MARK 14:62 - Boy Lonana

⁶² Yesu dam ana, «Ni an ɗaŋ may. Agi hin wi Goŋ Sanna kagi kay bik Lona ma njufna ma saɓakŋa kom belna. Agi hin wam nam hoŋ ay duk ɗugulla.»

MARK 14:62 ပူးပေါင်းရင်းမြစ်များ

SOOLLA 110:1

Soolla vi David. Yawe di Bu Suuna manna ana, «Kak hu bik kon ma njufna, an cukuŋ suu babali maŋsina ki uŋ ga a gu ma aŋ tin seŋ kamma.»

MATIYE 24:30

Hu li namma va tak ki kay Goŋ Sanna hin wi ki kolo huulona. Suu kay ndaŋgarana halaŋ hin yoo tasiya. Na ɗaŋi, asi hin wi Goŋ Sanna mbay duk ɗugulla u saɓakŋa kom halaŋ, u bibiŋil mamba may.

MATIYE 26:64

Yesu hoŋom dira ana, «Aŋ di ni aŋu. An dagi ha ana, Agi hin wi Goŋ Sanna kagi kay bik Lona ma njufna, ma saɓakŋa kom halaŋŋa. Agi hin wam nam hoŋ ay duk ɗugulla huulona.»

MATIYE 27:11

Yesu fok Pilat wanni, Pilat joɓom ana, «Aŋŋi mulna vi suu Juifna su?» Yesu ana, «Aŋ di ni aŋu.»

MARK 13:26

Na ɗaŋ asi hin wi Goŋ Sanna mbay duk ɗugulla u saɓakŋa kom halaŋ, u bibiŋil mamba lay.

MARK 15:2

Nam joɓom ana, «Aŋŋi mulna vi suu Juifna su?» Yesu hoŋom dira ana, «Aŋ di na.»

MARK 16:19

Bu Suuna Yesu vunum ndi kaŋga may ni, tuɗ kolo vi Bum Lona gaw, kak kay bikim ma njufna.

Boy Ma Ayra Ma LUK Ɓiirimma 22:69

U wandara agi hin wagi Goŋ Sanna kagi kay ko Lona ma njufna ma saɓakŋa kom halaŋŋa.»

Boy Ma Ayra Ma LUK Ɓiirimma 23:3

Pilat joɓom ana, «Aŋŋi mulna vi suu Juifna su?» Yesu hoŋom dira ana, «Aŋ di ni aŋŋa diɗi.»

HEBRENA 1:3

Nam weleɗ kiɗikka ŋgolla vi Lonara, nam tli tammi u Lona tamba gasi, tlena coli hu liisi ni u saɓakŋa vi boy mamma. Hu li ma nam mbus cora vi suuna ki pasiyak mbusni, nam i kolo huulona kaki hu bik ko Lona ma njufna ma saɓakŋa kom belna.

HEBRENA 12:2

Ŋgarasaygi iriygi ni kay Yesu, viiygira coli ni kay gi jaŋ ayra gak gak daɓpa. Nam vi kam a asi ɓalam ki hu gu garakŋa, nam li olo ka kay miɗ mammaɗi, kay nam wi furira ka juɓum fokka, cecemi nam ka kaki kay bik ko Lona ma njufna kay dlam mamba mulla.

HEBRENA 8:1

Gola ni boy ma ŋgolna duk mami ma ami ka damma halaŋ, mul ŋgol maygi ma li ɓivunna kal ki kolo huulona, kaki hu bik kom ma njufna kay dlam mamba mulla, ma saɓakŋa kom halaŋŋa.

HEBRENA 8:10

Gola ni galamba an hin vaɗ u suu man suu Israelna, Bu Suuna di ana ŋgoo buu namma wanni an hin ɦasi gaɗ manda hu ŋgus masira, an hin ɓiirisira hurusiya. An hin li a Loosina, asi hin li a suu manna.

2 PIYER 1:16

Ami ɓakagi ni ka kay dla mayra njun njunda u yamba a agi mba wi mbara u saɓakŋa vi Bu Suuna Yesu Kristu ɦawa naɗi, ami wi ŋgol mamba u irimiya.

WIRA ŊGAYRA 1:7

Gologiya nam mba hu ɗugulla. Suuna halaŋ hin wamu, suu cokomma lay. Suu kay ndaŋgarana halaŋ halaŋ hin mbuɗ yoo kay boy mamma, ni dla ndaɗta hin a li ni na daŋ may, amin.

WIRA ŊGAYRA 20:11

Ŋgoo dagan an wi dlamba haɓpa mulla ta ŋgolla, sa ma kaki kaɗna ndaŋgara u huulona yow liŋŋa fokomu, sa ka wasi u irim oloɗi.