MALASI 1:9 - Boy Lonana

⁹ Ŋgoo dagan ɗaŋŋi halagi dla mayra a heɓ huu Lona a nam waygi hahawaygira. Dla ndaɗta col ay ni kagiya, nam hin vagi u furira su? Yawe, ma Saɓakŋa Kom Belna, di na.

MALASI 1:9 ပူးပေါင်းရင်းမြစ်များ

2 DLAŊ MULINARA 30:27

Ŋgoo dagan muli suu li ɓivunna yow kolo paɗ vunusi ki kay suuna. Delesi hum ki duk suuna kal ha ki kolo huu Lona, cen masira tew ha ki huulona, hu liim ma teteɗna.

KALKIRA 32:11

Na may Moiz cok yam ga fok Yawe di ana, «Ҥii, Yawe, huruŋ ɓeŋ eg suu maŋ suu aŋ cukusi ay ki hu mbassa Egiptera u saɓak maŋ ma cocona na ni kay mege?

JEREMI 26:19

Na ni mul ma Yudana, Ezekiyas, u suu mamsina hin cam ki su? Asi hoŋ yasi ga u Yawe ni hoŋi na ɗowɗi su? Yawe hin doo dla cora nam gin a lasira egesira ki kasiya. Aygi may ɗaŋŋi hal a laygi ni dla cora.»

JEREMI 27:18

Asi lini suu jok vun Lona asi li ka u boy ma vi Yawena kosiya ni asi vi tasi eg Yawe, ma Saɓakŋa kom Belna, ka tlesuu sunda suu ka hu zira vi Lonara, hu taraŋgana, hu Yerusalemma ka asi yowosi ki Babilonɗi.

YOORA 2:19

Col koloo tii duk njeŋgera, hu li ma ndak col kolo a gol u tlena halaŋ, tin huruk ki fok Bu Suuna ko ndal yona na. Yow kok kolo fokom kay iirira vi goryok suu gori suu miɗ ki ko mayra keŋ lina halaŋ hu voɗtana.

JOEL 2:12

Cecem wanda, Yawe di ana hoŋogi ay egen u hurugi halaŋ, u laara lira, u tiina, u yoo tara.

JOEL 2:17

Duk ɦoŋ vun goŋga u givin ma togolla, muli suu li ɓivunna u suu ŋgolo suu sunda vi Yawena tii tasi huwa. Asi di ana, «Yawe wi hahaw suu maŋsina, mbuɗ jooŋŋa ki zolonaɗi a suuna pan suu maŋsinaɗi. Ka a suuna di duk tasi ana Loosina ni arageraɗi.»

AMOS 5:22

Hu li ma agi langi ɓivun ma ŋgalam kina, u ɓivunna u njaf wana halaŋŋi va an furiyum na dew kaɗi. Ɓivun magi ma u mbuuri suu mbulna cocona lay, ni irin ka golombi.

Boy Ma Ayra Ma JAŊ Ɓiirimma 9:31

Aygi wi ana Lona ka hum vun suu conaɗi. Nam hummi vun sa humum vunum li u min mambana.

ROMMA 2:11

Lona ka ɓorow ii suuna zeɗ zeɗɗi.

1 PIYER 1:17

Hu cen magira agi yi Lona ana Bugiya ma kaɓakŋa kay suuna halaŋ fun tasi dewna, u va ma sana lamma, hu li ma agi ka hu ndaŋgara tuna ni agi lagi ndaana u Lona hu poy magira.