MALASI 2:7 - Boy Lonana

⁷ A gasira ni sa li ɓivunna ni sa wi dlara, suuna hum boy ma gaɗ tasina ni funumu, kay ana nammi sa vun sunda vi Yawe ma Saɓakŋa Kom Belna.

MALASI 2:7 ပူးပေါင်းရင်းမြစ်များ

2 MULINA 16:11

Mul ma li ɓivunna min otel ko ndal haɗta col ay hu Damas ndaɗta na may. Ko ndal mulna Ahaz damba na. Li dla ndaɗta li ni jew mulna hu li ma nam ha hu Damas bay mba tuna wanna.

2 MULINA 16:16

Mul ma li ɓivunna, Uriya, li tlena halaŋŋi ko mulna Ahaz damba na may.

2 DLAŊ MULINARA 30:22

Boy ma vi Ezekiyasna kal huu suu vi Levina jivi cocoo. Asi ɦal tasi ki u furira maŋ Yawe. Asi li luuna ta ta buuna kiɗisiya, li ɓivun ma mbaa heɓpa u gi deɓpa maŋ Yawe, Lo ma vi somoyosina.

2 DLAŊ MULINARA 31:4

Mulna ɦal voɗta maŋ suu hu Yerusalemma a asi ɦal tlesuu gaɗta di kasi a ɦasi maŋ suu vi Levina u muli suu li ɓivunnana ki jiviya kay a asi ndak ɦal tasi ki kay sunda ɦasira kosira ko gaɗta vi Yawera dira na may.

EZDRAS 7:10

Ezdras gasi daŋ may ni ɦal hurummi a hal gaɗta vi Yawera, a takaɗ ki kiɗik, li uɗ may, a haɗ gaɗta u dlara jewra vi suu Israelnara.

EZDRAS 7:25

Kaŋ aŋ Ezdras may ni u yal ma vi Looŋŋa ma ka koŋŋa aŋ tin suu kaɓakŋa u suu gi ii dlara maŋ suu keŋ lum ma Efratna u fiɗigina halaŋ, maŋ suu wi gaɗta vi Looŋŋara, agi hin haɗaɗ ki maŋ suu ka waɗɗina lay.

VUN ŊGOLNA 5:2

A aŋ li ni sa ma ɗilina, vunuŋ di ni dlara jivira yalna.

DI BOLLA 5:5

Hin vunuŋ a vaŋ u ɓakŋaɗi. Ka aŋ di maŋ sa vun sunda vi Lona ana, «Boy maŋ namma ka jiviɗi» naɗi. Kay Lona hurum hin ɓeŋ kay boy ma aŋ dam namma, ɓalakaŋ sunda aŋ laɗ u bik koŋga kiyo.

EZAYI 42:19

Sa ma ay dugina ni gege, ni ka saan ma sundaɗi su? Na daŋ may sa ma ŋgeli ko saan ma vun sunda na kaɗi, sa ma dugi ko saan ma vun sunda na kaɗi, sa ma ŋgeli ko sa sunda vi Yawe na kaɗi.

EZAYI 44:26

An li u boy ma vi saan ma sunda, suu a dan vun sun mandana an njunusi a ndaɗ di ki u voɗoɗu. An di zi ma Yerusalemma ana, nam coli kolo balamamu. Zi ma Yudana an dam ana, ko nam hoŋ ki kolo minda suuna cuk huwa. Tlesuu ay ki hawaɗina an hoŋosi minda hu balamasiya.

JEREMI 15:19

Na ɗaŋŋi Yawe ɓak anaba, lini aŋ hoŋ aya, an hoŋoŋ ay wa ni, aŋ hin col fokonu. Lini hu li ma ɓak dlara feɗta aŋ ɓakŋi dlara ŋgolora ni, vunuŋ hin mbuɗ ki ni manna. Asi hin hoŋ ay egeŋu. Aŋ may ni hin ka hoŋ ha egesi na ɗowɗi.

JEREMI 18:18

Asi di ana, «Tuɗuygi halaygi dlara eg Jeremi. Aygi hin faygi boy ma jivina fun muli suu li ɓivunna, faygi gaɗta fun suu wi yal dlara, faygi boyna fun suu jok vun Lona. Tuɗuygi ɓeŋeygina ki u boy ma cona, tiniygi yaygi kay boy mammaɗi.»

JEREMI 2:8

Muli suu li ɓivunna ka di ana, Yawe ni arageɗi? Suu ka u saɓak ma vi Lonana kosina ka wanɗi. Suu taa suuna mbuɗ yara u anu. Suu jok vun Lona ɓak ki ni u sem Baal. Asi liŋŋi u suu sunusi kaɗina.

EZEKIYEL 22:26

Muli masi suu li ɓivunna ɓalakan gaɗ manda kiyo. Asi mbuɗun tlegeyen suu teteɗna ki njenjera. Asi ka ɓorow ii tlesuu teteɗna ki u tlesuu ɦawanaɗi lay. Ka ɓorow teteɗta ki u njenjeraɗi. Asi dug irisi ki kay buu ma vi Lonna, mbuɗum ki dukusi lalassa.

EZEKIYEL 7:26

Dlara hahawra u yoora zul ha kay taɗ ni zuli na ɗow ɗow. Boy ma wanna mba na ni, ma hiniŋŋa ay dagan gaw. Asi hin joɓ dlara ha fokka ko sa ma jok vun Lona. Muli suu li ɓivunna gaɗta vi Lonara viɗ ki irisi lay. Sa ŋgol ma gaɗ kemba ka oloɗi lay.

DANYEL 11:33

Suu may suu neey dukusina hin haɗ suuna bolow cocoo, may asi hin casi ki u ŋgewegina, ŋgalasi kiyo, hin cuk suu ɦiw daŋgayna, ɦurumusi tlegeyesi ii buu ca lay.

Magaara Vi Sa Jok Vun Lona OZE 4:6

Suu mansina lay hin mbuɗ ka ɓakgi, ni cora kay asi ka wi dlaɗira, kay ana asi zuɗ wira wi dlara kiyo an hin zuɗuŋ ha kiyo. Aŋ hin ka li a mul man ma li ɓivunna oloɗi, aŋ maa gaɗta vi Looŋara kiyo, an may ni hin maaraŋ goryoŋ kiyo.

DLAŊ LEVIRA 10:11

Haɗ suu Israelna ki halaŋ kay dla mayra Yawe daɗ ka maŋ Moizza.»

SOFONI 3:4

Suu maɗ suu jok vun Lona ni suu ŋga tasina, suu kulla lay. Muli maɗ suu li ɓivunna mbuɗ tlesuu li ɓivunna ki njenje lay.

Magaara Vi Sa Jok Vun Lona AGE 1:13

Age sa sunda vi Yawe di boy ma Yawe dammana maŋ suuna. Yawe di ana, «An ka u agiya.»

ZAKARI 7:3

A joɓ muli suu li ɓivunna hu Zira vi Yawe ma Saɓakŋa Kom Belna u suu jok vun Lonana ana, «An tii ni tiiri hu til ma vadlna doo tan ki kay tlena ko an li dla ndaɗta ay ki jew basara bolowra na su?»

MALASI 3:1

Gologiya, an sun saan ma vun sunda ha wa. Nam hin minin huu voɗta ha ki fokonu. Toŋgo zak gaw ni nam hin kal hu ziimba, malaŋ haɗta ma agi halamma, sa sunda ma banara ma minimma, gologiya, nam ka mbaya, Yawe, ma saɓakŋa kom belna, di na.

NDUMBA 27:21

Nam col fok mul ma li ɓivunna Eleazar, nam joɓom minda vi Yawe kam u va ma yam ana Urimma u min ndaɗta asi ndak cuk ki bunsu lay, hoŋ ay kalafi lay, nam u suu Israelna halaŋ.»

Boy Ma Ayra Ma JAŊ Ɓiirimma 13:20

An dagi ha ni gasagi ana, Sa ma vi sa ma an sunum hana varam wa ni, van ni an may. Sa ma van varamma vi ni sa ma sunun ayna may.»

Boy Ma Ayra Ma JAŊ Ɓiirimma 20:21

Yesu hoŋosi dira olo ana, «Heɓpa kak u agiya, ko Bun sunun ay na ni, an sunugi ni na may.»

SUNDA 16:17

Ndaɗ gi taɗ umiya sawalla ana, «Suuna wanni suu sunda vi Lo ma kolo dayna. Asi dagi boyna ni kay voɗta tuɗugi hu suɗta.»

2 KORINTNA 5:20

Ami varak balam Kristu a di boyna ko Lona u tamba yagi funumira na. Ami cenegi u sem Kristu hinigi taɓ duk hoŋogi u Lona.

GALATENA 4:14

Tanda tuguɗira ay egegi ni ko tukka na. Lay ni agi ŋgulun kaɗi, noyon ka kiɗi lay, agi hin van varagi ni ko sa sunda huulona na, ko Yesu Kristu u tamba na.

GA 8ATAMBARA 21:5

Muli suu li ɓivun suu goryoŋ Levina ɦuɗ tasi ha eg mbutla, kay asi ni suu Yawe Loogina manasi ki a li sunda, a paɗ vunusi ki kay suuna u sem Yawena. Asi ni suu ka ii dlara ci wayra u dlara fi mbilna vora kina.

GA 8ATAMBARA 24:8

Lagi tagi jivi kay dla tuguɗi busuna, agi mba saaram ki jivi cocoo, hin lagi u dlara muli suu li ɓivun suu vi Levina haɗagira ay kayamba jivi may, agi mba li jivi u dlara an dasira ayra.

1 TESALONIKŊA 4:8

Sa ma hum ka u boy namma ɗina, hum kaɗi ni vun saɗi, ni vun Lona ma ɦagi Musuk mambana.

1 SAMUEL 2:17

Suluk ma vi gorzoŋinana ŋgolla fok Yawe kay ana suu asina ɓeŋ ki ni ɓivun ma vi Yawena.