MALASI 3:10 - Boy Lonana

¹⁰ Agi ɦagi yam tlena ki jivi ko an minda na ay hu zira tlena ka toki hura. Ko tlesuu tira li hu ziinda. Agi tukun ki u dla ndaɗta tuwa. Yawe, ma Saɓakŋa Kom Belna, di na. Lini an hin si yona kaŋga kagiɗi ni, lini an hin paɗ vunun ki kagi agi hin fi tlena ŋgollaɗi ni.

MALASI 3:10 ပူးပေါင်းရင်းမြစ်များ

MATIYE 6:33

Halagi Mul Lonara u ɗegee mamba jewe. Tlesuu hin halaŋŋa Lona hin ɦagisina.

SOOLLA 37:3

Ҥal taŋ ko Yawe, li jivira, kay a kak hu mbas maŋga, a nam goloŋ may.

GA 8ATAMBARA 28:12

Yawe hin sagi yoo lona varagi u tilim ma jivina tew tew hu mbassa agi cuki hura, paɗ vunum ki kay sun magira agi laɗta halaŋ halaŋ. «Agi hin ɦal tlena ki balna kay njaf suu daŋŋa cocoo, tagi agira may ni ka a tli va ay vi saɗi kama.

DLAŊ LEVIRA 27:30

«Keŋ ma doogona vi tlena halaŋ, wana, vuɗ ŋgusugina, halaŋŋi vi Yawe. Asina halaŋŋi tlesuu teteɗna maŋ Yawe.

NEHEMI 12:44

Hu buu namma ni njufiina tinisi ki a gol u zigini suu tlesuu hinisi ki a ɗokosi suu yowosi ay u nus vuɗ tlesuu jew nana a hin taa suu ay hu ɦoŋzi ma bagi ma ŋguy kay ɦoŋzinana ayra. Tlesuu gaɗta ŋgaasi ki maŋ muli suu li ɓivunna u suu Levinana. Gasi daŋ may ni Yuda li furira kay muli suu li ɓivunna u suu njun suu Levi suu ka li sundana.

NDUMBA 18:21

Yawe di ana, «Gola goryoŋ Levina an ɦasi keŋ ma doogona ma suu Israelna taaram ayna ni masi halaŋ, ni a warak masina kay sunda asi ka laɗ hu Mbutluɓ ma Tokkana.

DLAŊ LEVIRA 26:10

Wa ma gasamma bay daɓ tira tu may ni agi gijaŋ feɗ ni ma cukunina gaw. Agi hin cuk ma basina ki ga a hal lina kay ma feɗem ay wilina.

2 MULINA 7:2

Sa ma mulna tuɗ jik tam u namma di sa jok vun Lona ana, «Lini Yawe co ay ni huulona na gaw lay ni, dlara aŋ njaɗaɗ wanda ndak a li su?» Elize hin dam ana, «Jiviya aŋ hin wi dla ndaɗta u iriŋu may ni, aŋ ka hin ŋgen tle asina funuŋgi.»

2 MULINA 7:19

Sa ma mulna jik tam kolo u namma cam wayra ana, «Lini Yawe co ay ni huulona lay ni dla ndaɗta ndak a li vini su?» Elize hoŋom dira ana, «Aŋ hin wi dla ndaɗta ki u iriŋu, may aŋ ka ŋgen va funuŋgi kama.»

Magaara Vi Sa Jok Vun Lona AGE 2:19

Na ni ii wa ka kaŋga hu veena ko su? Gugutlura lay, tulumma lay, conora lay vuɗ ka na ndeɗi. Hu buu ma karamma an hin paɗ vunun ki kasiya.»

NEHEMI 13:5

Nam min zira ŋgolla. Asi ay jew cuk tlesuu ɦasi ki ɦalla ɦawarana huwa, mbitla, tlesuu sunda, nus fuɗ wa ble ma doogona, sum veŋ ma wilina u mbulna suu ɦal voɗta ki kasi maŋ muli suu li ɓivunna, suu gi soolla u suu kak fun zira u tlesuu yowosi ay maŋ muli suu li ɓivunnana lay.

NEHEMI 12:47

Gegelay ma Israelna hu cokira vi Zorobabel u Nehemira ɦal tlesuu ɦasi ki maŋ suu gi soolla u suu kak fun zira hu buuna tew tew, tlesuu hini ki maŋ muli suu li ɓivunna, suu Levina ɦal tlesuu hinisi ki maŋ muli suu li ɓivunna, goryoŋ Aaronna may.

URA TIN AYRA 7:11

Coki mayra Nowa basaɗam li ki kis kis karkiya, buuna doogo yam kiɗisiya ni hu til ma mbana, mbo ma ay hu zulla ŋgollana mun ay ki kolo, ma ay kolona mun ay ki may. Mbona ay ki hu lina halaŋ.

DI BOLLA 11:3

Hu li ma Lona tin wa ni nam si mbona. Lini ŋgus ŋgolna bow kaŋga ni mbayaw ɗowba daliya ni li ma nam bow huna nam hin gi ni huwa.

1 DLAŊ MULINARA 26:20

Suu Levi suu ɦiw u gorsesina yasi ki kay a gol u tlesuu hu Ziŋ Lonara u tlesuu li ɓivunna.

DLAŊ LEVIRA 26:3

«Lini agi li u gaɗ manda, lini agi humun kaɓak manna jiviya,

GA 8ATAMBARA 12:6

Hu li namma agi hin li ɓivun ma ŋgalam ki ŋgalina, li ɓivun ma min duk ɦoŋga, ɦal yam tlegeyegi suu agi feɗesina ki maŋ Lona, li ɦal mayra aŋ ɦal u min maŋgara, ɗowba li dlara aŋ suu taŋ kaɗ a laɗta kiyo, ɦal gor yoori suu vuɗ fok jewna ki maŋ Lona, mbutlina, timigiina u ɦugunina lay.

GA 8ATAMBARA 14:22

Hu basara halaŋŋi agi ɦal yam tlesuu agi zaarasi gana kiyo.

GA 8ATAMBARA 14:29

Na ni suu Levi suu mbas masi kaɗina mbaya, koyogi suu cuki dukugina u gor suu kuyuna mba tiya hoɓ hayasi ki u min masira, u boyogi suu donona may, ni kay a Yawe Loogina paɗ vunum ki kagi hu sunda agi laɗta halaŋ.

SOOLLA 78:23

Nam di ha kolo maŋ ɗugulla, huulona mal ay kiyo.

EZEKIYEL 34:26

Hu mbas ndaɗta u ɦini mayra ŋguy kay mbas ndaɗtara halaŋ, an hin paɗ vunun ki kay li namma. An hin si mbo lona u voɗom lay, hin li ni mbo lo ma vunna ki paɗi kamma.

EZEKIYEL 44:30

Yam tlesuu jivi suu asi ɦasi ay ki maŋ Lonana halaŋŋi masiya. Yam wa ma ne ki fok jewna, yam tlesuu daŋŋa halaŋ, suu agi yowosi ay ki duk tlegeyegina halaŋŋi maŋ muli suu li ɓivunna, yam fuɗ magira jivi ɦayra agi ɦaɗ ki maŋ muli suu li ɓivunna kay a paɗvun ma heɓpa li kay ziigiya.

Magaara Vi Sa Jok Vun Lona OZE 2:21

An hin vi banara u ndakŋi a fafaɗta. An hin vak banara ni anu, u jivira, ɗegeera, minda mintara cocora.

JOEL 2:19

Yawe hoŋ dira maŋ suu mamsina, «Na ɗaŋ, an ka ɦagi wana haa, summa u mbul ma heɓma, agi hin hoɓogiya. An hin ka mbuɗugi ki zolo duk suuna a fafaɗtaɗi.

JOEL 2:24

Lina hin oy ki u wana, summa u mbul ma heɓma hin sulul ki kaŋga fun doyogina.

URA TIN AYRA 28:22

Ҥinira an coloɗ wanda hinni a ziŋ Lonna. An hin ɦaŋ keŋ ma doogona u tlesuu aŋ ɦansinana halaŋ.