MALASI 3:8 - Boy Lonana

⁸ Sa warna ndak a ganyam Lona su? Agi ganan yanu. Agi di ana, «Ami ganaŋ yaŋŋi u mege?» Ҥalla ɦal yam tlena u tlege suu ɦasi ɦawana.

MALASI 3:8 ပူးပေါင်းရင်းမြစ်များ

SOOLLA 29:2

Geleɗegi sem Yawe, goɓogi ga fok Yawe. Goɓogi gaa fok Yawe hu li ma teteɗ mamba tak taɗ kina.

VUN ŊGOLNA 11:24

Sa ma daŋŋa ɦal tlena maŋ suuna cocoo. nam fi ay coco may, sa ma hiniŋŋa eŋ cocoo, ka bas vaam kiɗi, may nam ndi ki ni hawra na ɗow.

EZAYI 43:23

Agi mbaaran timigii suu ŋgal a ɓivunna kaɗi lay, agi ŋgaan ka u ɓivun magi ma agi lammaɗi lay, an may ni ka vagi ɦal magira tinaɗi may, ka fuurugi u mbul ma his jivinaɗi may.

DLAŊ LEVIRA 19:25

Hu basara vadla ni agi tam vuɗum tuɗaŋ ŋgus magi namma hin vuɗ fok cocoo. Ni an, Yawe, Loogina.

ZAKARI 5:3

Nam hin dan ɗaŋŋi ana, «Dla cora cuk ay ki kay yam mbassa halaŋ halaŋŋi ndaɗu. Olo, hu ii koɗ maa dew di ana, suu kulla halaŋ hin casi kiyo, hu ii koɗ ma hiŋŋa di ana, suu suu tasi bay gasira hin casi ki may.»

MALASI 1:13

Agi di ana, «Gologiya, ni loɓ me nage?» Agi zuɗugira ha ki noyoɗ ki lay, Yawe, ma Saɓakŋa Kom Belna, di na. Agi mbaagi ay u yoori suu ɦulla ɗowba dalira ɗowba tuguɗira agi mba ɦasi a li ɓivunna. Na ni an hin vagi ɓivun namma kogi su? Yawe, ma Saɓakŋa Kom Belna, di na.

MALASI 1:8

Hu li ma agi mbay a li ɓivunna u yoo ma irim dugina ni ka coraɗi su? Hu li ma agi mbay u ma dalira, u ma tuguɗira ni ka coraɗi su? Ҥam ha maŋ mul maŋŋa tuwa na ni nam hin furi su? Na ni nam hin vaŋ varam u furira su? Yawe, ma Saɓakŋa Kom Belna, di na.

MATIYE 22:21

Asi hoŋom dira ana, «Ni Sesar.» Yesu dasi ana, «Vaŋ Sesarna ɦam maŋ Sesar, vaŋ Lonna aŋ ɦam maŋ Lona may.»

MARK 12:17

Yesu dasi ana, «Vaŋ Sesarna ɦam maŋ Sesar, vaŋ Lonna aŋ ɦam maŋ Lona may.» Asi mbuɗ lakira na jim ko boy ma Yesu hoŋosinana.

Boy Ma Ayra Ma LUK Ɓiirimma 20:25

Yesu hoŋosi dira ana, «Vaŋ Sesarna ɦam maŋ Sesar, vaŋ Lonna aŋ ɦam Lona may.»

ROMMA 13:7

Warakagi halaŋ va ma asi joɓogiya, warakagi taara maŋ sa ma joɓ taara may, warakagi va ma sana tinigina kagina maŋ sa namma may. Hoŋ yaŋ kaŋga fok sa ma min ana aŋ hoŋ yaŋ kaŋga fokomuna may. Sa ma min geleɗta agi geleɗem may.

ROMMA 2:22

Aŋ sa ma di ana li zoŋgina aŋ hin li zoŋga ni nanage? Aŋ sa ma ŋgul fulina aŋ hin yow tlesuu hu ziisina su?

JOSUWE 7:11

Suu Israelna li sulukŋa ni asiya. Na daŋ may asi ɓalakan galam manda kiyo, galamba an ɓiirisira a ŋgal Yerikora halaŋ. Na may asi yow tlesuu an dagi ana sa ŋgen kom egesiɗina aya. Asi kul ay lay. Ŋgay tle asina ka kosi voo.