MARK 13:11 - Boy Lonana

¹¹ Falira asi vagira, ɓigigi vun dikigi kay va ma agi dammaɗi. Fali ndaɗta boy ma agi damma ka dam agiɗi, dagina ay funugi ni Musuk Lonara.

MARK 13:11 ပူးပေါင်းရင်းမြစ်များ

SUNDA 6:10

Asi ndak ka a su kam u boyɗi, kay nam ɓakŋi u nera Musuk Lonara ɦambara.

1 PIYER 1:12

Lona tak ki maŋ suu jokom vunumma ana boy ma asi damma ni ka masi kay tasiɗi, ni magi agiya. Boy namma agi humum ki cecemi namu. Suu di Boy ma Ayra dam ki u saɓak Musuk Lonara ta sunuɗ ay kolo huulona, asi dagina ni namu. Suu sunda huulona min a wi boy namma lay.

1 KORINTNA 2:13

Aygi ɓakaygi ka u dlara sa haɗaygira hu ndaŋgara tanɗi, ni dlara Musuk Lonara haɗaygira. Ni kay mayra aygi vaygi ni u gasi mayra vi Musukkara maŋ suu ka u ndaɗna.

Magaara JAK Ɓiiriɗta 1:5

Lini sa maa dukugi neemba kaɗi ni nam joɓ Lona kaɗu, nam hin ɦamba. Lona ɦal tlena maŋ suuna halaŋŋi u min mamba jivira.

EFESNA 3:5

Ay hu jewra ni dlaamba ŋgay ndaɗta suuna waɗ ay kaɗi, cemi Lona takaɗ ki u Musuk mamba maŋ suu vovoɗta u suu jokom vunumma.

SUNDA 4:31

Asi daɓ cenda may ni li ma asi laki huna geŋeɗ na jik jik. Asi oy ki u Musuk Lonara gijaŋ ɓak Boy Lonana u ɦiŋga.

SUNDA 2:4

Asi halaŋ hurusi oy ki u Musuk Lonara, gijaŋ ɓak u vun ma daŋŋa daŋŋa zeɗ zeɗ ko va ma Musuk Lonara ɦasina a asi dira na.

EZAYI 50:4

Bu Suuna Yawe haɗan dlara an daɗta ni namu, kay a an ɗil ii suu ki loɓina, a an dam boy mamma maɗiiya, maɗiiya tew tew. Nam minin humun ki a humba ko suu haɗina humba na.

2 SAMUEL 23:2

Musuk Yawera ɓak ki fununu, boy maɗna ka kay sininu.

SUNDA 3:13

Loŋ Abrahamma, Loŋ Isaakŋa, Loŋ Yakobma, Lo ma vi somoyoygina ɦal saɓakŋa maŋ saam ma sunda Yesu. Agi u tagira ɦam ki maŋ suu ŋgolona asi ɦam ki maŋ Pilat ni agiya, nam Pilat tin gin hurum a gamu.

Boy Ma Ayra Ma JAŊ Ɓiirimma 3:27

Jaŋ hoŋ dira ana, «Va Lona ɦam kaɗina, sa ndak ka a fam kay tambi.

MARK 13:9

«Agi gologi tagi jiviya. Suuna hin tuɗugi fun ɓakŋa. Asi hin poŋogi u balafna hu Zira Tokka. Asi tuɗugi fok suu ŋgolona u mulina kay senu. Fokosiya agi ni suu vovoɗ manda.

MATIYE 10:17

Lagi tagi jiviya. Suuna hin tuɗugi fun ɓakŋa. Asi hin poŋogi u balafna hu Zira Tokka.

SUNDA 7:55

Nam hurum oyra u Musuk Lonara gol irim kolo huulona wi ŋgolla vi Lonara u Yesu coli bik ko Lona ma njufna.

SUNDA 6:15

Suu toki hu zira vi suu ŋgolo suu kaɓakŋa halaŋŋi ŋgaras irisi kay Etiyen na ŋgaras, asi golom vokom ko vok sa sunda huulona na.

MARK 13:12

Hu li namma sana ɦal wayamma ki fun maɗna lay, bu goona hin ɦal goromma ki na lay. Kemba hin hoŋ irisi eg somoyosi a casi ki lay.

Boy Ma Ayra Ma LUK Ɓiirimma 21:12

«Fok dla ndaɗta wanni, suuna hin yowogiya, hin lasagiya, hin tuɗugi fok suu kaɓakŋa hu Zira Tokka, hin cukugi daŋgayna, hin tuɗugi fok mulina u suu ŋgolona kan anu.