MARK 13:14 - Boy Lonana

¹⁴ «Agi hin wi hahawra ŋgolla ka gin a mba kay sa ɗira. Sa ma ndum boy namma humum ki jivina. Hu buu namma suu Yudena hin njay liŋŋa kay ɦinira.

MARK 13:14 ပူးပေါင်းရင်းမြစ်များ

DANYEL 12:11

Col ay hu li ma ɓivun ma lam tew tewna, seŋ bay lirana day ta ta hu li ma dlara ɓeŋ lina mbara ni buuna tew ki buɓ duk kis kis mba' duk dok dleeŋe (1,290).

DANYEL 9:27

Nam hin vi banara u suuna bolowo u eŋga ii cokira dew, duk coki ndaɗta, nam hin doo suuna a li ɓivunna, sa ma ɓeŋ lina hin mbaya, dla ndaɗta hin li na gakgak hu buu ma daɓpa vi sa ma ɓeŋ lina.»

DANYEL 11:31

Suu mam suu saɓakŋa hin mbay min tasi a ɓeŋ li ma teteɗna kira, doo ɓivunna bay lira, hin mbaa dla cora ɓeŋ lina ay huwa.

WIRA ŊGAYRA 13:18

Boy namma hal a lini sa ma wi yal dlara, sa ma yalna ndak a fi u ndumba vi vabak namma, ndum ndaɗta tli taɗ u sem sana, ndumum kis kis karkiya duk dok karkiya yam karkiya.

WIRA ŊGAYRA 1:3

Furira ka ŋgolo kay sa ma ndum magaa ndaɗtana, suu hum boy ma di kay dlara ha fokka ta ɓiiri wanda hin vaɗ hurusina, furira ka kasiya. Li ma ŋgaam kay tlesuu asina na halaŋ hin tok daŋ.

1 KORINTNA 14:20

Gorsenna, lakagi hu dlaagira ko gorkemba naɗi, lakagi ko gorkemba na hu dla cora, a gi ii boyna ni agi lakagi ko suu ŋgolona na.

DANYEL 8:13

An hum del sa sunda ɓaka. Sa sunda di sa ma ɓakŋa ana, «Ni saɓa ga dlara vi ɓivun ma tew tewna u cora ɓeŋ tlena kira, zi ma ki ɓeŋina u suu sunda suu tayi kaŋga u semmana hin daɓ ki ni ge?»

EZEKIYEL 44:9

Kay ndaɗta Bu Suuna, Yawe, di ana, koy ma ɗiwim bay caw lay, hurum bay caw layna ka kal hu ziinda oloɗi. Koy ma ka cuki ki dukugi agi suu Israelna lay ka kalɗi.

YOORA 1:10

Babali manna maɗ kom ki kay bege manda bel. Gasi hu voɗ maɗta ndaɗ wi njaf suu daŋŋa mbaya. Ni suu aŋ ka min a asi mbay duk suu maɗsinaɗina.

MATIYE 13:51

Yesu joɓosi ana, «Agi hum u boy namma ki halaŋ su?» Asi ana, «Ami hum wa.»