MARK 16:1 - Boy Lonana

¹ Buu ma vi Lonna jak ki jakŋi, Mari ta Magdalara u Mari su Jak may, Salome may, gus mbul ma hisna kosi gus ni, a tuɗ yamam ta Yesu.

MARK 16:1 ပူးပေါင်းရင်းမြစ်များ

URA TIN AYRA 50:2

Nam di suu dokdor suu li sunda varamma ana, li mbul ma ka buɗina ta bumu. Asi hin li mbul namma ta Israel.

2 DLAŊ MULINARA 16:14

asi pammi hu zulla nam vegeɗta hu Ҥoŋzi Davidna. Asi gammi hu li ma asi tok mbul ma his jivina huruɗ irim zeɗ zeɗta. Suu yoo mbul ma his jivina yoo mbul namma ni asiya. Asi ŋgal ma daŋŋa ki ŋgol coco lay a tiirimba.

MARK 14:3

Yesu ka hu Betani wanni, nam kak vi sa liɓina, yam ana Simon. Nam kakira a ti funa, cara kal ay um u mbul ma hisna koɗ hu koloɓona. Mbul namma jiviya, gus way ɦay. Ndaɗ malam vunum ki mal ni, yamam ki kay Yesu.

MARK 14:8

Ndaɗ li ni va ma saɓakaɗ ndak a lamma. Ndaɗ yaman mbulna kan ni, minin ni maɗan a panda gawɗi su?

MARK 15:40

Boyogi suu ɦiw ay laki keŋ a gola lay. Dukusi wanni Mari ta Magdalara u Salome may, Mari su Jak ma goona u Joses may.

MARK 15:42

Fiɗigira ca ca ni, vin ni buu ma vi Lonna, asi min tasi kay buu namma.

MARK 15:47

Mari ta Magdalara u Mari su Joses gol hu li ma asi gi Yesu huna.

MARK 16:2

U damas maɗii feɗet ni, asi tuɗ kay us Yesu.

MARK 16:8

Asi sel ay ki fun zulla sel ni, yow liŋŋa, tasi tuɗusi dukuk dukuk ko ndaana. Asi di ka ki maŋ saɗi ko ndaana. [

Boy Ma Ayra Ma LUK Ɓiirimma 23:54

Ni buu ma asi min tasi a vinda ni buu ma vi Lonna.

Boy Ma Ayra Ma LUK Ɓiirimma 23:56

Ŋgoo daganda asi hoŋ vo a hal mbul ma hisna a lam ta Yesu. Buu ma vi Lonna asi koɗ tasi huwa ko gaɗta dira na.

Boy Ma Ayra Ma LUK Ɓiirimma 24:1

Faɗta damassa maɗii feɗet ni, boyogina tuɗ a gol ussa. Asi tli mbul ma hisna ma asi halam ay kosina.

Boy Ma Ayra Ma JAŊ Ɓiirimma 19:25

Asi coli eg gu ma garakŋa ma asi ɓal Yesu huna, ni sum may wayaɗta Mari caŋ Klopassa, u Mari cara Magdalara may.

Boy Ma Ayra Ma JAŊ Ɓiirimma 19:31

Ki fok buu ma vi Lona jewe, suu Juifna ka min ana maɗ suu miɗina li kolo hu gu ma garakgina hu buu ma vi Lonnaɗi. Buu ma vi Lon namma ni buu ma ŋgolna. Asi joɓ Pilat hinisi asi kus sem suu ɓali kolona ki kus ni yowosi maɗasi kiyo.