MALASI 2:10 - Boy Lonana

¹⁰ Aygi halaŋŋi buygi ka ni dewɗi su? Lo ma dewna laygi ka ni nambi su? Ni kay me huruygi mbuɗ ki cora eg taygi na halaŋ halaŋ a ɓeŋeygi banara vi somoyoygira ki ge?

MALASI 2:10 ပူးပေါင်းရင်းမြစ်များ

SOOLLA 100:3

Wagi ki ana Yawe ni Lona. Nam laygi ni namu, aygi ni mamu, suu mamsina ni yoori suu ka hu katlaŋ mambana.

MALASI 2:11

Yuda ɓeŋ boyna kiyo. Dla cora mba hu Israel hu Yerusalem lay. Gasi Yuda ɓeŋ li ma teteɗ ma Yawe, hurum haɗ kam ɦayna ki u ɗumba nam ɗum goŋ loogi suu daŋŋara.

1 KORINTNA 8:6

Irigi aygi ni ay wi ana Lona ni dew, Buy ma li tlena belna, aygi kak iiri ni um nam lay, Bu Suuna ni dew, Yesu Kristu tlena halaŋ ka ni kom namu, aygi kak iiri ni um lay.

EFESNA 4:6

Lona dew a Busi halaŋ kak ki kasi ni nam dew li hu lina halaŋ kak ki hu lina halaŋ lay.

EZAYI 63:16

Kay aŋŋi Bumiya, Abraham lay ka wamiɗi, Israel, ka wami oloɗi lay. Aŋ, Yawe, dew ni bumiya. Ni sa ma buɗumi kina, ay day day seŋŋi na daŋ may.

EZAYI 64:8

Yawe mbuɗ yara ta ta a kal ki saɓakiɗi, humuŋ gaŋ kay dla coomira na gak gakgi, na may gol iriŋ ay kami halaŋ, ami ni suu maŋsina.

SUNDA 7:26

Vinda ni suu Israelna mba' ka li tasi yara, Moiz min a vasi kiyo, nam dasi ana banayanna agi ni waya tagiɗi su? Lagi tagi na amege?

MATIYE 3:9

Saaragi hurugi ana, Abraham ni bumiya naɗi. An dagiya, Lona ndak a mbuɗ ɦinira ki a goryoŋ Abrahamma layɗi su?

Boy Ma Ayra Ma JAŊ Ɓiirimma 8:41

Agi li ni dlara bugi laɗta.» Asi hoŋom dira ana, «Ami ka gor suu mboymoɗi. Bumi ni Lona dew.»

MATIYE 22:16

Asi cuk suu masina u suu vi Herodna ɦiw a di Yesu ana, «Mala Haɗta, ami wi ana aŋ di ni gasira, aŋ haɗ ni dlara ɗegeera a li jivira ko Lona minda na. Aŋ ka li ndaa ko boy ma vi saɗi. Lini sa ma megelay ni, aŋ dam lay.

MATIYE 10:21

«Hu li namma sana ɦal wayamma ki fun maɗna lay, bu goona hin ɦal goromma ki na lay. Kemba hin hoŋ irisi eg somoyosi a casi ki lay.

MALASI 2:8

Agi may ɗaŋŋi viɗigi ki wa. Agi viɗ suuna u haɗ magira cocoo. Agi ɓeŋegi banara vi Levira ki wa. Yawe, ma saɓakŋa kom belna, di na.

MALASI 1:6

Goona ŋga bumu, sa sunda ŋga malamma. Doli wani an li ni Buna ni ŋgara agi ŋgaanda ni arage? Li ni anni sa haɗagina ni humba agi humunda arage? Yawe, ma saɓakŋa kom belna, dagi na, agi li ɓivunna u tlesuu ɓeŋen sen kina. Agi hoŋdira ana, «Ami ɓeŋeŋ seŋ ki ni u mege?»

EZEKIYEL 33:24

«Goŋ sanna, u suu may suu hin ha hu mbassa ɓalak ki ndaɗta ka di ana, Abraham u dew tam tli mbas ndaɗta ni namu, aygi may ni mbuɗ zuli cocoo, mbas ndaɗta hin ka ni maygi may.

EZAYI 51:2

Humugi gagi kay bugi ŋgolo Abraham u sugi ŋgolo Sara suu vuɗugina. Hu li ma an yasina ni asi ni mba' daŋ, An hin paɗ vunun ki kasiya, zulusi ki bolowo.

EZAYI 44:2

An Yawe, an laŋŋi anu. Ay huu suŋ day ni an laŋŋi anu. Anni sa ma njunuŋŋa. Li ndaaɗi, zoŋ manna Yakob aŋ Israel ni sa ma an manaŋŋa.

EZAYI 43:15

Anni Yawe, Loogi ma Teteɗna. Anni sa ma li Israel, mul maginana.

EZAYI 43:7

Suu may suu yan u senna halaŋ, an lasi ni kay a asi ŋgaan senda.

EZAYI 43:1

Cemi ni Yawe di ana, aŋ Yakob sa ma laŋŋa ni gege? Israel sa ma miniŋŋa ni gege? Li ndaaɗi kay An suɗuŋ ki wa. An yaŋŋi u seŋu, aŋŋi varanu.

JOB 31:15

Nammi sa ma lan ay huu sunna, lasi ni ka nam layɗi su? Lo namma lami ay hu somoyomi ni nam halaŋ.

NEHEMI 13:29

Humuŋ gaŋ kasiya, Loonna, kay ana asi mbuɗuŋ sunda li ɓivunnara ki njenjera, u galamba vi muli suu li ɓivunna u suu Levina.

JOSUWE 24:3

An yagi bugi ŋgolo Abraham ay ki ŋgoo lumma ii hiniŋŋa an tuɗum ki hu mbassa Kanaanda halaŋ, an zulum njafam cocoo, an ɦam goona ni Isaak.

KALKIRA 19:5

Wan dara ni lini agi humun delenu, li u galam manda an vaɗ u agira may ni, duk suuna halaŋ agi hin kini a suu mansina. Kay ana ndaŋgara halaŋŋi varanu.

HEBRENA 12:9

Saaraygi kay somoyoygi suu hu ndaŋgarana gige, asi gaɗaygiya aygi hum usi may. Ni aygi ndak a hum u Buygi ma kolo huulona kay a kak iiriya.

1 TESALONIKŊA 4:6

Kay dla ndaɗta ni sa ma li ganyamba u dlara co eg wayambi, suu li dla cora ko ndaɗta nana Bu Suuna hin kaasi ɓakŋa kasiya, ami dagi boy namma ki jew lay.

EFESNA 4:25

Kay ndaɗta hinigi kaboyna kiyo, lini gegelay ni di gasira maŋ ndaramma kay aygi halaŋŋi hu mbalatara dewra.

ROMMA 9:10

Ni ka kay ndaɗta holɗi, goryoŋ Rebekana mba' jakŋi busi ni dew, buygi ma ŋgolna Isaak.

ROMMA 4:1

Aygi daygi ni me kay buygi ma jewna Abraham ge? Nam fini mege?

SUNDA 17:25

Nam ka min ana sa ɦam va naɗi, nam ɦal tlena maŋ suuna halaŋŋi namu, ɦasi iirira, musukŋa u tlesuu daŋŋa halaŋ.

SUNDA 7:2

Etiyen hoŋ dira ana, «Gorsenna u somoyonu humugi haa, Lona ma ŋgolna tak tam ii buygi Abraham ay hu Mesopotami ni bay nam tuɗ kak hu Haran tuwa.

Boy Ma Ayra Ma JAŊ Ɓiirimma 8:56

Bugi Abraham furi hu saa mamba a wi buu ma an mba huna. Nam wanu, furi cocoo lay.»

Boy Ma Ayra Ma JAŊ Ɓiirimma 8:53

Aŋ saa ana aŋŋi su Bumi Abraham ma miɗina su? Suu jok vun Lona miɗ lay. Aŋ saa ana aŋŋi gege?»

Boy Ma Ayra Ma JAŊ Ɓiirimma 8:39

Asi hoŋom dira ana, «Bumi ni Abraham.» Yesu dasi ana, «Agi li gasi ni goryoŋ Abrahamma ni, agi hin lini dlara nam laɗta may.

Boy Ma Ayra Ma LUK Ɓiirimma 3:8

Lagi dlara jivira a tak ana hurugi ki joki zeɗ. Dagi ana Abrahammi bumiya naɗi. An dagiya, Lona ndak a mbuɗ ɦinira ki a goryoŋ Abrahamma layɗi su?

Boy Ma Ayra Ma LUK Ɓiirimma 1:73

Lona suu tam ay fun Abraham, buygi ma jewna.

SUNDA 17:24

Lona ma li duliyara u tlesuu huruɗna halaŋŋa, nammi Bu Suuna vi tlesuu kolo huulona u suu kay ndaŋgarana halaŋ. Nam ka kak hu zi ma sa minim u kombi.

SUNDA 17:26

Nam cuk suuna halaŋ col ay ni u sana dew. Nam ɦasi ndaŋgara ni masiya. Nam ŋga ii lina ha ki fok jewe, hin ɓorowosi li ma asi kak huna ki kosiya.

KALKIRA 19:4

Agi wi dla mayra an laɗ ay eg suu Egiptena u ii tagira, an yowogi ay ki ko bakŋa yow goryom ay kay garaŋamba na, mbaaragi ay ki egenu.

KALKIRA 24:3

Moiz mba cuɗ boy ma Yawe damma ki maŋ suuna halaŋ u gaɗta lay. Suuna halaŋ hoŋ dira vunusi na dew ana, «Boy ma Yawe damma halaŋ ami min a li umu.»

KALKIRA 24:7

Nam tli maga mayra galamba ndumuɗ maŋ suuna, asi di ana, «Dlara Yawe daɗta halaŋ ami min li uɗu, ami min hum uɗu.»

JEREMI 31:9

Asi mbay u tiina. Asi yi kolo ana, «Oora.» Ni an zuɗusiya. An tuɗusi hu ɦuɗugum mayra laɓi jivira, hu voɗta dewra ka sesi daɓ eg vaɗi. Gasi an mbuɗ ki ni bu Israel, Efrayimmi goron ma ŋgolna may.

EZAYI 64:7

Na may ni Yawe aŋŋi bumiya, ami ni lubuna ɦawaa, aŋ minimi ni aŋu, ami halaŋŋi sunda aŋ laɗ u bik koŋga.