Magaara JAK Ɓiiriɗta 5:7 - Boy Lonana

⁷ Gorsenna ɗiligi irigi u lalamba na ɗil gak gak falira Bu Suuna hin mbara. Gologiya sa ma horokŋa ka ɗigil irim kay juɓ tlesuu ndaŋgara neesina. Nam irim na ɗil gak gak juɓ lo ma si jewna u ma si daganna lay.

Magaara JAK Ɓiiriɗta 5:7 ပူးပေါင်းရင်းမြစ်များ

JOEL 2:23

Agi suu hu Siyonna lagi furira u Yawe Loogina. Nam ɦagi mbo lo ma ndolna a suɗugi kira. Nam si yo ma ndolna hu lina kagi ko ay fok jew dayra na.

GALATENA 6:9

Hiniygi sunda li jivira kiɗi, lini aygi maŋ ka kiɗi ni aygi hin feɗ jivira hu li ma lina hin ndakŋa.

GA 8ATAMBARA 11:14

An hin sagi yona hu mbas magira u tilim tew tew may, yo ma benewna u ma vun semeɗnana lay. Agi hin feɗ wa ble magina u sum veŋ ma wilina u mbulna may.

KOLOSNA 1:11

Ami joɓomi Lona kay nam mba ŋgomogi u saɓak mamma bibiŋilna ni agi hin ndak siɓ tlena halaŋ u ɗigilla.

HEBRENA 6:15

Abraham juɓ u ɗigilla ni nam hin fi va ma Lona vi vunum kamma may.

ROMMA 2:7

Nam hin ɦal iirira ka daɓ kiɗira maŋ suu li jivina, asi suu hal ŋgolla u geleɗta u iirira bay miɗna.

GALATENA 5:5

Lini amiya ni ami wi ana Lona hin mbuɗuygi ɗegee fokommi namu ni va aygi ka juɓumma, u saɓakŋa vi Musuk Lonara ka njun uygi hu vira.

JEREMI 5:24

Asi ka ɓak tasi kay tasi ana, «Ŋgaaygi Yawe Looyginaraɗi, nam saygi yona kaygi hu liim tew tew vun ɦoɗogolna lay, vun walla lay, goloygi njaf tlena tew eg liisi ma feɗta.»

1 TESALONIKŊA 2:19

Suu ami ka u juɓpa kasina ni suurage, furi mamira u ŋgaamira u bibiŋil mamira ni agiɗi su, fok Bu Suuna mayna Yesu hu mbaamba layɗi su?

MATIYE 24:44

Minigi tagi jiviya, Goŋ Sanna hin mba ni hu faɗta agi ka saa kambira.»

Magaara Vi Sa Jok Vun Lona OZE 6:3

Loɓoygi taygi a waygi Yawe, col mamba kolora ni gasi ko ndal li ma fora na may. Nam hin mbay egeygi ko ndal yona mbay sirara na ko ndal mbaɗagira vun ndolla laɓ yam ndaŋgara na.»

1 TESALONIKŊA 3:13

Ko nam soogi hurugi a lak bay cora teteɗ fok Lona Buya, a juɓ mbara vi Bu Suuna mayna Yesu u suu mam suu teteɗna halaŋ.

MATIYE 24:27

Weleɗta col ay u maɗiina wa, ndi ki u fiɗigina wa ni, ni Goŋ Sanna mba ni na may.

ROMMA 15:4

Tlesuu ay hu Boy ma Ɓiirina jew halaŋŋa ɓii ay ni kay a takaygi u dlara, kay boy ma ay hu magaara namma halaŋ mba gaɗaya, kay ay mba kak u juɓpa u ɗigilla.

ZAKARI 10:1

Joɓogi Yawe kay mbo lo ma hu til faɗtana. Yawe mba ɗugulla ay ni namu. Nam si yona ay kaŋga ŋgolla cocora ni namu, ɦal vuɗ tlena bagi hu senena maŋ gegelay ni namu.

2 PIYER 3:4

«Nam di ki jew ana nam hin mbaa naɗi su? Ha nam ara ɗowge? Somoyoy halaŋ miɗ kiyo ni dlara hin halaŋŋi tuɗ ni ko u ndaŋgara tin ay jewra na.»

1 TESALONIKŊA 1:3

Humumi gami fok Lona tew tew kay sun magira jivira hu vira, kay sunda hu min magira, u hurugi ma tini coco u juɓpa kay Bu Suuna maygina Yesu Kristu.

1 KORINTNA 1:7

Ҥala vi Lona ta hin ki bay agi faɗ kaɗi, agi suu ka juɓ buu ma Yesu Kristu hin mba na.

Boy Ma Ayra Ma LUK Ɓiirimma 21:27

Na ɗaŋi Goŋ Sanna hin mbay duk ɗugulla u saɓak ŋgolla vi bumba.

Boy Ma Ayra Ma LUK Ɓiirimma 18:8

An dagiya nam njun usi zak gaw. Na ni Goŋ Sanna hin mba ni, fi suu hurusi tini kamma kay ndaŋgara su?»

Boy Ma Ayra Ma LUK Ɓiirimma 8:15

Ii njaf ma waɗ kay ndaŋgara jivira ni suu hurusi ndaki, jiviya hum Boy ma vi Lona, li umu, vam hurusi lay, tuɗ fok u nam gak gak. Boy namma zul hurusi coco may.»

MATIYE 16:27

Na daŋŋi Goŋ Sanna hin mbay u bibiŋilla vi Bumba u suu mam suu sunda huulona may, hu li namma nam hin warak gegelay u dlara nam laɗta.

MATIYE 16:28

An dagi ha ni gasira, suu dukugi ɦiw ka daɓ ki miɗna bay wi Goŋ Sanna mbay u mul mambaraɗi.»

Boy Ma Ayra Ma JAŊ Ɓiirimma 21:22

Yesu hoŋom dira ana, «Lini an min ana nam kak iiri na gak gak an holoŋ ay tuwa ni, va ndoloŋŋa ni mege? Aŋu, tuɗ ay kay cerenu.»

Boy Ma Ayra Ma JAŊ Ɓiirimma 21:23

Suu haɗina jok boy namma ha ki maŋ gorsesina halaŋ ana sa haɗi namma hin ka miɗɗi. Doli ni, Yesu di Piyer ka ana nam hin ka miɗɗira naɗi. Nam di ni ana, «Lini an min ana nam kak iiri gak gak an holoŋ ay tuwa ni, va ndoloŋŋa ni mege?»

Magaara JAK Ɓiiriɗta 4:11

Gorsenna di boy ma co duk tagiɗi, sa ma di boy cona eg wayamma kaam ɓakŋa kam layna nam di boy cona u kaɓakŋa ni kay gaɗta. Lini aŋ kaɓakŋa kay gaɗta ni aŋŋi sa ma hum uɗna oloɗi ni sa ma kaaɗ ɓakŋa kaɗna.

Magaara JAK Ɓiiriɗta 5:3

Lor magira u gursu magira ti ki tumusna wa, tumus ma namma dagi kini yagiya, nam hin ŋgalagi tliwigi kini ko kura na, agi tokogi begera kogi hu buu ma daɓ dagan cecemina wa.

Magaara JAK Ɓiiriɗta 5:10

Gorsenna saaragi suu jok vun Lona suu di kay sem Bu Suunana. Lagi ko asi na may u lalamba ɗegeera kay a lak hu wihawra.