MALASI 2:11 - Boy Lonana

¹¹ Yuda ɓeŋ boyna kiyo. Dla cora mba hu Israel hu Yerusalem lay. Gasi Yuda ɓeŋ li ma teteɗ ma Yawe, hurum haɗ kam ɦayna ki u ɗumba nam ɗum goŋ loogi suu daŋŋara.

MALASI 2:11 ပူးပေါင်းရင်းမြစ်များ

EZDRAS 10:2

Na ɗaŋŋi Sekaniya ma goŋ Yehiyelna maa dew duk goryoŋ Elamma ɓak Ezdras ana, «Ami mbuɗ ki cora ii Loomina ni u ɗumba ami ɗum boyogi suu koyogina duk suu hu mbassanara. Na may kay dla ndaɗta saara jivira ka kay Israel,

EZDRAS 9:12

Cecem wanda agi ɦasi gorɓii magisina maŋ goryosi oloɗi, agi ɗumusi gorɓii masisina maŋ goryogi oloɗi, halagi a fasi jivi masira u heɓ masiraɗi, a agi mbuɗ ki saɓakŋa, tagi begera hu mbassara, hinisi asi yowogi goryogi a fafaɗta.

SOOLLA 106:28

Olo, asi gijaŋ goɓ kaŋga fok Baal Peor, asi ti ɓivun ma lam maŋ suu miɗinana.

JEREMI 2:3

Israel ni va ɗogom maŋ Yawe na. Vuɗ tlesuu jew suu ɦamsina mamma, gegelay ma tasina dla cora famu, dla cora mbay ŋgafamu. Yawe di na.

JEREMI 3:10

Dla ndaɗta li na lay ni, wayaɗta, Yuda ta kaboyna, hoŋ ay egen ka u huruɗɗi. Hom maɗta ni kaboyna. Yawe di na.

JEREMI 7:10

Hin hoŋogi ay mba col fokon hu zira sen ka ki kaɗ a di ki ana, «Ami ki suɗiya,» hin tuɗ fok u lira li dla cora na gak gak su?

EZEKIYEL 18:13

Nam ndi tlena ki kay suuna ni a mbona, ndi tlena ki cocoo. Nam ka iiri may, hin ka kak iiri ta taɗi. Nam li dlara ka u voɗoɗira cocoo. Na daŋ may nam hin miɗa. Busuɗum hin hoŋŋi kamu.

EZEKIYEL 22:11

Suu daŋŋŋa buu u boyogi suu vi ndaryasinana. Suu ɦiw ni buu u boyogi suu vi goryosina. Suu daŋŋa buu u gorsesi suu vi busi suu tamagina.

Magaara Vi Sa Jok Vun Lona OZE 6:7

Asi may ni, ko ndal suuna calaɗ kay vi vunnara na, gola ni boy ma asi gan un ki u namma.

DLAŊ LEVIRA 20:26

«Lagi tagi ki man teteɗ. Kay an tanda, Yawe, an ki ni teteɗ. An tinigi ndalagi ki duk suuna zeɗ kay ana agi li ki ni manu.

MALASI 1:1

Di boyna. Boyna vi Yawe dam maŋ Israel ay fun Malachie.

GA 8ATAMBARA 14:2

Kay agi ni suu may suu ki tini zeɗ maŋ Yawe Looginana. Agi ni suu Yawe managi ki mam a suu mamsina kay tamma, duk njaf suu kay ndaŋgarana halaŋ halaŋ.

WIRA ŊGAYRA 21:8

Kay suu may suu maŋina, u suu bay ɗegeena, suu li dlara njenjera, suu ci maɗna, su li zoŋga, suu kumuna, suu goɓ fulina, u suu ka boyna, liisi ma kakŋa hin lini duk mbo lum ma ŋgal kura u suufra, ni miɗ ma mbana.

SUU KAƁAKŊA 3:6

Asi ɗumusi goryosiya, asi ɦal goryosi masi may. Asi sunusi loogi masisina may.