Magaara JAK Ɓiiriɗta 5:4 - Boy Lonana

⁴ Suu li sunda hu sene magina agi min ka warakasi sunusi kiɗi. Agi humugi sek masira haa, suu feɗegi waagina vona tii masina kal hum Lona, Bu Suuna ma Saɓakŋa Kom Belna wa.

Magaara JAK Ɓiiriɗta 5:4 ပူးပေါင်းရင်းမြစ်များ

URA TIN AYRA 4:10

Yawe dam ana, «Aŋ li na ni amege? Dla busu wayaŋŋa tew ha ki egen kolo u tiina a saam sukulumba.

JOB 34:28

Ni kay ana tii ma vi suu wihawra tew ha ki egemu, Lona hum tii ma vi suu ka lasna.

JOB 7:2

Ni ko ndal mbaɓuna yoo tam coli ii faɗta, hurum haɗ a kak u ŋgusnara na. Ko ndal sa ma li sunda ka juɓ warak mammara na.

SOOLLA 9:12

Yawe ka kaki hu Siyon, geleɗegina gam deɓpa. Takam sun mamba ŋgolora ki, maŋ njaf suuna halaŋ.

KALKIRA 22:27

Aŋ ka ɓak boy ma co eg Lonaɗi, aŋ ka ŋgul mul ma hu njafaŋŋaɗi lay.

KALKIRA 3:9

Cemini tii ma vi suu man suu Israelna tew ki egen wa gasi, an wi nekka suu Egiptena tinisira kasira wa lay.

EZAYI 1:9

Lini Yawe, ma Saɓakŋa Kom Belna, ŋgomoygi gin na ɦiwɗi ni, aygi mbuɗ gin ni ko ndal Sodom u Gomor na.

EZAYI 5:7

Sene gugutlu ma vi Yawe, ma Saɓakŋa Kom Belna, ni suu Israelna. Tlesuu zaari hu senena irim jivina ni suu Yudana. Nam a lasi ginni jivira, hin fi huni dlara ka jiviɗira. Nam juɓ ginni ɗegeera, hin hummi tiina vi suu hahawra na ɗow.

EZAYI 5:9

An hum Yawe, ma Saɓakŋa Kom Belna, suu tam ki ana «Zi ma min ŋgolo coco namma ma jivi ɦayna hin ɓeŋ kiyo, ni kay cora vi suu hurumma.

JEREMI 22:13

Cora ka kay sa ma min ziim ka saa kay ɗegeeraɗina. Min zigini suu daŋŋa kolo kasi, bay saa kay ma jivina layna, ma tin sunda nekka kay suuna ka ɦasi warakŋaɗi layna.

DLAŊ LEVIRA 19:13

«Aŋ las ndaraŋ ma vok zina a yowom tlegeyem kiɗi. Buu sa ma laŋ sundana ndak wa ni aŋ warakam ki ni hu buu namma gaw buurumma ki koŋgi.

HABAKUK 2:11

Gasi, gogoyra min gulumunna u ndaɗta hin tiira, gu ma cuki kolo kay yam zirana hin hoŋoɗ dira.

MALASI 3:5

An hin ɦuɗ tan ha egegi a kaɓakŋa. An hin kaɓakŋa kay suu vi kumuna, kay suu li zoŋga, kay suu suu tasina, kay suu hoŋ til suu li sunda ki kaŋgana, kay sa kuyuna u cara donora, kay suu las suu ka hu njaf masinaɗina, suu ka lan ndaaranɗi layna, Yawe, ma Saɓakŋa Kom Belna, di na.

MATIYE 9:37

Nam di suu haɗi mamsina ana, «Wana ka ŋgolo, ndaki a feɗta, suu feɗemma ka ŋgolɗi.

Boy Ma Ayra Ma LUK Ɓiirimma 18:7

Lona may ni ka njun u suu mam suu tii tasi egem tew tewna naɗi su? Nam vi yam a njunusira su?

ROMMA 9:29

Ni ko Ezayi di ay ki fok jewra na «Lini Bu Suuna ma Saɓakŋa Kom Belna hin njaf suu taa ka ɦiwɗi ni aygi hin li ki ni ko suu Sodomma u suu Gomorna na.»

GA 8ATAMBARA 15:9

Gol taŋ jivi, hin huruŋ gonok eg wayaŋ ma hawraɗi, di taŋ ana, «Basara bulum balna kira hin tok may nige?» gijaŋ gol wayaŋ ma ɦaw namma u iira cora ka min a ɦam vaɗi, li ni nam yaŋ Yawe kaŋ wa ni aŋ li ni suluk ma cona.

KOLOSNA 4:1

Agi maliyasina, lagi mborɓii magisina jivi ɗegee, humugi gagi ana malagina ka kolo huulona may.