MALASI 3:15 - Boy Lonana

¹⁵ Cecem wanda, agi ndak li furira kay suu li dla cora, suu li dla cora zul ni zuli na ɗow ɗow, li ni asi ganyam Lona, asi hin suɗ ki lay.»

MALASI 3:15 ပူးပေါင်းရင်းမြစ်များ

ESTER 5:10

Hu li namma wanni Haman vi tam hin kal vo varamu. Nam hin sun hal banayamma ay u caamba, Zerses, olo.

JOB 1:22

Hu dla ndaɗta halaŋ lay ni, Job li suluk kaɗi. Nam ka tii u Lonaɗi lay.

JOB 12:6

Suu las ndarayasina laki hu ziisi ni u heɓpa. Suu ŋgel gaɗta vi Lonara laki ni u heɓpa. Gegelay ma mbuɗ tam ko Lona u saɓakamma ni ko ndaɗta na.

JOB 21:30

Hu li ma dlara hahawra mba wa ni suu cona suɗ kiyo, yara vi Lonara hinisi ni ka ŋgenesiɗi.

JOB 22:23

Lini aŋ hoŋ ay eg ma Saɓakŋa ni aŋ hin fi saɓakŋa. Ni aŋ hin dik dla cora ha ki hu ziiŋu.

SOOLLA 10:3

Sa ma cona ka ŋga tam kay godlom mamba, sa ma yow tlena vi suuna hin Yawe kiyo, ŋgulum lay.

SOOLLA 106:14

Ŋgoo bagi hu fulla ni hurusi gijaŋ saa kay tlena, hu li ma asi ki ŋgoona, asi gijaŋ tuk Lona u boyna.

SOOLLA 141:4

Hinin hurun a li dla coraɗi, ka an li ko suu ka wi Lonaɗina naɗi, a taɓ u suu li dla coraɗi, ka an jukusi dlaasira coraɗi.

SOOLLA 49:18

Kay hu li ma nam miɗna ni, ka tli va kom dewɗi, Bibiŋil mamba ka kal ga umbi lay.

SOOLLA 58:2

Agi suu ŋgolona, agi ka kaɓakŋa u voɗom su? Agi kaɓak ma vi goryoŋ suunana u voɗom wan su?

SOOLLA 73:12

Gola suu cona tew tew ka laki jiviya, bege masira zul ha ni, zuli na ɗow ɗow.

SOOLLA 73:3

Kay an wi suu li dla cora tuɗ jivira na ni hurun haɗ egesi cocoo.

SOOLLA 78:18

Asi tuk Lona u dlara, joɓ ana asi min a ti ni u min masira.

SOOLLA 78:41

Asi hal a tuk tasi u Lona, asi ɓeŋ hu ma teteɗ ma vi suu Israelna.

SOOLLA 78:56

Na lay ni asi hin gijaŋ a tuk Lona, ma ay kolo dayna, ka hum u dlara nam dasiraɗi.

SOOLLA 95:9

Hu li namma somoyogi hin voɗta jivira kiyo, mbuɗ a tuk Lona na ɗow, asi hin wan sun manda may.

VUN ŊGOLNA 12:12

Sa ma ka wi Lonaɗina ŋgiziɗ tlesuu suu cona ɦurumusi ayna. May ɗilira vi suu ɗegeena fi tlena aya.

DI BOLLA 8:14

Dlara ka li kay ndaŋgara tani u ŋga tara ka olo. Suu ɗegeena asi tokosi dlara vi suu conara ni kasi na ɗow. Suu cona asi hin ɦasi dlara vi suu ɗegeenara ki ni kasi na ɗow may. An di ki lay ana halaŋ ca ni ŋga tara ɦawaa.

EZAYI 2:22

Tin saa maŋga kay sanaɗi, musukka ni hu cinim tani ɦawaa, sana ni mege?

JEREMI 7:10

Hin hoŋogi ay mba col fokon hu zira sen ka ki kaɗ a di ki ana, «Ami ki suɗiya,» hin tuɗ fok u lira li dla cora na gak gak su?

DANYEL 4:30

Hu li namma gaw ni dla ndaɗta li ki eg Nabukodonosor. Asi dikim ki duk suuna. Nam ti haɗna ko mbutlina na, tam mbus ki u mbaɗagira huulonara ta ta, tlimiɗ yam si ko tlimiɗ ɓarawna na, liviɗ kom siira ko liviɗ layagina na.

DANYEL 6:16

Suu asina ɗaŋŋi mbay eg mulna zak dam ana, «Hum haa mulna, ni gaɗta vi suu Medena u Persena ana li ni mulna ɓii gaɗta wa ni, sa hin ka mbuɗuɗ ki oloɗi.»

MALASI 2:17

Agi loɓogi Yawe ki u ɓak magi ma bolowna. Agi di ana, «Ami loɓom ki ni u mege?» Dira agi di ana, «Gegelay ma li cora jivi ii Yawe, nam furi kay suu li ko ndaɗta nana.» Ɗowba agi di ana, «Lo ma min li ɗegeera arage?»

SUNDA 12:21

Fali taa dew Herod cuk baraw mam ma mulla, kak a di bolla maŋ suuna halaŋ.

SUNDA 5:9

Piyer daɗ ana, «Agi vagi vunugi a tuk Musukka vi Bu Suuna na ni amege? Ndak huma suu may suu ay pak njufukŋa mba wa fun zira tok, asi hin pak ndak may.»

1 KORINTNA 10:9

Tukuygi Bu Suuna u dlaraɗi, suu dukusi ɦiwni li na, guygina casi ki halaŋ.

HEBRENA 3:9

«Lona di ana ay hu li namma ni somoyogi ndemenu tukun u boyna lay. Asi wi sunda an laɗ u asi basara dok fiɗira ki jivi lay.

1 PIYER 5:5

Na may agi gorzoŋina humugi u suu ŋgolona, agi halaŋ cukugi lalamba kagiya kay a njun u tagiya tagiya. Kay ɓiira di ana, «Lona hurum ɓeŋ eg suu ŋga tasina, nam ɦal oo mamba maŋ suu hoŋ yasi gaana.»