MALASI 2:8 - Boy Lonana

⁸ Agi may ɗaŋŋi viɗigi ki wa. Agi viɗ suuna u haɗ magira cocoo. Agi ɓeŋegi banara vi Levira ki wa. Yawe, ma saɓakŋa kom belna, di na.

MALASI 2:8 ပူးပေါင်းရင်းမြစ်များ

2 MULINA 16:11

Mul ma li ɓivunna min otel ko ndal haɗta col ay hu Damas ndaɗta na may. Ko ndal mulna Ahaz damba na. Li dla ndaɗta li ni jew mulna hu li ma nam ha hu Damas bay mba tuna wanna.

NEHEMI 13:29

Humuŋ gaŋ kasiya, Loonna, kay ana asi mbuɗuŋ sunda li ɓivunnara ki njenjera, u galamba vi muli suu li ɓivunna u suu Levina.

SOOLLA 119:102

An hiniŋ boy maŋ ma aŋ damma ka kiɗi, kay aŋ taŋga haɗanni aŋu.

SOOLLA 18:21

Yawe lan na ni u ɗegee manda, nam warakanni kay kon li va ma co kaɗi.

VUN ŊGOLNA 12:8

Suuna ŋga ni sa ma li dlara jivira. Sa ma saaram ka ɗegeeɗina sa ka dam dlaamba jiviɗi.

EZAYI 30:11

Calaɗagi voɗta kiyo, ɦuɗugi ki day eg voɗta, dami boy ma Teteɗ ma vi suu Israelna naɗi.»

EZAYI 59:13

Ami ŋgeleŋ vunuŋu, Yawe, ami ɓakaŋ dlaŋ ki cora, ami min ka a tuɗ uŋ aŋ Loominaɗi, ami ɓakŋi dlara ciwayra u aŋga, hiniŋ ha ki na day. Dlara ka hurumira u dlara ami saaraɗta halaŋŋi kaboyna.

EZAYI 9:16

Kay ndaɗta Bu Suuna ka wasi hahaw gorzoŋi masisinaɗi. Nam ka wi hahaw gor suu kuyuna u boyogi suu donoraɗi lay, kay asi halaŋ ka wi Lonɗi, ka li dla jiviɗi lay, vunusi halaŋ njaɗ ni dlara giniŋga. Na lay ni Bu Suuna hurum heɓ ka eg suu Israelna tuɗi, kom ka ki maɗii a lasasira tuwa.

JEREMI 17:13

Saara vi Israella ana Yawe, suu noyoŋ kina halaŋ zolona casiya. Suu ɦuɗ tasi ki egenna dlara vasi wa, kay ana asi noy ki ni voɗ mbo ma iirina ni Yawe.

JEREMI 17:5

Yawe ɓak anaba, cora ka kay sa ma tin saaram kay suu miɗ kina, saɓak mamma ni tliwim ma egemma, hurum ki day eg Yawe.

JEREMI 18:15

Suu mansina maaran kiyo, tuɗ ŋgal ɓivunna ki maŋ suu sunusi kaɗina, suu daɓasi sesi eg guna hu voɗta lay, hu voɗta vi somoyosi ta jew dayra. Asi tli voɗ ndaɗta may, voɗ mayra huruɗ ka jiviɗira.

JEREMI 2:8

Muli suu li ɓivunna ka di ana, Yawe ni arageɗi? Suu ka u saɓak ma vi Lonana kosina ka wanɗi. Suu taa suuna mbuɗ yara u anu. Suu jok vun Lona ɓak ki ni u sem Baal. Asi liŋŋi u suu sunusi kaɗina.

EZEKIYEL 22:26

Muli masi suu li ɓivunna ɓalakan gaɗ manda kiyo. Asi mbuɗun tlegeyen suu teteɗna ki njenjera. Asi ka ɓorow ii tlesuu teteɗna ki u tlesuu ɦawanaɗi lay. Ka ɓorow teteɗta ki u njenjeraɗi. Asi dug irisi ki kay buu ma vi Lonna, mbuɗum ki dukusi lalassa.

EZEKIYEL 44:10

«Kay suu vi Levi suu noyon kina, ɦal ŋgorsi ki manu u suu daŋ suu Israel lay, mbuɗ irisi a goɓ fuli magi suu ɦawana, suu asina halaŋ hin fi warak ma kay dlaasira co ndaɗta may.

EZEKIYEL 44:12

Asi ni suu gijaŋŋa a goɓ fuli magi suu ɦawana jew suu Israelna ni asiya. Kay ndaɗta asi cuk suuna halaŋ hu dlara cora ni asiya. Kay ndaɗta an Bu Suuna, Yawe, tli kon kolo suu tan ana asi hin fi ɓak ma cona kay dlaasi ndaɗta.

EZEKIYEL 44:7

Agi cukugi koyogi suu ɗiwisi bay cawra kalafi hu Ziinda mbuɗungi Ziinda ki njenjera. Agi ɦangi tiinna, mbulna u busuna kiyo ana, galam manda u agira ɓalak kiyo. Ni u dla coogira agi laɗ zeɗ zeɗta.

Magaara Vi Sa Jok Vun Lona OZE 4:6

Suu mansina lay hin mbuɗ ka ɓakgi, ni cora kay asi ka wi dlaɗira, kay ana asi zuɗ wira wi dlara kiyo an hin zuɗuŋ ha kiyo. Aŋ hin ka li a mul man ma li ɓivunna oloɗi, aŋ maa gaɗta vi Looŋara kiyo, an may ni hin maaraŋ goryoŋ kiyo.

DLAŊ LEVIRA 21:15

Kay ana nam ka vuɗ njaf ma daŋŋa vo varam a mbuɗ njafam ki njenjeɗi kay mbuɗum ki teteɗ ni an, Yawe.»

SOFONI 3:4

Suu maɗ suu jok vun Lona ni suu ŋga tasina, suu kulla lay. Muli maɗ suu li ɓivunna mbuɗ tlesuu li ɓivunna ki njenje lay.

MALASI 1:6

Goona ŋga bumu, sa sunda ŋga malamma. Doli wani an li ni Buna ni ŋgara agi ŋgaanda ni arage? Li ni anni sa haɗagina ni humba agi humunda arage? Yawe, ma saɓakŋa kom belna, dagi na, agi li ɓivunna u tlesuu ɓeŋen sen kina. Agi hoŋdira ana, «Ami ɓeŋeŋ seŋ ki ni u mege?»

MALASI 2:5

Bana manda u namba ni iirira u heɓpa, kay an ɦamsina u ndaa ma lam unna a humum gam kanda. Fokon na ni nam mbuɗ ki ndaana.

NDUMBA 25:12

Ni na ɗow aŋ dam ana, gola cemi ni an ɦam galam manda wa, ni u heɓpa.

NDUMBA 25:13

Heɓ ndaɗta ni mamu, maŋ njafam ma ka daganna lay. Galam ndaɗta njunusi a li sunda ɓivunna a fafaɗta kay ana nam tak yaamba ki kay Loomma, nam li dlara mbus cora vi suu Israelna kira.»

ROMMA 14:21

Va ma jivina ni aŋ kom tliwnaɗi, ci summaɗi noy tlesuu puk wayaŋŋa kaŋgana ki halaŋ.

HEBRENA 3:12

Gologi tagi jiviya gorsenna a sa dukugi mba li hurum coo, bay vira a hin Lona ma irina kiɗi.

1 SAMUEL 2:17

Suluk ma vi gorzoŋinana ŋgolla fok Yawe kay ana suu asina ɓeŋ ki ni ɓivun ma vi Yawena.

1 SAMUEL 2:24

Seŋegiya goryonu, dlara an humuɗ suu vi Yawena ɓakaɗ kagira ka jiviɗi.

1 SAMUEL 2:30

Ni kay ndaɗta Yawe Lona vi suu Israelna di ana, gasi an di ana, ziiŋu u ziŋ buŋŋa hin tuɗ fokon a fafaɗta. May cecem wanda Yawe gasi vunna. An tli yam suu ŋgaana kolo may, suu ka mininɗina hin ndi duk dla cora.