MALASI 1:6 - Boy Lonana

⁶ Goona ŋga bumu, sa sunda ŋga malamma. Doli wani an li ni Buna ni ŋgara agi ŋgaanda ni arage? Li ni anni sa haɗagina ni humba agi humunda arage? Yawe, ma saɓakŋa kom belna, dagi na, agi li ɓivunna u tlesuu ɓeŋen sen kina. Agi hoŋdira ana, «Ami ɓeŋeŋ seŋ ki ni u mege?»

MALASI 1:6 ပူးပေါင်းရင်းမြစ်များ

Boy Ma Ayra Ma LUK Ɓiirimma 6:46

«Agi yan u vunugi ana, Bu Suuna, Bu Suuna, ka li dlara an dagiraɗi may ni nanage?

EZAYI 1:2

Huulona, humugi haa, ndaŋgara tin humuk ha huma, Yawe ka ɓaka. An ɦal tina maŋ kemba wulusiya. Na may asi mbuɗ usi a duu u anu.

KALKIRA 20:12

«Aŋ hum ugi buŋ u suŋ jiviya kay a buu maŋ ma Yawe Looŋŋa ɦaŋŋana mbuɗ ŋgol kay ndaŋgara may.

1 PIYER 1:17

Hu cen magira agi yi Lona ana Bugiya ma kaɓakŋa kay suuna halaŋ fun tasi dewna, u va ma sana lamma, hu li ma agi ka hu ndaŋgara tuna ni agi lagi ndaana u Lona hu poy magira.

Magaara Vi Sa Jok Vun Lona OZE 12:8

Kanaan vi va ma tli nekka ma ganyamba koɗu, ndaɗ minni kulla.

EZAYI 64:8

Yawe mbuɗ yara ta ta a kal ki saɓakiɗi, humuŋ gaŋ kay dla coomira na gak gakgi, na may gol iriŋ ay kami halaŋ, ami ni suu maŋsina.

EFESNA 6:2

«Hum u buŋ u suŋu,» ni gaɗta jewra dlaɓi u vi vunna vi Lona,

VUN ŊGOLNA 30:17

Ii mayra pan bura, ka min a hum u suŋ ɗira, gagaw ma doŋ lummana hin cooɗ kiyo, u bakŋa hin komoɗ kiyo.

MATIYE 7:21

«Suu yan ana, Bu Suuna, Bu Suuna, ka cuk hu Mulla huulonara belɗi. Suu li minda vi Bun ma huulona cuk hu ni asiya.

MATIYE 6:9

Agi li a cen Lona ni, dagi ana, Bumi ma kolo huulonna, Seŋ tii ŋgol su tlena halaŋ.

VUN ŊGOLNA 30:11

Suu daŋŋa kaa ni ŋgul somoyosi suu njufiina, ka min a gi deɓ maŋ somoyosi suu tamaginaɗi lay.

GA 8ATAMBARA 5:16

«Aŋ hum u gi buŋ u suŋ jiviya ko Yawe Looŋŋa gaɗaŋga na, kay a buu maŋ ma Yawe ɦaŋŋana mbuɗ fok ŋgol kay ndaŋgara may, aŋ kak u tara fanira may.

DLAŊ LEVIRA 19:3

«Gegelay dukugi ni li ndaa gi bum u sumu, li u buu ma vi Lonna may. Ni an, Yawe, Loogina.

MARK 10:19

Aŋ wi gaɗta vi Lonara di ana, Aŋ ci maɗɗi, aŋ li zoŋgi, aŋ kulɗi, aŋ kaboy eg saɗi, mbaɗ vun va ko sa u mbeleŋgi, tli yam buŋ u suŋ koloo.»

MATIYE 19:19

Tli yam buŋ u suŋ koloo. Min ndaraŋŋa ko taŋga na.»

Magaara Vi Sa Jok Vun Lona OZE 4:6

Suu mansina lay hin mbuɗ ka ɓakgi, ni cora kay asi ka wi dlaɗira, kay ana asi zuɗ wira wi dlara kiyo an hin zuɗuŋ ha kiyo. Aŋ hin ka li a mul man ma li ɓivunna oloɗi, aŋ maa gaɗta vi Looŋara kiyo, an may ni hin maaraŋ goryoŋ kiyo.

EZEKIYEL 22:26

Muli masi suu li ɓivunna ɓalakan gaɗ manda kiyo. Asi mbuɗun tlegeyen suu teteɗna ki njenjera. Asi ka ɓorow ii tlesuu teteɗna ki u tlesuu ɦawanaɗi lay. Ka ɓorow teteɗta ki u njenjeraɗi. Asi dug irisi ki kay buu ma vi Lonna, mbuɗum ki dukusi lalassa.

JEREMI 23:11

Suu jok vun Lona u muli suu li ɓivunna ki njenjee, ta ta hu ziinda lay. An fasi coosira kiyo. Di na ni Yawe.

MATIYE 15:6

Ni agi doo ki ni ana sa tli yam bum u sum koloɗi ni naɗi su? Agi mbuɗ boy ma vi Lonna ki lalas, u dlaagira agi haɗ suuna u ndaɗta.

MALASI 2:8

Agi may ɗaŋŋi viɗigi ki wa. Agi viɗ suuna u haɗ magira cocoo. Agi ɓeŋegi banara vi Levira ki wa. Yawe, ma saɓakŋa kom belna, di na.

Boy Ma Ayra Ma LUK Ɓiirimma 10:29

Mul ma wi magaara gaɗta a ɗoɓ boy mamma ii Yesura ni, nam joɓom ana, «Ndaranna ni gege?»

Boy Ma Ayra Ma LUK Ɓiirimma 6:36

Laki hurugi jivira ko Bugi Lona hurum jivira na may.»

MARK 7:10

Agi gola Moiz di ana, Tli yam buŋ u suŋ koloo. Nam hin di hu olo ana, sa pan bum u summa cam ki ciya.

JEREMI 31:9

Asi mbay u tiina. Asi yi kolo ana, «Oora.» Ni an zuɗusiya. An tuɗusi hu ɦuɗugum mayra laɓi jivira, hu voɗta dewra ka sesi daɓ eg vaɗi. Gasi an mbuɗ ki ni bu Israel, Efrayimmi goron ma ŋgolna may.

Boy Ma Ayra Ma LUK Ɓiirimma 18:20

Aŋ wi gaɗta vi Lonara di ana, Aŋ li zoŋgi, ci maɗɗi, kulɗi, ka boy kay ndaraŋŋaɗi, tli yam buŋ u suŋ koloo.»

MATIYE 15:4

Lona di ni na ɗow ana, Tli yam buŋ u suŋ koloo. Sa pan bum u summa cam ki ciya.

Magaara Vi Sa Jok Vun Lona OZE 5:1

Humugi dlara wanda haa, agi muli suu li ɓivunna, tinigi humugi jiviya suu Israelna. Suu vi mulnana tinigi humugi jiviya. Agi ni suu a kaɓakŋa u ɗegeera na, doli ɗaŋŋi agi ni ko ndal daw ma gunum hu ɦoŋzi ma Mispana na, ko ndal bay ma gunum kolo kay yam ɦinira Taborra na.

GA 8ATAMBARA 1:31

Ay ŋgoo bagi hu fulla Yawe ŋgomogi ko sana tli gorom kom kolo a tuɗ voɗta na, ta ta mba tewegi ki hu li ma agi cemi ka hurum wanna.»

SOOLLA 123:2

Na daŋ may, ko ndal mborɓiina irisi kolo u ko malayasinara na, ko ii goo mbaɓura kolo u ko malaɗta na, na may irimi halaŋ ka yowi kolo u Yawe, Loomina. Ami ka juɓummi oo mamba.

VUN ŊGOLNA 17:6

Bibiŋilla vi suu maarina ni gor ŋgologi masisina. Kemba ni ɦeɗew ma njuni kel somoyosina.

EZAYI 43:23

Agi mbaaran timigii suu ŋgal a ɓivunna kaɗi lay, agi ŋgaan ka u ɓivun magi ma agi lammaɗi lay, an may ni ka vagi ɦal magira tinaɗi may, ka fuurugi u mbul ma his jivinaɗi may.

JEREMI 3:4

Olo, cecem wanda na ni ndak ka yan ana, «Bunu, aŋ ma minin ay u gooron daynaɗi su?»

JEREMI 35:16

Goryoŋ Yonadabma may ni asi hum u gaɗta busi ŋgolo ɦasira kara, na may suu asina ka humunɗi.

SOFONI 3:4

Suu maɗ suu jok vun Lona ni suu ŋga tasina, suu kulla lay. Muli maɗ suu li ɓivunna mbuɗ tlesuu li ɓivunna ki njenje lay.

MALASI 2:1

Cecem wanda an gagi ni humugi agi suu li ɓivunna.

MALASI 2:10

Aygi halaŋŋi buygi ka ni dewɗi su? Lo ma dewna laygi ka ni nambi su? Ni kay me huruygi mbuɗ ki cora eg taygi na halaŋ halaŋ a ɓeŋeygi banara vi somoyoygira ki ge?

GA 8ATAMBARA 32:6

Dlara a ŋga Yawera li ni na su? Agi suu laɓana, suu yal masi kaɗina. Nammi ka bugi ma laginaɗi su? Nam lagiya mbuɗugi ki a njaf suuna kay tagiya.

EZAYI 45:10

Hahawra ka kay sa ma di bum ana, «Aŋ vuɗun ki na ni kay megena?» Ɗowba di sum ana, «Ndak vuɗun ki na ni kay megena?»

EZAYI 64:7

Na may ni Yawe aŋŋi bumiya, ami ni lubuna ɦawaa, aŋ minimi ni aŋu, ami halaŋŋi sunda aŋ laɗ u bik koŋga.

MALASI 3:5

An hin ɦuɗ tan ha egegi a kaɓakŋa. An hin kaɓakŋa kay suu vi kumuna, kay suu li zoŋga, kay suu suu tasina, kay suu hoŋ til suu li sunda ki kaŋgana, kay sa kuyuna u cara donora, kay suu las suu ka hu njaf masinaɗina, suu ka lan ndaaranɗi layna, Yawe, ma Saɓakŋa Kom Belna, di na.