MALASI 3:3 - Boy Lonana

³ Nam hin kak kaŋga kay a yoo tusuna ki may, mbusum ki teteɗ may. Nam hin mbus goryoŋ Levina ki teteɗ. Nam hin ɦokosi ki ko ndal suuna ɦok doonora u lorra kira na. Suu may suu ɦam tlena a ɓivunna ko nam minda nana hin li ni suu vi Yawena.

MALASI 3:3 ပူးပေါင်းရင်းမြစ်များ

SOOLLA 116:17

An dan ɓivun ma ŋgaaŋŋa, an yi Yawe u semu.

SOOLLA 4:5

Lini agi li yaa ni lagi sulukgi. Saaragi hurugi kurufu kay liigi ma buuna, lakagi en.

SOOLLA 4:6

Lagi ɓivun ma ɗegeena, ɦagi tagi maŋ Yawe.

SOOLLA 50:14

Ɓivun ma agi lam maŋ Lonna ni ŋgara ŋgaamba, dlara aŋ di ki u vunuŋ ana, aŋ laɗ maŋ Lonara, aŋ laɗu.

SOOLLA 50:23

Sa ma ŋgaanna, lan unna ni ɓivun namma, sa namma an hin takam voɗta vi Lona ta suɗta.

SOOLLA 51:19

Ɓivun ma Lona minimma ni huruŋ ma haɗ kay cooŋgana, Lona, aŋ ka dik sa ma hurum haɗ kay coombana ki fafaɗ gawɗi.

SOOLLA 66:10

Lona, aŋ tukumi wa, aŋ yooromi ki ko suuna yoo doonora na.

VUN ŊGOLNA 17:3

Zul mayra veg doonora kaa. Caf mayra yoo lorra ka may, may Yawe dew ni sa ma gol huu suuna.

VUN ŊGOLNA 25:4

Lini aŋ yoo doonora kiyo ni, soɗoɗ yoo ki yoo ni, ndaɗ hin ki na teteɗ u taɗta.

EZAYI 1:25

Aŋ Yerusalem an hin mbuɗ konni kaŋu. An min mbuɗuŋ ki teteɗ ko kawi ma gam ay ki duk kura na. An min mbusuŋ zozoɗ maŋga ki halaŋ.

EZAYI 48:10

Gola an mbuɗugi ki teteɗ ni ka ko suuna yoo doonora naɗi, an mbuɗugi ni u lassa.

EZAYI 61:6

Agi tagira may ni suuna hin yagi ana, «Muli suu li ɓivunna vi Yawena.» Asi hin yagi ana, «Suu ŋgolo suu vi Loominana.» Agi hin ti begera vi njaf suuna ki halaŋ halaŋ. Agi hin ɦis tagi ki u tlegeyesiya.

JEREMI 9:7

Sinisi ni ko ndal sin mbuurura ci maɗna na. Asi ɓakŋi dlara ganyamba. U vunusi asi ɦal heɓpa maŋ suu poy u asina, na may hurusi kurufu ni asi minisi ni dawna kaŋga fokosi gunda.

EZEKIYEL 20:38

Suu may suu duu u anu, halan a yara dukugina, an hin dikisi kiyo. An dikisi ki hu mbassa asi ka huruɗ cemi wandara, duk suu asina ni sa dew lay ka hoŋ ay hu mbassa vi suu Israelnaraɗi. Ni agi hin wi ki ana anni Yawe.

DANYEL 11:35

Suu neey suu dukusina ɦiw asi hin casi kiyo, maɗ masina hin li ni a ɓivun ma mbuɗusi ki jivi teteɗna, mbuɗusi ki haɓpa ta ta hu buu ma daɓpa, kay nam hin tew ki ni buurum tuwa.

DANYEL 12:10

Suuna bolowo hin mbuɗ ki jiviya, hin mbuɗ ki haɓpa. Suu cona hin li ni dlaasira cora, sana dew lay hin ka wi u boy nammaɗi, suu neeyna hin hum u boy namma ni asiya.

Magaara Vi Sa Jok Vun Lona OZE 14:2

Hoŋ ay eg Yawe, Lookŋa, ndak, Israel, kay ana ni dla cookka gak kaŋga ni ndaɗu.

ZAKARI 13:9

Suu hin asina an tukusi u kura. An hin yoorosi ki ko suuna yoo doonora na, an hin yoorosi ki ko suuna yoo lorra na. Asi hin yan sen may, an hin humusi may. An hin di ana, «Ni suu mansina.» Asi hin di ana, «Loonna ni Yawe.»

NDUMBA 8:6

«Yow suu hu njaf Levina ki duk suu Israelna halaŋ, lasi ki teteɗ.

Boy Ma Ayra Ma LUK Ɓiirimma 3:16

Jaŋ dasi ana, «An mbusugi batemma ni u yona, sa ma mbay ŋgoron daganna ki suy kanu, an ka ndaki a buɗum zew ma fun tuɓuru mamma kiɗi. Nam hin mbusugi u Musuk Lonara u kura may.

ROMMA 12:1

Gorsenna, aygi wi ana Lona waygi hahaw maygira. Na ɗaŋŋi an joɓogiya, agi ɦal tagi ki ko ɓivun ma iirina na, ŋgomogi tagi maŋ Lona u dlara irim jivira, ni dlara jivira geleɗ Lona u ndaɗta.

ROMMA 15:16

Kay a kak sa sunda vi Yesu Kristu kay njaf suu ka Juifnaɗina, an lini u sunda ɦanda a di Boy ma Ayra vi Lona kira, kay a njaf suu daŋŋa mbuɗ ki va ma jivi ma Lona furi kamma, mbuɗ ki suu mam suu ndakina u saɓakŋa vi Musuk Lonara.

FILIPINA 2:17

Iiri manda ndak a wul fok ko va ma sana ɦan a ɓivunna kay viigira maŋ Lona na su? Lini a li ni na ni an hurun furi ɦay, furi man ndaɗta ni u agi halaŋ.

FILIPINA 4:18

An fi tlesuu agi sununsina ayna wa halaŋ su ni suy ɗow, cecemi Epafrodit mbaaran tlesuu agi sununsina ayna ni tlena ndakan ki wa halaŋ. Ҥal magira ni ko ɓivun ma his jivina ma Lona minim, irim jivina na.

2 TIMOTE 4:6

Lini anu ni faɗan ndak wa an min a ɦal tan ki a ɓivunna, buurun ma miɗna ndak wa.

TITTA 2:14

Nam ɦal tam ki ni kaygiya, a buɗuygi ki hu cora a suu mam suu pasiyakŋa mam nam dew a ay mba li ki feɗ tew tew kay li sunda jiviya.

HEBRENA 12:10

Somoyoygi suu kay ndaŋgarana gaɗaygi ni kay a kak njoka ɦawaa, ni kay dlara gol irisi jivira. Lona gaɗaygi ni kay jivira aygi hin faɗta, kay ana aygi mba taɓ u nam hu teteɗ mamba.

1 PIYER 1:7

las ndaɗta ni a tukugi saɓak viigira. Lorra ni vara daɓ kira asi ka yooroɗ u kura kay a mbuɗuɗ eŋe. Na may viigira ni su lorra, lassa lagira ni kay a tukugi ana ndaɗ coli eŋ su. Hu buu ma Yesu hin a mbana wanni hin geleɗegiya, ŋgaagiya, ɦagi ŋgolla.

1 PIYER 2:5

Ҥuɗugi tagi aya, agi may ni ko ɦini ma iirina na, hin a min zira kay Musuk Lonara ni u agiya. Agi hinni a suu teteɗ suu li ɓivunna maŋ Lona, ɓivun ma Lona minimma, nam irim jivira ni u Yesu Kristu.

1 PIYER 2:9

Agi ni njaf ma manam kina, suu li ɓivunna vi mul ŋgolna, deera teteɗta, suu vi Lonna. Managi ay kini a di ki kay sunda jivira vi Lona, taɗagi ay ki hu ndufunda a mbaaragi ki hu kiɗik mamba jivira.

WIRA ŊGAYRA 1:6

Nam laygi a mulla vi muli suu li ɓivunna kay sun Lona, Bumu. Ŋgolla u saɓakŋa maŋ Yesu Kristu a fafatɗa, Amin.

WIRA ŊGAYRA 3:18

An min neeŋu gus lor ay yoori u kura gaw, kay aŋ mba mbuɗ begee. Gus baraw ma haɓma a cuk taŋga siilira kay baa zolo maŋŋa. Gus guna kay iriŋu kay aŋ mbuɗ wiya.

WIRA ŊGAYRA 5:10

Aŋ mbuɗusi mulla ki masiya, asi mbuɗ a muli suu li ɓivunna vi Loomina, asi hin kak a mulina kay ndaŋgara.»