MALASI 3:6 - Boy Lonana

⁶ Ҥawaa! An, Yawe, mbuɗ hurun kaɗi. Agi may ni a njafna vi Yakobma tew tew.

MALASI 3:6 ပူးပေါင်းရင်းမြစ်များ

URA TIN AYRA 15:18

Hu buu namma ni Yawe vi galamba u Abram di ana, «An ɦal mbas ndaɗta maŋ gor ŋgologi maŋsina, col ha fun lum ma Egiptena ta ta fun lum ma ŋgolna Efratna,

URA TIN AYRA 15:7

Yawe dam olo ana, «Anni Yawe ma kalaŋ ay ki hu Ur hu Kaldera a ɦaŋ ndaŋgara aŋ kaɗ wandara ni maŋu.»

URA TIN AYRA 22:16

dam ana, «An suu u tanda, Yawe di na. Kay mege, aŋ li na, aŋ doo ka kay gooŋ ma dewna a ɦanna kiraɗi.

SOOLLA 102:26

Ay fok jew dayra aŋ min ndaŋgara, huulona ni sunda aŋ laɗta.

SOOLLA 102:27

Asi hin ɓeŋ kiyo, aŋ taŋga ka ni na gak gak. Asi ɓeŋ ki ko ndal barawna na, aŋ mbuɗusi ko ndal barawna na, asi hin hiniŋ lina maŋ halaŋ.

SOOLLA 102:28

Gola aŋŋi na, basa maŋga ka daɓbi.

SOOLLA 103:17

Na may ɗegeera vi Yawera ka ni tew tew a fafaɗta, ndaɗ ka kay suu lam ndaaramma, ɗegee mamba ka ni kay njaf suuna u goryosiya,

SOOLLA 78:38

Lona ma wi hahaw suuna nam hin dlara casi kira tani bulumusi coosira kiyo. Nam tew tew ni heɓ yaamba gaa, nam ka tak yaamba ki kiɗik belɗi.

SOOLLA 78:57

Asi ɦuɗ tasi ki eg Lona day ko somoyosi li ay jewra na may, asi hoŋ ki dagan ko mbuurura suuna munuɗ ha kira na.

EZAYI 41:13

Kay an Yawe ni Looŋŋa, ma vaŋ koŋ ma njufna kolona, ni ma daŋ ana, «Li ndaaɗi an ka njunuŋuna.»

EZAYI 44:6

Yawe mul ma vi suu Israelna di ana, nammi sa ma buɗusi ay kina, Yawe ma Saɓakŋa Kom Belna, anni ma jewna, ni ma do daganna lay, ki ŋgoron dagan ni lo ma daŋ kadi.

EZAYI 46:4

ta ta hu maa magira lay an u agi ni ko ndaɗta na, ta ta hu li ma tlimiɗ yagi mbuɗ haɓpa lay, an ziirigi gak gak, An ni sa ma njun kagina. Anni sa ma ka ziirigina, Anni sa ma ka sipma, buɗugi ay kina lay.

JEREMI 32:27

«An, Yawe, ni Lona vi suuna halaŋ, na ni dlara hin li kan loɓma ka su?

DANYEL 6:26

Na ɗaŋŋi mulna Dariyus ɓii maŋ suuna halaŋ, njaf suuna u dee vunusi kay yam ndaŋgara halaŋ, «ko heɓpa li u agi ŋgolo.

Magaara Vi Sa Jok Vun Lona OZE 11:9

An hin ka ɦal so ura maŋ saɓak yaandaɗi. An hin ka hoŋ ay bulum Efrayim kiɗi. Kay ana anni Lona, ka sa warnaɗi. An ka ki teteɗ vo varaŋu. An hin ka mbay u yaraɗi.

HABAKUK 1:12

Ka ni aŋ ma ay hu ura tin ayra day a Yawenaɗi su? Loonna, saan ma teteɗna? Ami ka miɗ kiɗi, Yawe, aŋ tinimmi a kaɓakŋa, hinira, aŋ ɦaɗ saɓakŋa a gi humba kay ɗegeera.

NDUMBA 23:19

Lona nam ka sa war a kaboyɗi. Nam ka goŋ Adam a mbuɗ saa mamba na zakgi. Lona di dlara wa ni nam hin bay laɗ su? Nam di boyna di ni hin doli bay lambi su?

ROMMA 5:10

Aygi ay jewni suu gonokka u Lonna, nam hin taɓaygi egemmi u miɗna vi Goromma. Ni kay ndaɗta nam hoŋ taɓaygi cecemi u namu, ay hin suɗuygi kini u iirira vi Goromma.

FILIPINA 1:6

An wi kan jivi ana Lona ma gijaŋ sunda jivira ay u agi dayna, hin tuɗ fok u agi gak gak a daɓaɗ ki hu buu ma vi Yesu Kristuna.

HEBRENA 13:8

Yesu Kristu ni ko kaa na lay, karam lay ha fok na gak gak.

HEBRENA 6:18

Sunda ka mba' ta sa ndak ka a mbuɗuɗɗira, ni hu ndaɗta ni Lona ka kaboyɗi. Aygi suu fi li ma ŋgayra hurumma, ni aygi faygi saɓakŋa ŋgolo a fi va ma aygi ka juɓumma u ɗigilla.

Magaara JAK Ɓiiriɗta 1:17

Ҥala ɦawara jivira halaŋ u ɦala pasiyakka col ay ni koloo, ɦaɗ ay ni Lona, nam sa ma li kiɗikka kolora. Lona ka mbuɗɗi. Nam ka jok ndufunda ha fok na ɗowɗi.

WIRA ŊGAYRA 1:8

Anni Gijaŋŋa u Daɓpa, Alfa u Omega, Bu Suuna, Lona ma Saɓakŋa, di na ni namu, ammi ma ka cecemma, ma ay jewna lay, ma hin a mbay fokŋa lay.

WIRA ŊGAYRA 22:13

An ni Alfa u Omega, ma Jewna u ma Daɓ daganna, Gijaŋŋa u Daɓpa.»

1 SAMUEL 15:29

Na lay ni, «Bibiŋilla vi Israella ka mbuɗ ki kaboyɗi lay, ka hom ki kaŋgaɗi lay kay ana nam ka sa warɗi, dlara nam a hom kaɗ kaɗi.»