MALASI 2:17 - Boy Lonana

¹⁷ Agi loɓogi Yawe ki u ɓak magi ma bolowna. Agi di ana, «Ami loɓom ki ni u mege?» Dira agi di ana, «Gegelay ma li cora jivi ii Yawe, nam furi kay suu li ko ndaɗta nana.» Ɗowba agi di ana, «Lo ma min li ɗegeera arage?»

MALASI 2:17 ပူးပေါင်းရင်းမြစ်များ

EZAYI 43:24

Agi gus tlesuu his jivina u begera ŋgolla na ni ka manɗi, agi ka hoɓ u his mbul yoori magi suu ŋgalasina ni ka anɗi lay. Ni na ɗow u dlaagira cora agi mbuɗunni a mbaɓu magina, agi loɓon tan ki u ci maɗ magina.

SOFONI 1:12

Hu buu namma wanni an hin hal huu zi ma Yerusalemma ki u kura konu, an hin kaɓakŋa kay suu kak hu li ma didiŋga ɓak tasi hurusi kurufu ana Yawe hin ka a li va ma jiviɗi lay, ka a li va ma coɗi lay.

DI BOLLA 8:11

Kay ana dla cora sa ka ɓakaɗ ki na zakgi. Huu goryoŋ Adamma oyra ni u dla cora.

AMOS 2:13

Gologi an ka tuɗ ha a cagi ki eg liigira, ko ndal pupus ma nekka hurumma to tlena kira na.

EZEKIYEL 16:43

Kayra humuk gak ka kay buu ma ndak ay u way takŋaɗira. Ndak hin li ni dla cora egen na ɗow. An may ni hin hoŋok dla cook ndaɗta ni duk yak may. Di ni Bu Suuna, Yawe. Na ni ndak li dlara zozoɗ ndaɗta ka gasi kay dla cora ndak laɗ wandaraɗi su?

EZEKIYEL 8:12

Nam dan ana, «Goŋ sanna, aŋ wi wa su? Gola ni dlara suu ŋgolo suu Israelna ka laɗ ki ŋgay gumunda, gegelay ka hu zira fuli mamma ka hura. Asi di ana, Yawe ka ndak a wamiɗi, Yawe noyomi mbas mamira ki wa.»

JEREMI 15:6

Ndak noyon ki ni ndaku. Yawe di na. Ndak ɦan ŋgorok wa, an tli kon kolo kak a cak ki ni na may. An ɦuɗ buuna fok ŋgol cocoo.

EZAYI 30:18

Na may Yawe ka juɓmi buu ma nam a li oora kagina. Nam hin col kolo tak oo mamba kiyo, kay Yawe ni Lo ma ɗegeena. Furira ka kay suu tin hurusi kamma.

EZAYI 7:13

Ezayi hin dam ana, Humugi haa, agi njaf ma vi Davidna. Agi gol ana agi loɓ suuna na ni irigi ni ew su? Agi min a loɓonni Loonna lay su?

EZAYI 1:14

Hurun ka min luu magi ma vun tilna u tok magiraɗi, asi mbuɗ kanni ko nekka na, an loɓ wa, ka ndak a ziirisi oloɗi.

JOB 36:17

Lini aŋ tuɗ fok u huu ma cona eg Lona ni, ɓakŋa vaŋ wa.

JOB 34:17

Sa ma ka ŋgaf u dlara ɗegeeraɗina ndak a ti mul su? Aŋ hin ndak a kaɓakŋa kay sa ma ɦizi ma ɗegeena may su?

1 SAMUEL 2:3

Hoŋogi dlara bay uɗta na hoŋ hoŋgi. Ko boy ma cona kal ay ki funugiɗi. Yawe ni Lo ma wi dlara. Nammi sa ŋga nek dlara.

MALASI 3:8

Sa warna ndak a ganyam Lona su? Agi ganan yanu. Agi di ana, «Ami ganaŋ yaŋŋi u mege?» Ҥalla ɦal yam tlena u tlege suu ɦasi ɦawana.

MALASI 2:14

Agi di ana, «Ni kay mege?» kay ana Yawe ay ka coli duk ɦoŋogi u caaŋga u zoŋoŋga ta ɓeŋeɗ kira. Doli ndaɗ ay u aŋ a mbara ni ndaɗu, ta aŋ ŋgaɓaɗta.

EZEKIYEL 9:9

Nam dan ana, «Suluk ma vi suu Israelna u suu Yudana kal ki saɓakiya, mbassa ki oy u busuna cocoo, ɦoŋzi ma ŋgolona halaŋ ki hoɓi u dla cora. Kay asi ka di ana, Yawe noy mbas ndaɗta ki wa, nam ka ndak a waɗ oloɗi.

JOB 34:36

Kay ana nam di ni boy ma vi suu vi vunusi a li dla corana. Nam min ana tukka ndaɗta tuɗ ta ta hu daɓ maɗta.

GA 8ATAMBARA 32:4

Nammi Ҥinina, sun mamba halaŋ u voɗoɗu, Voɗ mamba tuɗta halaŋŋi ɗegee. Ni Lo ma ɗegeena, dlara guni ka hurumbi. Nammi gasi u ɗegee.

JOB 9:24

Nam hin duliyara hu dla cora. Nam dug ii suu kaɓakŋa ki kay dlara. Lini Lona li dla ndaɗta ka nambi ni sa ma hin laɗna ni ge ologe?

EZAYI 29:15

Hahawra ka kay suu ŋgay dlaasira fok Yawena, suu li sun masira duk ndufundana, saa ana sa ma ndak waygina ni gege? «Sa ma wi dlara aygi laɗta ni gege?»

EZAYI 43:22

Bu Suuna di ana, agi yan sen ka hu cen magiraɗi, agi suu Israelna njaf Yakob, agi cen ka kanɗi, dlara agi laɗta halaŋ laɗ ka u senɗi.

JEREMI 17:15

Asi dan ana, «Boy ma vi Yawena ni ara ɗaŋge, nam tak tam kiyo.»

JEREMI 44:22

Yawe ka a siɓ dla coogira agi laɗta oloɗi. Na may mbas magira mbuɗ ki ni sene ma jona. Li ma kiɗik kiɗik ma hahawra. Nam mbuɗ ki ni li ma suuna gi vunna maŋ tasi u namma. Suu hurumma casi ki halaŋ halaŋ. Gasi ni dlara ka cecem wanda.

EZEKIYEL 18:25

Agi hin di ana, Voɗta vi Bu Suunara ka jivi oloɗi. Humugi haa, agi suu Israelna, voɗ manda ka jiviɗi ni ndaɗ na ɗow su? Voɗ magira ka jiviɗi ni ndaɗ na ɗow.

JEREMI 12:1

Aŋ, Yawe, aŋ ɗegeere. Na may an min ɓak u aŋ nde. Gasi, an min ci wayra u aŋ kay dla taa ɦiw. Ni kay me suu dlara vasina dlaasira li eg liiɗ ni ge? Ni kay me suu ci suuna suu dlaasi cona kaki u heɓpa ni ge?