŋga suu nam ɦasi saɓakŋa a garaɗ suu tuguɗira kina, hin ɦal suu njun u suuna u suu gol suuna, suu u ɦala a ɓak vun ma daŋŋa daŋŋa.

1 KORINTNA 12:30

Ka suu garaɗ suu tuguɗira kina belɗi, ka suu ɓak u vun ma daŋŋa belɗi, ka suu jokom kina belɗi lay.

1 KORINTNA 13:1

Lini an ɓak vunna vi suuna halaŋ u ma vi suu sunda huulona lay, min manda li kaɗi ni, boy manna an damma hin kini ko gaŋgana a cira ɦawa na, ɗowba ko koŋ koŋŋa a tiira ɦawa na.

1 KORINTNA 14:2

Sa ma ɓak u vun ma daŋŋa, ka ɓakŋi maŋ suunaɗi, ni maŋ Lona. Sa ka humum boy mammaɗi, nam di gasi mayra ŋgayra kini u saɓakŋa vi Musuk Lonara.