Magaara JAK Ɓiiriɗta 4:6 - Boy Lonana

⁶ Ni kay ndaɗta Lona ɦaygi jivira ŋgolla su hu olo, magara di ana suu ŋga tasina Lona minisiɗi, suu lalamma nam ɦasi oo mamba may.

Magaara JAK Ɓiiriɗta 4:6 ပူးပေါင်းရင်းမြစ်များ

MATIYE 23:12

Sa col tam kolona hin hoŋ ki kaŋgaa, ma kaŋgana hin mbuɗ ki koloo.

VUN ŊGOLNA 3:34

Lini nam ka pan suu may suu pan suuna ni, nam li oora kay suu hoŋ yasi gana may.

1 PIYER 5:5

Na may agi gorzoŋina humugi u suu ŋgolona, agi halaŋ cukugi lalamba kagiya kay a njun u tagiya tagiya. Kay ɓiira di ana, «Lona hurum ɓeŋ eg suu ŋga tasina, nam ɦal oo mamba maŋ suu hoŋ yasi gaana.»

VUN ŊGOLNA 18:12

Jew sana bay ndi ga tu ni, nam ŋga tam cocoo. Jew sana a fi bibiŋilla ni nam hoŋ yam ga may.

SOOLLA 138:6

Gasi Yawe ni ma Kolo Dayna, nam wi suu hoŋ yasi gana aya, ay day ni nam wi suu ŋga tasina ay lay.»

VUN ŊGOLNA 29:23

Sa ma ŋga tam cocona hin hoŋ ki dagani, may sa ma hoŋ yam kaŋgana suuna ŋgaam cocoo.

VUN ŊGOLNA 22:4

Vuɗta vi hoŋ yamba gara ni ndaa ma lam u Yawena, ɦiza, ŋgara u iirira, ni warak mamma.

Boy Ma Ayra Ma LUK Ɓiirimma 14:11

Kayme suu tli yasi kolona hin hoŋ ki kaŋgaa. Suu ka tli yasi koloɗina hin tuɗ ni foko.»

EZAYI 2:17

Ŋga tara vi suu warna hin daɓ kiyo, suu ŋga tasina halaŋ hin hoŋ ki dagani. Hu buu namma geleɗta hinni maŋ Yawe doy hol.

JOB 22:29

Lona bulum dlara vi suu ŋga tasina kiyo. Suu hoŋ yasi gana nam njunusi hu dlaasira may.

Boy Ma Ayra Ma LUK Ɓiirimma 18:14

An dagiya, sa namma hoŋ vo wanni mbuɗ ki ɗegee su ma Farisenna. Suu tli yasi kolona, hin hoŋ ki kaŋgaa. Suu ka tli yasi koloɗina, hin tuɗ ni foko.»

EZAYI 57:15

An Lo ma ay kolo dayna ma ka din dinna di na. Ma ka miɗina, sem ana ma Teteɗna. An ka kaki ni hu li ma teteɗna. May an ka hu sa ma hurum ki teteɗna, sa ma irim ɗilina kay a ɦal iirira maŋ ŋgus mayra hoŋ yaɗ gara, maŋ suu hurusi ka haɗ ɦayna may.

Boy Ma Ayra Ma LUK Ɓiirimma 1:52

Suu kaki kolona nam dikisi ki kaŋgaa. Suu kaki kaŋgana nam jokosi ki koloo.

VUN ŊGOLNA 15:33

Ndaa ma lam u Yawena haɗ yalna maŋ suuna. Jew a fi bibiŋillara ni hoŋ yamba kaŋgara.

2 DLAŊ MULINARA 33:12

Hu li ma Manase ka hu lassa na ni nam gijaŋŋa a cen Yawe, loomma. Nam wi coomba halaŋ fok Lo ma vi somoyomma.

1 SAMUEL 2:3

Hoŋogi dlara bay uɗta na hoŋ hoŋgi. Ko boy ma cona kal ay ki funugiɗi. Yawe ni Lo ma wi dlara. Nammi sa ŋga nek dlara.

2 DLAŊ MULINARA 34:27

kay ana boy namma ŋgeneŋ huruŋu. Aŋ hoŋ yaŋ kaŋga fok Lona may hu li ma aŋ hum dla ndaɗtana, aŋ haa barawi maŋsina ki lay, tii taŋ fokon coco lay, an may ni an humuŋ wa. Di ni Yawe, Lona.

2 DLAŊ MULINARA 32:26

Na may Ezekiyas u suu Yerusalemma hin wi coosira kay ndaɗta hu li ma Ezekiyas ka iiri tuna ni Yawe tak yaamba ka ki egesiɗi.

MATIYE 13:12

Sa ma vaamma ka komma, hin ɦam ha kayam olo, nam hin zul kom ŋgolo. Sa ma va ka kombina, ma kom ewna, hin tlam ma ki lay.

2 DLAŊ MULINARA 33:23

Na may nam hin wi coomba ka fok Lona ko bum Manase lira naɗi. Nam hoŋ li dla cora ni su bum na ɗow.

KALKIRA 18:11

An wi ki gasi ana Yawe nam ŋgol su loogina hu njafasi lay halaŋ.»

EZAYI 54:7

An noyogi ay ki ni kay buu nde ɦawaa, cemi ni an hoŋ vagi u furira.

SOOLLA 9:12

Yawe ka kaki hu Siyon, geleɗegina gam deɓpa. Takam sun mamba ŋgolora ki, maŋ njaf suuna halaŋ.

2 DLAŊ MULINARA 33:19

Cen mamba u humba Lona humum cen mambara u dla coomba nam laɗta, lira nam li ka ɗegee fok Lonaɗira, ndum li ma nam min li ma li ɓivunna maŋ loogi suu ɦawanana, pi gu ma teteɗna zeɗ zeɗ lay u foto tlesuu ceɗina layna, jew bay a nam wi coomba a hoŋ ay eg Lona tura ni tle asina halaŋ ka ɓiiri magaara sunda vi Hozai.

Magaara JAK Ɓiiriɗta 4:10

Hoŋogi yagi kaŋga fok Bu Suuna nam hin yowogi koloo.