MARK 10:33 - Boy Lonana

³³ Nam dasi ana, «Humugi haa! aygi tuɗuygi ha kolo Yerusalem wanni, Goŋ Sanna asi hin ɦam ki maŋ muli suu li ɓivunna u suu wi magaara. Asi hin kaam ɓak mamma ana cam kiyo, ɦam ki maŋ suu ɦawana.

MARK 10:33 ပူးပေါင်းရင်းမြစ်များ

MATIYE 27:2

Asi ɗag Yesu ɗagŋi, ɦam maŋ mul ma ŋgolna Pilat.

MARK 8:31

Yesu gijaŋ haɗasi ana, «Goŋ sanna hin fi lassa cocoo. Suu ŋgolona u muli suu li ɓivunna u suu wi magaara hin noyom kiyo. Asi hin cam kiyo. Hu buu ma hindina nam hin paɗ ki kolo iiriya.»

MATIYE 26:66

Irigi ana mege?» Asi hoŋom dira ana, «Nam wanni a ci ki ciya.»

MATIYE 16:21

Hu li namma Yesu gijaŋ njaɗ maŋ suu haɗi mamsina ana, «Lini nanagelay ni ko an tuɗ Yerusalem. Hu li namma suu ŋgolona u muli suu li ɓivunna u suu wi magaara gaɗta hin lasan cocoo. Asi hin can ki lay. Hu buu ma hindina an hin paɗ ki kolo iiriya.»

Magaara JAK Ɓiiriɗta 5:6

Agi vagi suu ɗegeena casi kiyo, asi ŋgafagi ka u yaɗi.

SUNDA 20:22

Cecemi an tuɗ Yerusalem kay Musuk Lonara ka ɦeɓen ana an tuɗa, va ma ndaɗ hin li egenna an ka wambi.

SUNDA 13:27

Suu Yerusalemma u muli masina wi Yesu kaɗi. Asi hum boy ma vi suu jok vun Lonna ma asi ndumum hu buu ma vi Lonna tew tewna kaɗi lay. Asi a daɓ boy namma kira wanni ci ki ni Yesu.

Boy Ma Ayra Ma JAŊ Ɓiirimma 19:11

Yesu hoŋom dira ana, «Lini Lona ɦaŋ saɓakŋaɗi ni, aŋ ndak ka a li va egenɗi. Ni kay ndaɗta sa ɦan ay ki maŋŋa, coomba su kay maŋga.»

Boy Ma Ayra Ma JAŊ Ɓiirimma 18:28

Asi mbaa Yesu ay vi Kaif a tuɗum fok mul ŋgolna vi suu Romma. Ni maɗii feɗet. Hu ziŋ mul nammana, suu Juifna ka kal hu a mbuɗ tasi coɗi, kay asi mbuɗ co wa ni ndak a ti fu ma Pakŋaɗi.

Boy Ma Ayra Ma LUK Ɓiirimma 23:21

Asi suuna tum soora ana, «Ɓalam ki hu gu garakŋa.»

Boy Ma Ayra Ma LUK Ɓiirimma 9:22

Yesu di na olo ana, «Goŋ Sanna suuna hin lasam cocoo. Suu ŋgolona u muli suu li ɓivunna u suu wi magaara gaɗta hin noyom kiyo. Asi hin cam kiyo, nam hin paɗ ki kolo hu buu ma hindina.»

MARK 15:1

Maɗii feɗet ni, muli suu li ɓivunna u suu ŋgolona u suu wi magara u suu ŋgolo suu kaɓakŋa halaŋ lay tok tasi a gi gagara kay Yesu. Asi ɗag Yesu, tuɗ ɦam maŋ Pilat.

MARK 14:64

Agi humum vunum ma ŋgul Lona ki halaŋ. Irigi ana mege?» Asi taɓ vunusi halaŋ ana, «Cam ki ciya.»

MARK 9:31

Nam haɗ suu haɗi mamsina, dasi ana, «Goŋ Sanna, sa hin di kolokŋa kamu, suuna hin vamu, cam kiyo, buuna hindi ŋgoo miɗ mamma, nam hin paɗ ki kolo iiriya.»

EZAYI 53:3

Suuna panam cocoo, sa ka caa yam kambi lay. Sa ma wihawra, haɗi u lassa, suuna wam na ni pereɗ irisi kiyo, panamu, sa ma saa kam kaɗi.

MARK 9:12

Nam dasi ana, «Eli hin a mba gi ii tlena ki halaŋŋi nam tuwa. Ni nana Boy Lonana ki ɓiiri lay ana Goŋ Sanna hin fi lassa, asi panam coco lay ni kay mege?

Boy Ma Ayra Ma JAŊ Ɓiirimma 18:32

Dla ndaɗta li ni a li boy ma Yesu di ki fok jew kay miɗ mamma nam hin miɗ ni ana megera.