MALASI 1:10 - Boy Lonana

¹⁰ Na ni hin fi sa dukugi dew a duk vunna ɗaŋ su, kay a agi ka lagi dla cora ta ta bulumun givin ma togolla manna kiɗi. An ka furi kagi na ndeɗi, Yawe, ma Saɓakŋa Kom Belna, di na. Ɓivun magina an ka vam kogiɗi.

MALASI 1:10 ပူးပေါင်းရင်းမြစ်များ

2 MULINA 12:6

ma muli suu li ɓivunna ka yowom ki kay tasina, gegelay ni wi ii mamma. May ni asi min ii Ziŋ Lonara, li ma ka ki ɓalaki zeɗ zeɗ wanna kiyo.»

VUN ŊGOLNA 15:8

Ɓivun ma vi suu dlasi cona ka ii Yawe jiviɗi. Nam tin humummi kay cenda vi suu ɗegeena.

JEREMI 14:10

Na ɗaŋŋi Yawe ɓak suu asina ana, «Gasi, asi min ni poyra, asi ka gol tasi hu poy masira jiviɗi.» kay ana asi ka jivi ii Yaweɗi. Cecem wanda nam gasi u dla coosira ki koloo. Nam gasi daŋgayna kay coosira lay.

JEREMI 14:12

Lini asi li laara lay, an ka humusi tii masinaɗi. Lini asi lan ɓivun ma ŋgalam kina u ma ɦawana lay ni, tle asina hurun ka vasiɗi. An hin casi ki u ŋgewra u baktara u tuguɗi bora.»

JEREMI 6:13

Asi halaŋ, kemba u suu ŋgolona gegelay hal ni li ma nam fi huna. Asi halaŋ, suu jok vun Lona u muli suu li ɓivunna tuɗ masira ki coo.

JEREMI 6:20

Va an a lam u mbul ma his jivi ma yowom ay Sabana ni mege, u cerew ma gol jivi ma yowom ay hu mbassa dayrana ge? An ka minigi ɓivun magi ma agi ŋgalangina kinaɗi, ɓivun ma agi langinana ka irin jiviɗi.

JEREMI 8:10

Na ɗaŋ an ɦasi boyogosi ki maŋ suu daŋŋa. Sene masina an hin ɦam ki maŋ suu yowom kina. Kay ana kemba u suu ŋgolona halaŋ min saɓakŋi begera, suu jok vun Lona u muli suu li ɓivunna halaŋ tuɗ masira ki coo.

Magaara Vi Sa Jok Vun Lona OZE 5:6

U yoori masi suu gorina lay, suu ŋgolona lay asi mbay a hal Yawe may asi hin ka fambi. Nam ɓorow duk ɦoŋom ki u asi wa.

MISE 3:11

Muli suu asina kaɓakŋa ni kay gegeli sum veŋŋa ɦawaa, suu haɗta haɗ suuna ni kay a mbuɗ tasi begera ɦawaa, suu jok vun Lona ɓak boyna ki fok jew ni kay gursura ɦawaa. Ni u saɓak ma vi Yawena asi di ana, «Yawe na ni ka dukuygiɗi su? Ҥawaa, hahawra hin ka a mba kaygiɗi.»

MALASI 1:13

Agi di ana, «Gologiya, ni loɓ me nage?» Agi zuɗugira ha ki noyoɗ ki lay, Yawe, ma Saɓakŋa Kom Belna, di na. Agi mbaagi ay u yoori suu ɦulla ɗowba dalira ɗowba tuguɗira agi mba ɦasi a li ɓivunna. Na ni an hin vagi ɓivun namma kogi su? Yawe, ma Saɓakŋa Kom Belna, di na.

MALASI 2:12

Sa li ko ndaɗta nana ko Yawe yowom goryom u suu mamma ay ki hu mbutluɓma vi Yakobma, li ni sa li ɓivunna maŋ Yawe, ma Saɓakŋa Kom Belna, lay.

MALASI 2:13

Gologi dlara agi laɗ a mbarara, ko simi ma irigina oy givin ma togolla vi Yawena, tirigiya, oyogiya kay ana nam ka caa yam kay tlesuu agi ɦamsinana oloɗi, ka vagisina kogi u furira oloɗi lay.

Boy Ma Ayra Ma JAŊ Ɓiirimma 10:12

Sa ma li sunda kay warakŋa, ni ka sa ma taa yoorina jivinaɗi, kay timigiina ni ka mamsinaɗi. Nam wi bosokona mbay wa ni nam pii gaw, hin bosokona njay timigiina kiyo.

1 KORINTNA 9:13

Wagi ki kaki anaba suu li sunda hu Ziŋ Lonara fi tiisina ni hu Ziŋ Lonara may, suu li ɓivun ma ŋgalam ki ŋgalina fi tiisina ni hu givin ma togolla namma may.

FILIPINA 2:21

Suuna halaŋŋi hal ni dlaasira u min masira kay tasira, ka kayra vi Yesu Kristuraɗi.

HEBRENA 10:38

Kay ndaɗta sa ma irim ɗegeena kak iiri ni hu vira, lini nam hoŋ ki daganwa ni, an ka furi kam oloɗi.»

1 PIYER 5:2

Gologi jiviya, ko agi suu gol yoori suu Lona ɦagisinana na. Golosi u huu ma jivina ko Lona minda na. Ka ko ɦeɓegi ni ɦeɓi naɗi ni kay a faɗ kini vun sun magira, ka kay warakŋa vi gursuraɗi, ni kay minda vi huuna.