MALASI 3:5 - Boy Lonana

⁵ An hin ɦuɗ tan ha egegi a kaɓakŋa. An hin kaɓakŋa kay suu vi kumuna, kay suu li zoŋga, kay suu suu tasina, kay suu hoŋ til suu li sunda ki kaŋgana, kay sa kuyuna u cara donora, kay suu las suu ka hu njaf masinaɗina, suu ka lan ndaaranɗi layna, Yawe, ma Saɓakŋa Kom Belna, di na.

MALASI 3:5 ပူးပေါင်းရင်းမြစ်များ

HEBRENA 13:4

Suuna halaŋ gol ɗum masira jiviya, njufna u cara kak jivi eg tasiya. Lona hin mba kaɓakŋa kay suu li dlara yowna u suu li zoŋga.

GA 8ATAMBARA 5:11

«Aŋ yi sem Yawe Lo maŋŋa ɦawa na gorɗi, kay Yawe kaɓakŋa kay suu yam sem gor gorna.

Magaara JAK Ɓiiriɗta 5:4

Suu li sunda hu sene magina agi min ka warakasi sunusi kiɗi. Agi humugi sek masira haa, suu feɗegi waagina vona tii masina kal hum Lona, Bu Suuna ma Saɓakŋa Kom Belna wa.

MALASI 2:14

Agi di ana, «Ni kay mege?» kay ana Yawe ay ka coli duk ɦoŋogi u caaŋga u zoŋoŋga ta ɓeŋeɗ kira. Doli ndaɗ ay u aŋ a mbara ni ndaɗu, ta aŋ ŋgaɓaɗta.

GA 8ATAMBARA 27:19

«Sa may ma li ii sa ma poy kolona, sa ma kuyuna, u cara donora kay vaammana sa namma ba ki wa. Suu halaŋŋa hoŋ dira ana, Amin.

WIRA ŊGAYRA 22:15

Suu may suu li dlara njenjera, suu li kumuna, suu li zoŋga, suu ci maɗna, suu goɓ fulina u suu may suu kaboyna u vunusi lay u sunda layna, suu asina halaŋ hin lak ha ki doŋ kaana na day.

WIRA ŊGAYRA 21:8

Kay suu may suu maŋina, u suu bay ɗegeena, suu li dlara njenjera, suu ci maɗna, su li zoŋga, suu kumuna, suu goɓ fulina, u suu ka boyna, liisi ma kakŋa hin lini duk mbo lum ma ŋgal kura u suufra, ni miɗ ma mbana.

DLAŊ LEVIRA 20:27

«Lini sa njufna ɗowba cara ɗowba u fuli suu joɓpa kasiya ni, suu asina hin casi kiyo, gikisi ki u gogoyra, busuɗusi hin hoŋŋi kasiya.»

DLAŊ LEVIRA 20:6

«Sa ma mbuɗ tam gawlaŋŋa li dlara joɓ fulina, ɗowba hal suu joɓpa, sa namma an pereɗ ŋgoron mamu, paɗam ki duk suu mamsina.

DLAŊ LEVIRA 19:13

«Aŋ las ndaraŋ ma vok zina a yowom tlegeyem kiɗi. Buu sa ma laŋ sundana ndak wa ni aŋ warakam ki ni hu buu namma gaw buurumma ki koŋgi.

MALASI 2:17

Agi loɓogi Yawe ki u ɓak magi ma bolowna. Agi di ana, «Ami loɓom ki ni u mege?» Dira agi di ana, «Gegelay ma li cora jivi ii Yawe, nam furi kay suu li ko ndaɗta nana.» Ɗowba agi di ana, «Lo ma min li ɗegeera arage?»

JEREMI 29:23

Dla coosira ni ana asi li dlara sa ka laɗɗira duk suu Israelna. Asi ɦal tasi ki a li zoŋga u boyogi suu vi ndaryasina na. Asi ɓak boy ma kaboyna u sen lay, doli ɗaŋŋi an joɓosi va ka kosiɗi lay. An wiya, anni sa vovoɗta kay dla ndaɗta lay. Yawe di na.

VUN ŊGOLNA 16:6

Cora bulum ki ni u ɗegeera u jivira. Sana suɗ tam ki ko dla cora ni u ndaa ma lam u Yawenana.

VUN ŊGOLNA 8:13

Li ndaa Yawe ni aŋ noy ki ni dla cora gaw. Vun ma ŋga tara u kaboyna an ka minimbi, sunda cora halaŋ an ka miniɗɗi.

SOOLLA 98:9

fok Yawe kay nam ka mbaya ni kay a kak mulna kay ndaŋgara, ti kay suuna u gasira, ti kay ndaŋgara u ɗegeera lay.

ROMMA 3:8

Ni aygi di ana, «Laygi cora kay nam hin laygi jivira suwa,» naɗi kay mi ologe? Suu ɦiw di cora kamiya, kaami boyna kami kay boyna ko wanni na, suu asina ɓakŋa hin mba ka kasiya.

MISE 1:2

Humugi haa, agi njaf suuna halaŋ. Ndaŋgara li kagi jejege u tlesuu kaɗna halaŋ. Bu Suuna Yawe kaagi ɓakŋa kagiya, Bu Suuna ay kolo hu ziim day.

SOOLLA 96:13

fok Yawe kay nam ka mbaa. Nam mba ni a ti mulla kay ndaŋgara, nam hinni a mul ma ɗegeena kay njaf suuna, ti kay suuna u ɗegee mamba.

SOOLLA 81:8

Hu li ma aŋ ka yi kolo kay lassa an buɗuŋ ki wa, an hoŋoŋ dira ay ki ŋgay gumun wa, an tukuŋ ay u dlara tok eg mbo ma Meribana.

NEHEMI 5:15

Ki fokon jew ni, muli suu ŋgolo suu jewna ci suuna kiyo, yowosi mappana u sum veŋŋa ki kosiya, yowosi nus kelew doonona ki kosi dok-fiɗi olo. Suu masi suu li sunda lay las suuna coco lay. An tanda may ni an li ka naɗi, kay an li ndaa Lona.

GA 8ATAMBARA 24:17

Aŋ ka gus ɓakŋa a mbuɗ boy ma vi ŋgaynana u goo kuyuna ki coraɗi. Aŋ ka vi baraw ma vi cara donora balnaɗi.

DLAŊ LEVIRA 20:10

«Lini sana buu u caŋ ndarammara wa ni casi kiyo, sa ma li zoŋgana u cara li zoŋgara lay, casi ki jak.

KALKIRA 18:21

Duk suuna ni aŋ man suu ndaki suu li ndaa Lona, suu dlasi jivi ii suunana, suu ka ɓeŋ dla kiɗina. Aŋ tinisi fok suuna a mulina fok suu buɓma, fok suu kisna, fok suu dok-vadlna may, fok suu doogona may.

KALKIRA 1:17

Na may boyogi suu vuɗ ndarayasina na li ndaa Lona, asi li ka ko mul ma Egiptena dasira naɗi, hin gor njufiina iiriya.

URA TIN AYRA 42:18

Hu buu ma hindina Yosef dasi ana, «Anni sa ma li ndaa Lona may, lini agi min kak iriya ni lagi ko an dagira na.

Magaara JAK Ɓiiriɗta 5:12

Gorsenna suurugi tagiɗi, suu tagi u huulonaɗi lay, u ndaŋgaraɗi lay, suu u va ma daŋgi lay. Di ɦawa ana ni na. Ni na daŋ may. Li kaɗi ni, kaɗi may. Kay a ɓakŋa vi Lona vagiɗi.

1 TESALONIKŊA 4:6

Kay dla ndaɗta ni sa ma li ganyamba u dlara co eg wayambi, suu li dla cora ko ndaɗta nana Bu Suuna hin kaasi ɓakŋa kasiya, ami dagi boy namma ki jew lay.

Boy Ma Ayra Ma LUK Ɓiirimma 23:40

Ma hiŋŋa hoŋom dira ɗaŋi ana, «Aŋ ka li ndaana ko Lonaɗi su? Aŋ ma wi hawra u nam dewna

SOOLLA 36:1

Soolla vi sa ma fok suu gi soollana, soolla vi David sa ma sun Lonana.

URA TIN AYRA 20:11

Abraham hoŋom dira ana, «An saa ay ana sa ma li ndaa Lona ka hu mbassa wandaɗi may ni, hin can ki kay caanda kalage.

GA 8ATAMBARA 18:10

Ka sa maa dukugi ɦal gorom ma njuf ɗowba ta tamara ŋgalaɗ ki a li ɓivunɗi, ka sa maa ɦal tam kay dlara kumuna, joɓ loogi suu ɦawana li dlara dawra li dukugiɗi.

EZAYI 57:3

Ҥuɗugi tagi ay tani agi goryoŋ suu li kumuna, agi njaf ma dalamba u suu gawlaŋina.

JEREMI 5:2

Asi ɓak coco, «U sem Yawe,» sun masira ki ni ɦawaa.

JEREMI 5:29

Ni an ka ndak a lasi dla cora egesiɗi su? Yawe di na. An ka ndak a sa sugulun u suu co suu ko asi nanaɗi su?

JEREMI 23:10

Hu mbassa suuna halaŋ mbuɗ ki suu li zoŋga, mbassa ka yoo taɗu kay dla cora oy ki huruɗu. Kaa ma ŋguy kadna hawaɗ ki wa. Asi ɓaɗ tasi kay a li dla cora, tasi tli feɗta kay dlara bay uɗta.

JEREMI 27:9

Agi may ni humugi vun suu jok vun Lo magisinaɗi, suu magi suu dandaɗi lay, suu magi suu joɓpaɗi lay, suu magi suu tin gariraɗi lay, suu magi suu li kumuna suu dagi ana agi hin ka hom yagi kaŋga fok mul ma Babilonnaɗina.

JEREMI 27:10

Dlara asi dagirara ki ni coo, asi min a ɦuɗugi ki eg ndaŋga magira day lay. Gasi an hin njayagi kiyo, agi hin miɗ kiyo.

JEREMI 42:5

Asi may ni hoŋ dira maŋ Jeremi ana, «Ko Yawe li ni sa ma a di kami gasi a fafaɗtana. Ami hin li ni ko boyna vi Yawe, Looŋŋa, dami ayra na.

HABAKUK 1:12

Ka ni aŋ ma ay hu ura tin ayra day a Yawenaɗi su? Loonna, saan ma teteɗna? Ami ka miɗ kiɗi, Yawe, aŋ tinimmi a kaɓakŋa, hinira, aŋ ɦaɗ saɓakŋa a gi humba kay ɗegeera.

ZAKARI 11:12

An dasi ana, «Li ni boy namma irigi jiviya ni, warakangi aya li kaɗi ni hinigina may.» Na may asi warakan ki silira dok hindi.

KALKIRA 20:7

«Aŋ yi sem Yawe, Lo maŋŋa, ɦawa na gorɗi kay Yawe kaɓakŋa kay suu yam sem gor gorna.

KALKIRA 22:20

Agi ka las ŋgay ma kaki varaginaɗi, kay agi ay ŋgayra hu Egipte ni na may.

GA 8ATAMBARA 15:13

Aŋ a buɗum ki vo varaŋga wanni aŋ ka gam u kom ma vadlnaɗi.

JOB 7:2

Ni ko ndal mbaɓuna yoo tam coli ii faɗta, hurum haɗ a kak u ŋgusnara na. Ko ndal sa ma li sunda ka juɓ warak mammara na.

JOB 31:12

Coonda ni ko ndal kura ŋgalla na. Ndaɗ ndak a ŋgalan ki naa gelek gelek, ɓalakan tlegeyen suu konna ki bel lay.

MALASI 1:6

Goona ŋga bumu, sa sunda ŋga malamma. Doli wani an li ni Buna ni ŋgara agi ŋgaanda ni arage? Li ni anni sa haɗagina ni humba agi humunda arage? Yawe, ma saɓakŋa kom belna, dagi na, agi li ɓivunna u tlesuu ɓeŋen sen kina. Agi hoŋdira ana, «Ami ɓeŋeŋ seŋ ki ni u mege?»