MALASI 1:11 - Boy Lonana

¹¹ Kay ana col ay maɗii day ta ta tew u fiɗigina ni anni ma ŋgolna duk suuna. Hu lina halaŋ li ɓivun ma ŋgal tlena ni u senu, u tlesuu jivi suu ɦasi ayna, kay ana anni ma ŋgolna duk suuna, Yawe, ma Saɓakŋa Kom Belna, di na.

MALASI 1:11 ပူးပေါင်းရင်းမြစ်များ

1 DLAŊ MULINARA 16:25

Kay ana Yawe ŋgolo, ndaki a suuna geleɗemu, nam saɓak cocoo, ŋgol suu loogi suu daŋŋa halaŋ.

SOOLLA 111:9

Suu mamsina nam buɗusi ay kiyo, vi galamba u asi a fafaɗta. Sem ki ni teteɗ dlam ŋgolo.

SOOLLA 113:3

Col ay u maɗina ta ta u fiɗigina geleɗ ni u sem Yawe.

SOOLLA 138:5

Ko asi geleɗ sunda Yawe laɗta, «Yawe, bibiŋil maŋga ŋgol cocoo.

SOOLLA 141:2

Ko cen danda li ha fokoŋ ko mbul ma his jivina na, kon yowi kolo fokoŋ u ɓivun man ma fiɗigina.

SOOLLA 45:17

Ndak hin fi gorra cocoo, asi mbuɗ ki ni somoyoku. Goryok hin lak ha ki a mulina kay yam mbassa zeɗ zeɗ may.

SOOLLA 48:10

Lona, hu ziiŋga ami min a takaŋ ɗegee maŋga kiyo.

SOOLLA 48:11

Ko ndal seŋ na may, Lona, ŋgara ŋgaaŋga ndak ha ki kay yam mbassa halaŋ. Bikiŋ ma njufna oy u dlara ɗegeera.

SOOLLA 50:1

Soolla vi Azaf. Lo ma kay loogina halaŋŋa, Yawe, nam ɓakka, nam yi suuna halaŋ, suu u maɗiinana ta ta suu u fiɗiginana.

SOOLLA 65:9

Suu hu duliyara halaŋ li ndaana ko dlara aŋ laɗta, an tak furira u maɗiina lay u fiɗigina lay.

SOOLLA 67:2

Lona, wami hahawamiya, paɗ vunuŋ ki kamiya, ko nam tak kiɗik mamba dukuygiya.

SOOLLA 86:9

Njaf suu aŋ lasina halaŋ hin mba goɓ ga fokoŋu, Bu Suuna, hin a seŋ fi bibiŋilla fok suuna.

SOOLLA 96:8

ɦal ŋgolla bibiŋilla ni maŋ sem Yawe dew. Mbaagi ɓivun magina ay hu ziimma,

EZAYI 12:4

Agi hin ɓak hu buu namma ana, Gagi deɓpa maŋ Yawe, yagina sem ha koloo, dam sun mamba ha ki duk suuna, dagi ki ana semmi dlam ŋgol cocoo.

EZAYI 12:5

Gagi soolla geleɗ Yawe, kay nam li dlaamba ni u jivira. Ko suuna dam dlam ha ki kay yam ndaŋgara halaŋ.

EZAYI 19:21

Yawe hin tak tam ki ii suu Egiptena, suu Egiptena hin wi Yawe ki hu buu namma may. Asi hin sunum u ɓivun ma ŋgaɗ tlena u ɦalla ɦal tlenara lay. Asi suu tasi kay dlara fok Yawe, hin li dla ndaɗta ki lay.

EZAYI 30:27

Yawe col ay day ka mbaya, yaamba ay ŋgal ko kura ŋgalla na, u ndoos ma warna na dim dim. Vunum oy u kura ŋgalla, sinimmi ko ndal kura ŋgalla na.

EZAYI 45:6

Ni kay a suuna wi ki ana col ay u maɗiina ta ta u fiɗigina ni sa ma daŋ kaɗi ni an dew daŋ. Anni Yawe, sa ma ko ndal an na kaɗi.

EZAYI 54:5

Kay sa ma mbuɗ tam a njufukŋa sem ana Yawe, ma Saɓakŋa Kom Belna, ma Teteɗ ma vi suu Israelna, ni sa ma buɗuŋ ay kina. Yam ana, Lo ma kay ndaŋgara belna.

EZAYI 59:19

Na ni suu ha u fiɗiginana hin li ndaa sem Yawena, suu u maɗiinana hin ŋgaam bibiŋil mamba. Kay nam hin mba ni ko ndal bil mbo lum ŋgolna babaana ɓaɗam ayra na.

EZAYI 66:18

An wasi sun masira u saa masira lay. An hin mba ni tok yam njaf suuna halaŋ, hu li ma asi mba wa ni asi hin wan bibiŋil manda.

JEREMI 10:6

Sa ko ndal aŋ na kaɗi, Yawe. Aŋ ŋgolo, seŋ ŋgolo u saɓakam may.

JEREMI 10:7

Sa hin ka laŋ ndaaraŋgi na ni gege, mul ma vi suunana. Dla ndaɗta ni ŋgol maŋga. Duk suu yalna halaŋ lay, duk mulina halaŋ lay, sa ko aŋ na kaɗi.

JEREMI 4:2

Lini ndak suu tak u iirira vi Yawera ni u gasira, ɗegeera u jivira, na ɗaŋŋi njaf suuna hin fi heɓpa u semu. Asi hin fi ŋgara ni umu.

DANYEL 2:45

Ko ndal aŋ wi gogoyra col ay kolo kay ɦinira bay ko sa egeɗu mba luɗ kawina kiyo, luɗ walakka kiyo, luɗ luɓuna kiyo, luɗ doonora kiyo luɗ lorra kira na. Lo ma ŋgolna tak dlara hin mbay fokka ki maŋ mulna. Doyra di mulnara ni gasira, uɗ mayra buɗ kira ndak a sana vi uwa.»

AMOS 9:12

A asi fi suu Edom suu hinna lay, li ma suuna humun sen ki hurumma halaŋ. Yawe di na. Hin a li dla ndaɗta ni namu.

MISE 5:4

Nam kay tamba hin li ni a heɓpa. Hu li ma Asiri suu kay mbas maygira, hin tooygi ziygi kiyo, aygi hin sunuygi suu taa yoona kiɗisiya kamu, mulina kalavandi may.

SOFONI 2:11

Yawe hin tak yaamba ki egesiya, nam hin hoŋ yam loogi suu ɦawa suu kay ndaŋgarana kaŋgaa. Suu wara suu ha ki hu mbassa day dayra hin goɓ kaŋga fok Yawe, gegelay kay ndaŋga mamba.

SOFONI 3:9

«Na ɗaŋŋi an hin mbuɗ vun suuna ki teteɗ a asi halaŋ yi sem Yawe, a asi sunum u saɓakasi ma dewna.

ZAKARI 8:7

Yawe, ma Saɓakŋa Kom Belna, ɓak ana, Gasi an hin buɗ suu mansina ay ki hu li ma faɗta day ay huna lay, hu li ma faɗta ɗik huna lay.

MALASI 1:14

Cora ka kay sa ɦulla, ma yoo ma njufna ka kom hu katlaŋ mamba, ɦal ɦalla ɦawara hin li ɓivunna maŋ Bu Suuna u yoo ma sunum kaɗina. Kay anni Mul ma Ŋgolna Yawe, ma Saɓakŋa Kom Belna, di na. Suuna halaŋ li ndaana ko senu.

MALASI 3:3

Nam hin kak kaŋga kay a yoo tusuna ki may, mbusum ki teteɗ may. Nam hin mbus goryoŋ Levina ki teteɗ. Nam hin ɦokosi ki ko ndal suuna ɦok doonora u lorra kira na. Suu may suu ɦam tlena a ɓivunna ko nam minda nana hin li ni suu vi Yawena.

NDUMBA 7:74

koɓ ma yoori u lorra nekem ii siklera 10 oy u mbul ma his jivina,

MATIYE 28:19

Tuɗugi ha duk njaf suu kay ndaŋgarana halaŋ, mbuɗusi ki suu mansina. Mbususi batemma u sem Buna, Goromma, Musuk Lonara may.

MATIYE 8:11

An dagiya, suuna ŋgolo hin mbay u lo maɗiina, u fiɗigina, lak hu Mulla huulonara ko tasi u Abraham, u Isaak u Yakob.

Boy Ma Ayra Ma LUK Ɓiirimma 1:10

Nam ŋgal mbul ma his fayatna na ni suuna moli bunsu cen Lona may.

ROMMA 12:1

Gorsenna, aygi wi ana Lona waygi hahaw maygira. Na ɗaŋŋi an joɓogiya, agi ɦal tagi ki ko ɓivun ma iirina na, ŋgomogi tagi maŋ Lona u dlara irim jivira, ni dlara jivira geleɗ Lona u ndaɗta.

ROMMA 15:16

Kay a kak sa sunda vi Yesu Kristu kay njaf suu ka Juifnaɗina, an lini u sunda ɦanda a di Boy ma Ayra vi Lona kira, kay a njaf suu daŋŋa mbuɗ ki va ma jivi ma Lona furi kamma, mbuɗ ki suu mam suu ndakina u saɓakŋa vi Musuk Lonara.

FILIPINA 4:18

An fi tlesuu agi sununsina ayna wa halaŋ su ni suy ɗow, cecemi Epafrodit mbaaran tlesuu agi sununsina ayna ni tlena ndakan ki wa halaŋ. Ҥal magira ni ko ɓivun ma his jivina ma Lona minim, irim jivina na.

2 TESALONIKŊA 1:12

Kay ndaɗta a sem Bu Suuna Yesu mba fi geleɗta ugiya. Agi fi geleɗta u Yesu may. Ni oora fi Looyna u Bu Suuna Yesu Kristu hin lini na.

1 TIMOTE 2:8

An min ana hu lina halaŋŋi suuna cen Lona yow kosi kolo kay a cen hu buu ma jivina bay yara u ŋgussa honira hurusiya.

WIRA ŊGAYRA 11:15

Sa sunda huulona ma kiɗisiyana bu difna, della di ay kolo huulona eŋga ana, «Saɓakŋa a kak mulna kay ndaŋgara cecemi ni maŋ Bu Suuna mayna, u Kristu mamma, nam hin kakŋi a fafatɗa.»

WIRA ŊGAYRA 15:4

Sa ma laŋ ndaaraŋgina ni gege Bu Suuna? Sa ma min geleɗeŋgina ni gege? Aŋ dew ni sa ma teteɗna, njaf suuna halaŋ hin mba goɓ kaŋga fokoŋ a ceneŋga, kay sun maŋga ɗegeera tak ki wa.»

WIRA ŊGAYRA 5:8

Nam vi magaara vini, tlesuu iiri suu fiɗina, u suu ŋgolo suu dok mba' yam fiɗina mba goɓ kaŋga fok Goo Timiina. Dukusi ni gegelay ni u diŋ mamma komu, u tassa ma lorra oy u mbul ma his fayatna, tle asina ni cenda vi suu vina vi Lona.