MARK 13:8 - Boy Lonana

⁸ Njaf suu dewna tuɗ duu ha suu hiŋŋa may, mulla tuɗ duu ha mul hiŋga may. Ndaŋgara hin gijaŋ geŋeɗta, bakdarra ŋgolla ndi gaw may. Dla ndaɗta li ni ko cara wi hawra a gi jaŋ vuɗtara na.

MARK 13:8 ပူးပေါင်းရင်းမြစ်များ

2 DLAŊ MULINARA 15:6

Asi duu tasi ni njaf suu hiniŋŋa duu u suu hiniŋŋa may. Ҥoŋzi ma ŋgolona duu tam may. Kay Lona gasi dlara yoora kasi ni u baɗaɗ zeɗ zeɗ cocoo.

SOOLLA 48:6

Na gaw ni asi mbuɗ ki ndaa cocoo, asi yow liŋŋa ŋgay ni na gaw.

EZAYI 19:2

An hin ɓeŋ huu suu Egiptena ki eg tasiya. Asi gegelay ni hin duu tam u wayamma, gegelay ni u ndaram ma vok zina. Ҥoŋzi ma ŋgolona hin duu duk tamu, mulina duu duk tasi may.

EZAYI 29:6

Yawe, ma Saɓakŋa Kom Belna, hin njun kaŋu, u babaa ma ŋgolna, u geŋeɗ ndaŋgara, ɓalak tlena cocoo, mbirwinda u bil mbona u kura ŋgalla may.

EZAYI 37:3

Asi dam ana, «Gola ni dlara Ezekiyas daɗ ayra, buu ma karamma ni buu ma hahawra, ni buu ma kaɓakŋa u buu ma zolona. Kemba hal a vuɗ kira, saɓak ma vuɗusi kina kaɗi.

JEREMI 13:21

Aŋ hin di ni me ologe hu li ma suu aŋ haɗasi ki u wihaw maŋgana, suu ki vo varaŋŋa hin mbuɗ ki iriŋ cora. Gasi tiitara hin faŋu, ko ndal cara hu buu ma vuɗta na.

JEREMI 22:23

Aŋ sa kaki kay ɦinira Libanda, aŋ min ziiŋ duk gu ɦoyna. Aŋ oy hu li ma dlara tiitara mbay kaŋŋa ko ndal cara tii taɗ hu buu ma vuɗtanana.

JEREMI 25:32

Yawe, ma Saɓakŋa Kom Belna, ɓak anaba, Dla cora hin li ni kay suuna u deeresiya, deeresiya. Babaa ma ŋgolna hin col ay kolo kay keŋ ndaŋgara ma daɓ ayna.

JEREMI 4:31

An hum ko ndal yoo tara vi cara hu li ma ndaɗ hal a vuɗta na, ko ndal tii ma hahawra vi cara goora na. Tii ma vi Siyon ta jivira, a miɗ kira ka maɗ koɗu. An ki hahawi. An hin tok a miɗ kira, coli fok suu ci suuna kina.

JEREMI 49:24

Damas mbuɗ ki ndaana, ndaɗ pereɗ iriɗ ŋgoroɗ dagan a ndi liŋŋa. Ndaɗ mbuɗ dlak cocoo. Haɗ huuna u tiitara laɗ ko ndal cara hu buu ma vuɗta na.

JEREMI 50:43

Mul ma Babilonna hum boy namma na ni, saaram jak ki gaw. Hahawra vam ki gaw, tiitara ko ndal cara hu buu ma vuɗta na.

JEREMI 6:24

Ami hum boyna. Saarami jak kiyo. Ami mbuɗ ki ndaa coco lay. Tiitara ko ndal cara yoo taɗ hu li ma ndaɗ hal a vuɗta na.

Magaara Vi Sa Jok Vun Lona AGE 2:22

An hin to dlamba vi mulinara kiyo, hin bulum saɓak ma vi muli suu vi suunana kiyo, an hin to pupusna ki may, ci suu jaŋamma kiyo, kulumina u suu jaŋasina hin puk kaŋgaa, gegelay kaŋga fun ŋgewra vi wayammara.

ZAKARI 14:13

Hu buu namma ni Yawe hin gasi dlara ŋgolla kasi mbuɗusi ki ndaana cocoo. Gegelay hin kaw ndaramma komu, asi hin njogoɗ tasiya.

MATIYE 24:8

Dla ndaɗta li ni ko cara wihawra a gijaŋ vuɗtara na.

MARK 13:7

Falira agi li ka hum soora vi duuna tok lay, hum boy dla duuna ha hu mbassa day lay ni, lagi ndaaɗi. Dla ndaɗta hin mbaa. Ni ka daɓpa vi ndaŋgaraɗi tuwa.

MARK 13:9

«Agi gologi tagi jiviya. Suuna hin tuɗugi fun ɓakŋa. Asi hin poŋogi u balafna hu Zira Tokka. Asi tuɗugi fok suu ŋgolona u mulina kay senu. Fokosiya agi ni suu vovoɗ manda.

SUNDA 11:28

Maa dukusi dew sem ana Agabus, Musuk Lonara takam nam di ana mayra ŋgola hin ndi kay ndaŋgara halaŋ, may ndaɗta ndi ay ni hu li ma Klaud ka kaki a mul ŋgol nana.

1 TESALONIKŊA 5:3

Hu li ma suuna mbuɗ di ana heɓpa kaa, ya ka oloɗina ni, buu ma ɓalakka hin mba kasina, ni ko ndal cara huruɗ taɗ a vuɗta na li ma asi suɗ ki hurum kaɗi.

WIRA ŊGAYRA 6:4

Kulum ma hiŋŋa kal ay kiyo tam tlawi, sa ma fuli kamma saɓak ma tin duuna kay ndaŋgara halaŋŋi komu, kay a suuna ci tasi kiyo. Kommi ŋgew ma ŋgolna.